[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.23

「cling，cling，cling～」

幾下手勢，就幫佢快速咁做咗個解剖手術。

「嗚⋯嗚⋯」佢用盡最後一口氣，哀鳴兩聲。

8點鐘仲有一隻。

LV0，虐殺時間～





一刀，割走煩惱絲。

兩刀，割走身上衣。

三刀，割走頭上殼。

第四刀，直指心臟。

九秒九，搞掂。





「祝你地得到解脫。」我為兩個感染者默哀一秒鐘。

為佢地嘅死亡，表示尊重。

一秒鐘，都已經係一個好重要嘅關鍵。

望望時間，已經過去3分鐘。

時間緊迫，我快步流星。





一步一步，接近最有可能供人躲藏嘅地方，UA cinema。

戲院，由入口開始，就已經冇咗燈光嘅照明。

昏暗嘅環境，變得非常陰森，令我倍感不安。

「加油加油加油，你要拯救大家架，唔好咁沙膽。」

我進行自我催眠。

鼓起勇氣，我就向戲院內部進攻。

只係自己一個人進行營救，我冇辦法之下一定要一眼關七。

提防暗處會有高智商而且非友善生物嘅出現。





「踏，踏，踏—」我嘅腳步聲，喺院內徘徊，為呢個地方帶來更深層次嘅恐怖。

「吼！」

一聲轟雷般嘅叫吼，直衝到我嘅耳中。

我即時進行戒備，心裏面講住粗口壯膽。

左手邊！有聲！

我即時手持小刀，右手攞住我最愛嘅棒球棍，準備擊向呢隻嘢嘅面門。

「啊啊啊啊啊啊⋯⋯」呢隻感染者完全被我擊中要害。個樣非常之痛苦。





又搞死一隻，咁鬼廢架。


呢隻，好似係冇見過嘅種類。

比一般嘅感染者，佢嘅肌肉同脂肪比例係完全唔成正比，非常唔健康。

一身嘅脂肪，已經見唔到有任何骨頭嘅存在，佢嘅形態係好接近水。

「脆弱，小心放置。」

呢個就係我對佢嘅評價。