[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.1【三天後】

GAME START，呢兩個字映入咗大家嘅視線。

大家本來比我安穩落嚟嘅情緒，都再次爆發出嚟。

佢地都有唔同嘅疑問。

「咩game start 啊！」

「我地都冇玩咩遊戲。」





「喂，林太，繼續講啦！」

「做咩唔講嘢啊！」

「各位！冷靜啲，你地聽唔聽到出邊好嘈。我仲諗緊嘢啊！」
「哇！星星太陽月亮你！」

「你睇到咩啊！」

「媽媽咪呀！」看似Super Mario 死亡之後嘅固定語音。





其實係大嚇一跳嘅我衝口而出嘅一句。

「喂，究竟你地睇到啲乜嘢啊！」

「係囉，我都想知你地驚乜鬼。」

「我唔識同你形容，因為真係恐怖同詭異到極點。」

聽得出，其實我好努力去盡量減低我講嘅嘢之中包含嘅恐怖成份。





「點啊即係。」

「你明知我唔會想講，因為你地可能會接受唔到。」

我用心良苦。

「咁我講先，真係麻煩。

我見到嘅⋯係一片白茫茫嘅景象。」班中一位唔起眼嘅同學講。

「我⋯見到嘅係，一大堆嘅數據。

雖然好亂，但我隱約feel到，呢堆嘢，係有用嘅，唔可以唔記得。」





阿餅講。

「我，見到嘅係⋯一堆唔應該存在嘅假象。

見到眼前嘅快樂片段，有一堆小朋友同父母一齊行吓，

吹下波波，睇下風景。

本來我都已經覺得奇怪，但係，我見到一件事先至完全坐實我呢個猜想。

我，見到自己，仲見到唔少嘅同伴們。」

K見到嘅又係一番新景象。

「不約而同，同佢一樣，成片白茫茫。」





其他走過出去嘅同學講。

「你地入返去先啦。仲有邊個未跟我行過出去？」

「我啊我啊，M，我其實有少少驚，你會陪我架可？」

女神向我投以信任嘅眼光。

「當然會啦，不過我有條件架～」

「咩條件啊！咁我唔出啦！哼～」

「唔好唔好，我同你講啦！





我嘅條件就係，登登登登，每天食到你煮嘅愛心加料早餐。」

「咁啊，但係我懶喎，唔想日日都煮😜」

「咁當然會就你啦，我聽你嘅。」

「好啦～行啦。」

「我都未去喎，一齊啦。」

我地鼓起勇氣，踏出最安全嘅地方。

「哇⋯M，M！你喺邊度啊！我睇唔到嘢啊！」

「做咩做咩做咩！我一直喺度，唔好驚，我會保護你。」





我摸頭安慰着。

嗯，I will always be with you.

「我眼前一片白茫茫。我睇唔到有咩啊！」

「唔好驚，嘗試下冷靜。你太緊張，就睇唔到要睇嘅嘢，唔使急，你好安全。」

「係⋯係嘅！咁我慢慢望下。」

「我，我見到有隻鳳凰飛咗出黎，好似有不滅之軀咁。」十三加咗把嘴。

「你睇得返嘢未？放鬆，僅記放鬆。」

「我放鬆緊，放鬆緊。」佢一點一點放鬆，拼命咁唔去諗太多嘢。

「我⋯我見到有兩個神兵喺面前，眼前呢個世界，好似所有嘢都保護緊我咁。

我睇唔明係咩意思。

不過呢點解個雷聲仲喺度響緊？

明明我見到嘅係天晴到見唔到有任何雜質嘅天空。」

「睇嚟，唔簡單。」

然而，面對我最重視嘅人，我都未將事實轉告比佢知道。

我冇選擇到坦白。