[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.20(2)

「唔使望啦，呢度啊，係你嘅意識世界，唔存在任何時間觀念。

同夢境一樣，但時間嘅性質唔一樣。意識世界中，你可以知道自己停落黎嗰陣嘅時間。

夢境世界中，你會穿越到唔同地方，唔同時間。簡單講，係一個時空裂縫，你冇辦法修補。

時間喺呢一度，係唔會流動，直到你逃離現場。

萬一你唔完成遊戲，或者違反規定，就會永遠留喺呢度，感受孤獨，感受無助。





你嘅靈魂會永久留喺呢度，你嘅意識都一樣。

現實世界嘅你就會失去自我，由我去代替你，成為下一個實體，或者，呢副軀殼會失去生命力。

最壞打算，你，會變成感染者。

你知嗎？

其實感染者，並唔係每一位都因為被上一手感染而被同化。





其中有啲，就係有心理問題，而被轉化嘅個體。香港人，壓力大，心理問題固然多，所以你自己諗下啦，之後嘅情況會點樣。」

「你可以利用我嘅身體架，仲可以取代我，但係點解你唔去做呢？點解你要幫我？」

「冇咩原因，其實係因為我唔想自己溝女⋯⋯講笑，其實係因為我，真心想幫你，我見到你心中有團火，嗰團火裝住咗嗰個人，好好保護住佢。

我知你有夢想，夢想就係同佢可以起埋一齊，永遠唔分開。

我想知道，究竟真人同意識，有咩分別。





係意志會強啲？

定係根本冇分別？

總之呢，依家首要條件你要完成『遊戲』，與其話係遊戲，不如話係一場考驗。

完成之後先可以比你返去現實世界，必須完成，如果唔係你會不適合再次出去現實世界。

放心，呢個時間唔會流動，你返到現實世界都唔會出事，只係你眨咗下眼嘅時間。」

都係接受挑戰啦⋯⋯

「好啦，信住你先啦，你講啦，玩咩架。」

「心理，人性。」





「心理啊，試下啦。人性，你想點做？」

「你好快會知道。」

眼前突然白雪雪一片，我有一陣間睇唔到嘢。

「點啊，睇唔到嘢嘅心情好嗎？」

「還好。」

「開始黎啦，唔好爆炸啊！」

眼前一幕，我嚇到差啲瀨尿。





兩位隊友呢個時候被綁起，附近幾個身位外就有幾隻感染者。

我，個腦又要高速運轉。

「喂！叫你唔好搞我隊友啊！明明呢度係我潛意識，點解佢地會被你捉咗架！你唔係話得我地咩？」

「係啊，咪『我地』囉，我係你，你係我。我同隊友，咪我地囉？我從來冇講過，我地呢度得兩個生命體。」

「頂你啊！食屎狗！」

說時遲，那時快。我攞起咗槍，9秒9去拯救兩位隊友。唔理啦，我係隊長，我唔可以比隊友出事。

「你話咩話？」

頂！！唔小心激嬲咗佢！





原本眼前嘅500米距離，一下子增加唔少。

點解會咁唔好彩，自己個潛意識竟然咁鬼變態。

算啦！都要硬住頭皮上！

「有勇無謀，唔太得。」意識自言自語。

啊！衝啊！