[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.38【哲學問題】

「而特別嘅人就會有特別嘅做法，特別嘅人之中又有更加突出嘅人。贏同輸，都會有佢地好處，係唔係咁解？」阿晴似乎少有地明白了我的意思。

「聰明聰明，不愧係阿晴。」我向她點讚。

「多謝曬先。」她又吐出舌頭。

「叮咚！」電話有鈴聲傳來。

「喂，阿頭佢批咗。啱啱收到佢email～」這個功能還真先進。





「吓，點解會有email用⋯你係講笑定講笑。」這空間到底是甚麼玩意。

經歷咗咁多，見證過呢度嘅人生百態，都從來未見過有人用email呢樣嘢。

雖然係重新派發咗電話，但係都唔見得有呢個功能。

我打開螢幕，都係咁簡陋嘅版面。

冇任何一個app上面寫住email，唔通仲有Googe？





我禁咗入去一個指南針標誌嘅app，以為會係Googe Chrome，點知唔係，更加唔會係Baidu，而係真真正正嘅指南針。

真係好想IE （Internet Exploser）BB喺我面前出現，我錯啦，你唔好離開我啊。

我隱隱約約見到指南針app下方有個贊助，壓制唔住嘅好奇心驅使我繼續放大佢嚟睇，但又唔夠膽揭曉呢個答案。

「Sponsored by INTERNET EXPLOSION」

我嘅鼻水口水都噴曬出嚟。





原來微硬公司停止咗對佢地人間業務嘅贊助而轉型幫陰間做。

原來你，一直喺我身邊，不離不棄。

係我冇好好留意你，我終於搵翻你啦！

不過，既然有IE嘅贊助，咁即係有上網功能？

慢少少都要用架啦，我想睇下外面依家咩環境。

「唔使搵啦，靠嚇架咋，根本冇得用。個名只係掛住喺度先，呢個功能未開放俾大家使用。

頭先我係用Whats‘up嚟搵阿頭咋，佢成日都深潛，好彩今日佢快翻少少。」阿晴笑我太天真了。

雖然這搞笑的名字已經聽了三年，每次再聽到，我也是忍不住的笑意。





阿晴也是一樣，就算是從自己口中說出，也覺得特別有趣。

「未開放？即係之後會有？你阿頭有冇話咩？有咩代價要付出？」我開啟認真模式，準備洗耳恭聽。

「可能應該或者會有掛，我唔知啊。」她故意捉弄我。

「唔好玩我啦，靚女～見我咁慘就好好地對我呢個細路啦。」我裝作委屈。

「你仲細路，毛都就快生齊啦，仲細路。」她回擊一波。

「啊！HP-100。唔好咁啦，俾我開心下唔好咩？我當你係我呢度唯一嘅親人啦，你都咁衰，咁我仲點樣喺度搵食喎。」我扁扁嘴。

「真係冇你扶啊，成日都好似舊膠咁煩住我。呢次任務，你要消耗9張【卷】，即係一次五星任務嘅獲得數量，但係你一次嘅投資，可能會換到兩倍至到三倍不等嘅回饋。即係你暫時打斷腳都唔使愁。」她神色凝重。





「唔好笑囉，咩年代啊仲笑我煩膠。今次點解會咁筍？

三倍回饋即係27張【卷】喎。咁我真係打斷咗對腳先啦，借碌棍俾我啊，唔該。」我開始用最為簡單的方法緩和當前的場面。

「筍？咁多【卷】你就知唔方有好嘢啦，你知你幾多斤兩，真係唔好死頂，都冇呢個必要死頂。任務非常之艱巨，你唔係你個老友啊，人地個戰鬥力等級唔同你啊，雖然你都唔低，戰鬥智商仲高過佢唔少添，但係呢場係真正硬仗，恕我直言，唔想你去。」她大聲地說，似乎真的是不好完成。