[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.4【被世界遺忘】

（L視角）
「攰到死咗，唔得啦。返一返黎先啦。」我自言自語。

雖然仲喺M嘅腦海之中，但佢唔知道嘅，卻係我真實身處嘅地方。

「啊—好鬼痛。」

呢個係第幾個傷口？

身上好似已經冇任何一個地方係完好無缺。





唉。

人生真係一個局，生而為人，我很遺憾。

此刻，我身處緊一個唔知咩空間，一片白茫茫。

大概係死後世界。

呢度啊，我已經生活咗不亞於3年。





無止盡嘅白色，任邊個都會覺得沉悶。

世界冇任何嘅色彩。

又唔需要讀書，又唔需要識朋友。

但係有工要開。

「3年前」





「Byebye，聽日再約過啊！今日玩得好盡興。」我對住M講。

嗰時嘅我，每日都盼望住第二日又可以見到M，同佢日玩夜玩。

忘記所有嘅憂慮、煩心事。

「Bye，聽日見。」M同我講。

我心底，已經認咗呢個一世朋友。

我準備快啲返屋企睇多啦D夢，於是就快步跑起。

我冇顧到紅色公仔嘅警示，直衝向街道另一端。





「嗶！！！」一架貨車，突然駛過。

左閃右避，左右搖擺。

好似失咗控咁，究竟咩事。

「嗶⋯」我思考未完，貨車就已經到10米前。

「喂，凌晨，睇車啊，就快撞啦。」M已經開始向我嘅方向奔馳。

我嚇到不知所措，手腳唔協調，腳部肌肉已經發軟，唔能夠郁動。

「M，救⋯救我啊！」我已失去理智，身體無一處受我自己控制。

M就喺眼前，就快要到啦。





救星。

「呯！」貨車都係無情撞上咗我弱小嘅身軀，人亦隨即飛往幾米後。

就喺我昏迷嘅前一刻，我見到⋯一個好似我嘅人。

冇理由架。

唔應該係咁。

點解我會喺架車上面。

咦⋯點解，後面仲有個人咁似M。





失去意識。

轉眼間，我就比呢個世界抹去咗生命。

一眼睜開，就已經係呢個白色空間。

我摸一摸自己個身，望一望自己對手。

無事？

我依家喺邊度？

無止境嘅白色恐怖。

描寫住電影情節中主角死後嘅世界。





我係咪已經死咗。

（分隔線）————

「唷～點解有個咁年輕嘅細路仔黎咗？

喂，今日我唔係收早咩？

我頂你個死人看更，係唔係又試訓著咗，唔記得截單啊，我唔想做啦。

食屎啦你。」

說罷，我好似聽到書頁聲。

「吊⋯吊⋯吊那星，唔⋯L係掛⋯今次玩能源啦，你條食蕉，我搞完彈嘢收你皮，拆你骨，小心咪比我見到你個趴街仔。」

「咳咳，你好，呢度係孤魂指導中心，有咩幫到你？」對面嗰頭好似唔知頭先自己未熄咪，語氣話變就變。

聽落，好似係一個後生女仔嘅聲？

此時，盡頭不再暗淡無光，而係出現咗三個字。

孟。

婆。

橋。

我更加確信自己真係死咗。

估唔到人世間嘅戲劇會真真正正咁copy死後世界嘅事物。

心情沉重。

我咁快比世界拋棄咗？