[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.29【除了會痛一切都美好】

「啊！」突然一把屬於C班同學的聲音衝上了天花板。

「大家快啲走啊！唔好作無謂嘅犧牲！」這個男生不知道叫甚麼名字，只知道好像是M的好伙伴，之前也沒有在學校中遇見他。

「陳涂坤！巴打啊！我要救佢！」這個同學的名字，在我意識中很模糊，總是想不起。這種有情有義的人，放在平常定必能加上不少的分數。

他有着一對明亮的雙眸，像是會閃閃發亮，高挺的鼻子也是格外形象。

還有那對薄如蟬翼的嘴唇，這讓他的臉孔每一個部位都能說話。





「啊啊—我就快要變嗰啲嘢啦！放手啦！唔好意思啦，下世再做巴打！」那位叫陳涂坤的同學，手部肌肉被感染者刮開了一道疤痕。

將會係佢嘅死亡證書。

死亡經手人：男性「青」。

我眼睜睜睇住呢件事發生，而我冇辦法去令呢位同學唔變異。

只能夠見住佢一直痛苦，直到死亡，然後變為感染者大軍嘅一員。





「走！走！走！」一位暗戀我已多時的人把我拉走。他是我從小學三年級就開始同班的同學，正確地來說，我們認識了最少六年。

「又見面啦喎，估唔到考完個PreS1都仲可以見到你，仲要係同班添。」他突然從自己的位子離開，然後走過來找我。

「係喎，咁啱都有，咁大家互相指教啦。小學同學！」我笑一笑。

「好啊！上到嚟中學，我啲成績一定要追過你！同埋⋯追到你。」最後那一個聽不到呢！他是故意說得那麼小聲的！

「你頭先最後講咩！大聲啲！」我裝作惱怒。





「聽唔到就算啦，你遲早會知道。係啦，有冇人同你講，你嬲爆爆個樣好鬼得意啊？」他豁達地笑着。

「冇喎，做咩啊？」我不懂他的意思。

「咁依家有啦。我係第一個！」他活像個小孩子。

呢段記憶，我未曾忘記。

都唔會忘記。

拖住我手嘅嗰位男仔，係一位高人。

1米85嘅身高，似模似樣嘅飛機頭。完全喺櫻木花道嘅真人版，只係差咗一頭標準嘅紅髮。

唔服輸嘅眼神，唔知有幾多黑頭嘅鼻哥，仲有排除到萬難嘅嘴唇。





我記得係你，林啟男。

如果話，我係幸運女神嘅化身，你就係拼命三郎嘅化身。

為學業拼命，為運動拼命，為家庭拼命，為我而拼命。

根本就係一個真正嘅鐵人。絕好嘅條件，唔需要執着喺我嘅身上。

呢個男人，同一時間有住世間少有嘅特質——專一。

最弊佢嘅專一用錯咗喺我度。

雖然呢一刻，佢成功令我將眼光放喺佢身上。





都係唔好意思，恕我對你只有朋友嘅愛。

「成為密友大概總帶着愛。」

我幾同意呢句歌詞。

從一開始就帶着愛，始終會麻木。

呢種愛，唔能夠再行太耐。

我地嘅愛，注定因為太過了解對方而冇法子開花結果。

「唔好發夢！繼續跑啊！你唔可以死！我仲要追你架！」阿男說。

「咁我寧願死咗去算數。唔想你為咗追我而奮不顧身咁救我！」我也是很緊張這位青梅竹馬，兩小無猜的朋友。





「知啦知啦，去咗安全嘅地方先啦！到時你再慢慢死都未遲架！」他說笑道。他也明白我的話是甚麼意思。

「啊—」群魔亂舞的尖叫聲，各式各樣的震音在耳邊奏起交響樂。說真的，等級能媲美貝多芬。