[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.12(4)【大概這就叫恆心吧】

我抽起手機，打開WhatsApp，準備通知各班要小心。

馬路如虎口，相見唔好口。

（好似又唔太關事，是鬼但啦。麻煩。）

「入夜啦，夠鐘匿埋啦，唔好出嚟住啦。大家記住日落前先至係我地嘅世界啊，夜晚就咪啦，小心為上。」我把訊息發出。時間18:45

「喀吧架酷嘰咕⋯⋯」又嚟，今次終於聽到，大概感染者喺後樓梯嘅位置。





「小心啲，唔好出到聲，感染者喺後樓梯度，我未知係邊種，所以盡量唔好俾佢地發現我地，如果唔係麻煩就大啦。

你都唔想喺度hea hea下俾其他嘢騷擾架，係咪先。」我叮囑。

「咁我睇住電視節目先啦，雖然冇聲。」

「睇多陣好啦，等陣啲電用得太勁連燈都冇得你用。」我真心不騙。

「好啦好啦。係喎，你屋企有冇書？我想睇下。悶死我啦，等陣隻嘢走咗之後我地就煮嘢食咗先啦。再夜啲我地就上番去？定係喺你屋企過一晚夜？」





阿樂覺得有點無趣。

「等我一陣，喺我間房度，電視嗰邊都有，但係⋯」

「千祈唔好出聲啊嘛，okay。」

房裏面開始有翻揭書頁嘅動靜。

阿樂攞住兩本書緩慢咁行出嚟。





「喂，呢兩本咩嚟架，個作者冇聽過嘅？新人？」

「咩書啊，攞嚟睇下？太多書我都唔係幾記得。」

作者名稱：M
書名：《三天之後，遊戲開始》
作者名稱：晨
書名：《心灰意冷的我選擇去跳樓，竟然發現世界盡頭》

「原來呢兩本啊！真係識貨！係我最鍾意嘅兩本書。呢兩個作者，我都未聽過，不過之前都好似喺網上面追過佢地個故。仲有一本都好好睇，不過你要自己搵搵啦。」我有些少激動。

我突然醒起，自己曾經寫過嘅小說手稿。

嗰時嘅我，真係幾有心，同埋有嗰份熱誠。寧願唔瞓，都要寫文。





作為一個遊手好閒嘅人，曾經都花費大量時間喺呢一度。

既然自己手裏面有翻啲錢，想實現呢件似乎唔可能嘅事，咳咳⋯

「咁我睇下呢本《三天之後，遊戲開始》先啦！好似幾正咁。」

真真真真真係識貨。

「okay，咁你睇住先，我有少少肚餓，食啲零食先。」

我順便入房，尋找最後一本能夠令我動容嘅書《別難過，有我在》。

記得，我第一次見到呢本書嗰陣以為又係嗰啲濕9愛情故事。

一打開書，就嚟同我玩先小人後君子。





又係一堆愛情故事。

不過最後我真係濕咗，不過係眼濕濕。

當中嘅意義真係無限。

男主角同女主角都好鍾意對方，佢地嘅故事從小就已經開始。

當大家有難，都定必拔刀相助。

佢地都係大家最好嘅朋友，唔可以冇咗任何一人。

最後，相信都唔使我多講。





殘酷嘅現實，促使咗一對有情人分開。

總之一句講晒，係一個充滿住遺憾嘅故事，但又充斥住唔少溫暖情節。

點講都好，係一個美好嘅故事。

青春終會逝去，並帶着遺憾離開。

「當你真正長大，才會發現當中的可惜。

失去的時光，失去的機會，都是自己從前沒有把握好的。」

世事真係唔可以被改變？

機會真係咁難把握？





就算真係咁，又點？

你當奇跡死㗎？

我徹底進入小說世界。

再次醒翻，時間已經去到19:30