[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.21【突如其來的戰役】

破曉時分。

「喂喂喂！大家幫我睇睇水，準備一下，好似有大軍向我地呢邊聚集緊！」

時間05:10

這則訊息的發出者是Zenia。

該死，真的出了甚麼意外嗎？





「收到！」05:10，我幾乎是秒回。

「十三，十三。」我有氣無力地叫着，是睡眠不足引起的吧。

「咩，咩事？」他揉起黑眼圈很嚴重的眼睛。

「AC嗰邊突然多咗感染者，我地可能要去支援下。你叫埋Alex,WN兩個，我地四個人出去。」

【就算屍骨無存也要拼死守護。】





「四個人？你講咩笑。四個人你覺得可以幫到人？去幫倒忙就差唔多！帶多幾個，湊夠10件過去，武器記得攞齊，幫得幾多係幾多。」

「咁好啦，你去搵人，我去撻着架大車先。」本來打算只用一架私家車過去，但的確不太可能，四人的確不敵大於三四倍數量的感染者。

正確來說，10個已經足矣把我們四人包圍，並且難以突出重圍。

諗一諗，我地根本唔係咩格鬥家，又唔係特別好打，都唔係特別高大。

更何況，我地呢啲中三學生仔，身型上又點同成年人相比呢？





「等陣我地落去，仲要搵多幾把釘槍之類嘅嘢備用。我地裝備唔夠力，我怕會有其他未見過嘅感染者出現。」我思考着對策。

「冇問題，但邊度會有？」十三問我。

「唔⋯可能，五金行？下面有一間，我地可以去睇下。」

「好，你帶路。」

今次我打算用一架小型旅遊巴，比較上會靈活少少，而且都可以放到十個人。

可以應付依家嘅路面情況，喺廢車之中穿插。

但係，如果喺我地外出嘅時候本陣遇上特別情況呢？佢地點走。

我左諗右諗，喺停車場裏面流連。





直到我嘅視線對上咗呢架小巴。

咁就冇問題啦。

小型旅遊巴都係比佢地啦，佢地一定更加需要嘅。

真心係有少少驚，願安好。

「搞掂未啊？夠人？」我已經把車子引擎開好。

「搞掂啦，簡單。」他非常神氣。

我有啲懷疑佢係呃啲人出去，或者用武力解決咗佢地嘅猶豫。





「阿樂，阿飛，Alex，Malvin，我，你，另外四個叫咩名話？

死火，唔記得咗，唔好意思。」

「我係阿虎。」眼前看似弱小的同學，說出了一個霸氣的名字。

「你個真名？」我忍不了笑。

「梗係唔係啦，呢啲咁嘅時勢，改個型啲嘅名，都俾人感覺勁啲啦。」他道出了原因。

「唔怪得之怪怪地。」我無言。

「我係法拉利，我走佬好快，唔使驚我會俾嘢捉住。」眼鏡男說。他的身高說起來有夠過份的，大概1.8米？

「冇問題，收到。」





「我係阿駿。」這回說話的人，是個正常人。

「終於正常，你有咩特長？」我問。

「我嗰度特長。唔好意思，慣咗講笑。我係槍械愛好者，我識用槍。」

「頂⋯好彩你識用槍，如果唔係我會直接一棍打爆你。」始終也是個奇怪人。

「你呢，咩名。」我不想再聽到這些中二到極點的話。

「我叫Cal，力量系。」眼前出現了一個身型與我相若，但卻有不少肌肉的人。

「有翻咁上下經驗？睇你應該食開夜粥。」我打量着他。





「話你知冇你信唔信啊？唔通笑出嚟嘅咩？」

他的態度，給人一種惡霸的感覺。