[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.16(3)【I don’t wanna live without you 】

「驚咗你啦，驚咗你啦。食啦食啦。食完就攞我部老爺機聽歌啦，我估你都訓唔到架啦。」我洞悉了她的心意。

「你又知，我即刻去訓添啊！」

「咁仲好，我即刻食曬你啲嘢！諗到都開心啊真係。」既然女神要跟我唱反調，那就倒不如繼續用美食誘惑她。
「唔掣！我要食！」

「好啦好啦！咁你要乖，唔好食咁多啊！」我提醒她要節制。

【晚間的星辰，格外美麗動人。





看着滿天星宿，心情格外舒坦。】

我地行到安全區中嘅大球場，嗰度有一對對戀人互相依偎。

佢地都係冇辦法入睡嘅一對對小情人。

大概呢個病毒，無意間成就咗唔少戀人嘅開始。

亦更加速成咗佢地嘅終章。





唔需要任何美好嘅山盟海誓，只需要有對方一生陪伴。

最簡單不過嘅快樂，就係與愛人同度過每一個夜晚。

但係簡單，只不過係以往嘅簡單。

現實往往殘酷，又有幾多人能夠一直支撐？

就好似古詩所講：「問君能有幾多愁，恰似一江春水向東流。」





愁緒早已經深入心中，仲要不斷不斷增加，就快要媲美一江春水。

人的確非常矛盾啊。

【舊日水泄不通的大街，早已隕滅，不復存在。

只剩下一片片頹垣敗瓦。】

舊日塞到爆嘅城市，我並唔鍾意。

總係諗住幾時先會終結所有煩到飛起嘅噪音。

依家，真係終結咗了。





但係，呢個結果，並非我想要嘅。

亦都唔係正常人需要嘅。

一個咁嘅世界，充滿咗死氣。

充滿住怨氣。

更加充滿斷垣殘壁，幕幕都慘不忍睹。

人總係要失去過，先識得珍惜啊。

但失去，又唔代表一切成空。

無從追踪嘅「失去」，迫使到大家活在當下吧。





「光，越嚟越暗啦！」女神告訴我。

我不解其意。

「話緊你啊！你嘅光芒，越嚟越暗啊！係咪有咩心事啊？」

「冇啦。唔好問我呢啲奇怪嘅問題啦～我地傾下其他啦。」我不想談起心事。

「我又真係有嘢想傾。」她想到了新問題。

「如果，我係一棵花。你覺得你自己可以成為咩？」她停頓了一會兒，便說：

「我會話，你係我嘅太陽，照耀咗我嘅生命。照亮咗我本來迷茫嘅前路。」





「我覺得我冇咁偉大喎，我最多做默默付出嘅泥土咋。」我並不認為自己有此能耐。

「邊係喎，從你夠膽出現喺我面前，幫我打點所有，做好要做嘅事之後，再到你真真正正夠膽喺放學後搵我吹水嘅呢段時間，你嘅地位就已經慢慢提升到我嘅太陽啦。」女神說起了往事。

「唔好提啦，嗰時我都係順手就幫你做好啫，派簿又好，收嘢又好，呢啲咁小嘅事只係舉手之勞，不足掛齒啦。

至於放學吹水喎，嗰時我唔知掙扎咗幾耐啊，先夠膽開聲搵你。

我成日都驚呢樣驚嗰樣，點會有資格成為太陽呢？

太陽應該係可以衝破一切障礙，同時帶到正能量俾人！」我極力否認。

「你咪衝破咗一切障礙囉？你咪帶到正能量俾我囉？唔係咩？」

我開始思考過往。