[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.11【尋找復活的機會】

「係啦，依家我同你講一講之後每次穿越到現實嘅代價，同埋復活自己嘅任務。

首先，你嘅每次穿越，都需要用到【卷】呢樣嘢。

你一定會好疑惑，心諗咩係【卷】呢！

唔使擔心，【卷】就係一樣道具啦，至於點樣得到，就係要做任務，每個任務都有唔同主旨，仲有唔同等級。

每一個等級任務可以獲得嘅【卷】數量都唔同，越高等級嘅任務就會悉收集到越多【卷】。





總共1～10級嘅任務，一級可以收集到嘅【卷】為1張，二級就為3張，三級就5張，四級就7張，以此類推。

去到第十級就會有21張。

而回到現實嘅收費就係每次15張【卷】，因為時間冇大限制，所以其實15張【卷】已經好平。

同埋，呢個地方設有日常系統，有啲現實世界嘅地方收埋咗我地放低嘅【寶藏】，搵到佢地，你就會得到兩個選擇。

一就係【卷】嘅獎勵或者回到現實嘅機會，二就係你嘅回憶碎片同埋日常嘅用品食品咁。





可能你仲會得到各種嘅特質，能力。

最低機會，你會得到同現實世界人員聯繫嘅機會。

注意，係永久嘅。

呢個獎項嘅機率，低於0.01%，係終極大獎。

好啦，我要交代嘅係咁多。





最後一句，記得抽時間去搵你嘅回憶碎片，同埋將你早死64年嘅背後原因搵出嚟，我會幫到你。自便啦。」語重心長的一番說話，令我不敢不認真。

「唔該你。」我淡淡然地微笑。