[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.23

上一篇喺銜接住番外篇嘅！

呢度我會直接跳去劇情。

//

「喂，就快到啦。你個故仔，真係勁嘢，又係一個正常黎講冇可能發生嘅經歷。最衰時間唔夠，之後再聽你講埋啦，我真心好奇你之後會發生啲咩。」
咦，望望窗外，車程已經完成9/10，差少少就到淘大花園一帶。

「Hey，你搵好咗人未架？」





「未啊，你信唔信？」

「妖，咪玩嘢啦，家陣我好認真。」

「梗係搵好啦，我叫咗佢地快手快腳，搵個安全嘅位，仲要接近馬路架啦。如果冇聽錯，佢地應該喺UA cinema 嗰度附近。」

「睇路啊！」

一個唔留神，就差啲撞到石壆。





驟眼望出去，20米外有一兩隻大概為LV1嘅感染者。

「M，等陣你點安排？20米外有幾隻感染者，應該係LV1嘅。」

「你，留喺度，睇住架車，我比多啲防具你，費時等陣我救人嗰陣有其他惡意倖存者黎搶車，依家冇皇管架啦，佢地打死你唔使問天問地，更加唔使擇吉日架！收到？1530我會返黎。我地1600仲有會要開，記住。」

「收到啦，大佬，唔使驚。咪住先，如果真係有惡意倖存者嘅話，係shot to kill，定係綁起佢地帶返去。」

「睇下對手實力啦，打唔過咪shot to kill囉，應該冇人好似我地咁樣有高少少嘅火力啦，除非你見到嗰班係綠衫或者藍衫啦。應該唔會咁唔好彩比人徵用我地架車嘅。」





「可以。大家執生。」

現在時間15:20，10分鐘嘅限時，應該冇問題。

（M戰鬥視角）
「10分鐘，應該冇乜問題。」我自行計算。

啱啱落車，就見到該死嘅感染者出現。


「10點鐘方向，LV1，一隻！」十三經過對講機通知我附近有危險嘅生命體。

好彩我喺出發之前有教過佢分辦唔同種類嘅感染者。





「8點鐘，LV0，一隻！」

明明頭先都唔覺眼架喎，唔好玩嘢喎，大佬。

兩隻感染者同時出現，令我嘅選擇困難症又發作。

打死邊隻先呢？點樣打死佢好呢？

我咁樣好似有少少虐屍嘅feel，心理變變地態。

隨便啦。

10點鐘方向啊，咁就你先啦。

眼前嘅第一級感染者，日頭基本上冇太大殺傷力，但係烈日當空嘅環境底下，都阻擋唔到佢想吸血食肉嘅慾望，佢偌大嘅血眼，已經盯上咗我。





唔知係咪因為我太靚仔呢？

事實證明，現實係殘酷嘅，我比佢深情款款咁對望嘅原因，竟然唔係因為我嘅英姿！！

而係因為，我身上有食物嘅氣味，深深吸引到佢個胃，搞到佢流晒口水，欲罷不能。

「頂你啊，我咁靚仔，你唔望我，反而望住我啲肉？望望望，打盲你對眼，正一唔識時務嘅垃圾。」

呢隻感染者非常得戚，張開血盤大口，就衝埋黎想咬我。

「嘰—————」佢行動了。

佢激動到張牙舞爪。一副「食硬你啦」嘅感覺。





「嘻。」我冷笑一聲。

「刷～刷～刷～」

「喀～喀～喀—」

三下嘅短刀攻勢，竟然比佢用生命值硬接咗一半。

唔緊要～好簡單啫，我地用妙妙工具！

跟我讀咒語！

開心笑，開心玩，米奇老鼠～

能力值增強！





接住落黎，夠鐘送你返去圓寂啦。

「呯呯！」一下，兩下嘅氣槍，打盲咗佢對眼。

我乘勢而上。