[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.45【為了__】

「喂喂喂，做咩啊，男人老狗唔好流馬尿啦！我上嚟係協助你架，唔使驚喎。司機大佬等陣就會出現。」L責怪我的淚水。
「冇嘢冇嘢，太開心。但又同時諗起當年咁。不過我會幫你搵到真相。」我捉起他的手，誠摯地說着。

「得啦得啦，我喺你個腦到有眼睇嘅。」他指着我的腦袋來說。
我依然哽咽着。

「就快開波啦，墮天使。」他很冷靜，並把我在組織的綽號說出。
「係啦係啦，多啦D夢。」我收起眼淚，換來的是堅定的眼神。

「咁我係咪要有八寶袋？」他笑得開懷。




從三年前的那刻，我的心門就為這事而關上。

難道我有機會完全擺脫嗎？
「對唔住，恐怕冇。」那把怪聲再次在腦袋中回流。

「係啊，恐怕冇。」司機大叔又出現了。
「妖，你又知。」我不太爽。

「呢件事，呢個世界，背後牽涉到唔少人同埋大組織，就連我都唔知得好多。你腦裏面條友，是敵是友都唔一定，你唔好聽佢把聲似想搞死你，可能佢係想提醒你。」司機大叔的分析不無道理。





「嘎啊哈—哇喏咕哩—」

「準備，開拖。」
「人到齊，裝備齊！我地ready！」Alan完成點算。

「我地都可以。」L和司機異口同聲說。
「L，唔好再喺我面前受傷。司機大佬，你都係，唔好受傷。

最後一句，大家唔好死！」我壯志凌雲，沒有事可以阻止我。
「收到！」大家都回復，看來士氣高昂。





先頭部隊，當然由我同十三擔任。
後頭嘅護衞隊就由Alan同司機做。

「等陣我會有暗號出，你地注意配合。我一叫Who Knows，戰術就開始行，依家行五芒星陣。戰術一開始，就行方圓陣。」
「Who Cares？」L也沒好氣。

「Yah Man！」我為了讓場面更熱烈一點，只好拋去顏面來搞搞笑。
「哨兵回報！感染者開始包圍！進入200米範圍！唔止三種感染者，仲有一種未見過，請大家務必小心。我會繼續睇住，唔排除會有行上我地山坡接近磚牆嘅可能性。」剛剛站在哨塔上的同學也來報告方位。

「主攻？定防守？」我讓大家決定。
「保護到裏面班女仔就得啦，唔好煩啦！」一位不知名字的前排同學說。

「有道理有道理。」多謝提供笑話一則。
「以退為進，先進行防守吧。司機大佬同Alan帶其他人喺正門戒備，嗰邊應該會容易防守啲。我地去磚牆嗰邊，防止彩雲嗰邊嘅感染者過嚟。」我大聲公佈。





「L你ok嗎？我地兩個又要配合啦～」
「當然冇問題，我地係最佳拍擋嚟架！」L信心十足，眼中沒有畏懼。

「OKAY！比啲掙扎先！」
「嗚嘎哈-----」感染者仰天長嘯。

「戰爭嘅號角。」我有感覺了。
「響起咗。」L也知道。

只許勝，不許敗的一戰。
失敗，便會成為人生的一大黑暗回憶。

「第一波接近嘅係『咸濕伯父』，大家留意，包圍戰術開啟！如果佢地走甩唔緊要，引翻入去大球場！最重要球場中門要守住，我地啲物資都喺呢邊！門球場方向一樣，依家佢地全部喺曬嗰度，更唔可以失守！」我高速跑回去前門，跟司機他們說。





「乜料咸濕伯父，咁搞嘢？」司機聽不懂。
「Alan會同你講，佢知道。」我也不費時間說。

扭轉宿命，就靠這回了。
我咬一下手指，嘗試血嘅滋味，亦警戒自己。

如果唔努力抗敵，只會更痛，流出更多血，玩唔起。
「第一波爬上山坡。注意！」哨兵作出了反應。

「上！賭上性命嘅一戰！」熱血沸騰！