[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.22(3)

依家嘅佢，係我心目中嘅唯一，雖然我肩負住嘅並唔係一般嘅責任，但係我一定要做到最好，比佢睇到100分嘅我。

「留住美麗目前」呢句唔記得咗喺邊度聽返黎，但係完全貼合我嘅內心。

美麗嘅佢，就係美麗嘅目前，係我呢一生最重要嘅寶物。

但孤獨，卻係我永遠唔能夠擺脫嘅陰影。

有時候，強顏歡笑都好重要。





對我黎講，係最重要。唔可以比佢陷入傷痛，係我嘅心願。

點解佢會咁神奇，帶走咗我嘅傷口？

每次同佢傾計嘅時候，就係我最放鬆嘅時候。

雖然佢成日都失蹤，但係每句回覆，都為我帶黎唔同嘅感受，暫時忘卻心中嘅煩憂。

每次傾完之後，我嘅心情就會好返好多，但係永遠都會失憶一半，唔知點解，求解答。





另外，我有時甚至會諗，我咁樣會唔會放得太多負能量？

事實證明，我諗多咗。佢嘅存在就如天使，而我就係一個墮落天使。

或者可以話，我係一個不應存在嘅撒旦。

佢同我嘅關係本來就唔會比世界允許。

天使不能與墮落天使相知，相交，相愛。





這是觸犯世界的規條的。雖說我是規則破壞者，每一條的規則，都是因為我而誕生，也是因為我而覆亡。

但這條約法，是絕對的，這是絕對不容許的！

我唔可以要佢受到世人嘅冷諷，呢種事，我要自己承受，畢竟事件因我而生。

「解鈴還需繫鈴人」事件嘅開端發生喺我嘅身上，咁就等完結都降臨喺我度，我會獨力承擔後果，保護到你就係足夠。

我嘅自私，唔可以害咗你。

我唔應該出現，但係我又把持唔住，我對你唔住。

「唔好啊！對唔住啊，我真係唔可以冇人陪我。」

「你啲friend呢，唔好扮嘢喎。」





「有係有，但係⋯我⋯」

「算啦算啦，你自己take care。」

「嗯，多謝。」

我地兩個一直沉默，同時望上天空，蔚藍色，竟然唔係我最鍾意嘅雨天。

不過，感覺都幾好，難得佢喺我身邊觀望同一個天空。

我地靜咗咁耐，點都要落返去營地啦，唔可以再留喺天台。

望一望手錶，14:50，我攞起手機，打算睇下新聞，同埋搵下其他人。





我暈咗咁耐？

算啦，唔理啦，

不過真係咁，都唔怪之得人地咁驚。

「全體16:00集合，林太有記者會。」

天知道，老天爺又要請我食屎。

呢鋪真係估唔到會萬劫不復，搞到呢個地方，陷入絕境。

講完集結時間之後，我就如常打比其他班，去問下近況，寒暄兩句。

今次我就繼續先搵3A先。打個電話先！





電話好快接通，都係熟悉嘅聲音，熟悉嘅人—Zenia。