[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.24(4)

遲咗少少，出文時間調整到每晚8～9
「十三，拜托你啦。」

話咁快，我就會合咗十三，將個女仔送上我地架車。

「好好好。」

「等多我一陣，去搵埋嗰兩公婆先。」

「得。」





我原路返回，踏上搵人嘅腳步。

係肯定，堅定嘅腳步。

我依照阿月嘅提示，行返轉頭，去到離頭先電影院只有50米距離嘅M記。

凌亂嘅餐枱，玻璃碎裂嘅甜品櫃，裏面僅存嘅蛋糕都已經被烏蠅佔據。

臭味熏天，睇落去就好明顯咁知道，嗰啲蛋糕一早已經唔食得。





仲諗住可以攞返少少返本陣，或者攞黎做下實驗咁，冇計啦，都壞咗好耐下啦，攞到返去都冇用。

算數算數，去搵咗人先，其他嘢之後再講。

我進入店鋪，一切了無生趣。

毫無生命氣息，但見到嘅係末世之前，呢度曾經熱鬧過嘅證據。

望住眼前嘅一片狼藉，好難想像唔到，一爆發嗰陣人類爭相走避嘅場面。





你推，我撞，枱枱凳凳東歪西倒。

地上面嘅血跡成片，一早已經乾透。

咦？呢度有一片係新嘅血？

睇嚟，我要搵嘅人就喺呢度。

我提起精神，防備隨時喺枱底起身偷襲嘅感染者。

有冇人啊⋯掛到嘴邊嘅句子，比我吞返落肚，我醒起一有太大嘅動靜就會引到更多嘅非友善生命體前來。

自救應該唔成問題，但係救人呢就難好多啦！





我持續搵人，呢個角度搵下，嗰個角落又搵下。

吼嗚！左方傳出一聲悲鳴。

一個感染者高速襲來！

極限反應技能使用。我嚇到飛起，彈後一步，避開呢下致命性嘅攻擊。

呼～好彩啫。

我唔出一句多餘嘅聲，使出籃球場上嘅絕技，歐洲步法。

一跳，二跳，用全力彈起！

咔—一聲不吭，呢個感染者連反應嘅時間都冇。





眼前只係得番一具屍上加屍嘅屍體。

死兩次嘅感覺，係咪好差架？

解決眼前嘅問題之後，我再次進行地墊式搜尋。

此時，離我講嘅返回時間已經遲咗10分鐘，

本來以為非常簡單嘅任務竟然如此複雜，要營救嘅人一直都未有辦法有效率咁搵到，又冇可能再次聯絡佢地。

只可以盡地一煲啦！我提起左腳，擺出一個箭步，衝刺。

左邊，冇人；右邊，冇人。櫃檯呢？





我向住點餐嘅櫃檯探索，越行一步，心跳越嚟越勁。
一步之遙。

即將決定，我嘅去留。此時，時間已經遲咗14分鐘。

兩夫婦就匿埋咗喺收銀處後面。

「終於搵到你地啦。我係嚟救你地架。」

對方冇回應。