[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: 番外篇（三）【回到校園時】

【回歸校園時】

今日係9月2號，2019年啊。

時光時光慢些吧。

我仲未準備好咁快大個，今年就已經17歲，仲要已經中六。

感覺以往嘅自己，就好似係一具行屍走肉。





每日嘅生活都了無生趣，除咗比人圍住簽名，就係上堂訓下覺，落堂打場波，夜晚打下格鬥咁。

都唔知道幾時先有再大啲嘅突破，比到我嘅人生些少嘅衝擊。

日日夜夜都咁無聊，實在唔適合我。

似乎生活上已經冇晒任何有挑戰性嘅工作，無咗生存嘅意義。

始終我都未有諗過要去進入「監獄」，嫌麻煩嘅我一直以來都係一個人。





「中一同學，今日係第一日嘅開學日。唔知大家嘅心情係點嘅呢？緊張？刺激？定係憂慮？抑鬱？」

「同學各位找個位，這是你的開學禮。」

係，你進入咗我回憶中的回憶。

我心中忐忑，因為始終都唔知道自己會唔會識唔到朋友。

一但識唔到朋友，咁係唔係意味住我要自己一個人去經歷呢6年？





啊！唔係喎！

「喂，阿欣，好鬼驚啊我，點算啊，我唔想識唔到朋友啊。」

「唔使驚喎，等姐姐帶你啦。」

「姐咩姐啊，你明明細過我成個禮拜。」

「唔好太在意。我教精你，你千祈唔好咁樣同你嘅新同學講嘢，可能你去到中六都未有朋友。」

佢嘅說話，某程度上啱咗，因為我到依家都唔算太多朋友。

就咁樣，飄泊咗咁多年，我有嘅係唔少出名嘅時刻，有上堂訓教，籃球學界帶領校隊攞咗總冠軍，每次考試測驗都鐵定第一。

然而我把口，令我都係冇朋友。





時間匆匆過去，嗰陣天真過天真嬌嘅我，已經帶住一種非常難形容嘅心態，外表漸漸成熟，即將長大成人。

後悔細個冇好好過校園生活，依家就想搵番被偷走嘅個5年。

「同學仔，今日係你地中五嘅結業禮。大家放假要加緊努力，為DSE做準備。」台上老師講住百年不變嘅台詞。

我嘅反應依然平淡，不過點解咁快過咗咁多年。

話咁快黎到中五嘅最後一日，我發現時間真係過得好快，我未感受到該有嘅感覺，就已經成長咗咁多。

「求時間變慢，不想迫於成長。」

我呢一刻嘅內心，掙扎中。