[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.19 新伙伴

時間08：45

時間已經唔容許我再次陷入沉思。

離接人嘅時間已經淨返15分鐘。

我先說服自己，唔好諗呢一樣嘢。

然後全心去思考救人嘅方法，同埋遇到感染者嘅對策。





但係呢件事已經佔據緊我嘅大腦，潛意識同我講，要盡快去搞清楚呢個人嘅來歷。點做好？進退兩難嘅感覺真係唔好，煩死人。

我都係放低咗件事，因為我知道，我始終唔係身為呢一班嘅一份子，唔識佢又有咩咁出奇？

我再次查找新聞，感染人數，出現咗我地一眾人意想不到嘅新數字。

我向全班示意，隨即寫出，大大隻字咁寫出，現時感染數字。

8...9...6...4...3...5





89.6萬？？我有冇睇錯？先過咗差唔多10個鐘，你同我講多咗2倍幾嘅感染者？

玩嘢啊！明明琴晚11點，M先話得37.2萬感染者，訓咗個覺啫！


Are you kidding me?


God damn！！！！！





已經係香港人數嘅十分之一啦！

似乎，呢個世界，正在默默地拋棄我地香港，從前嘅風光，從前嘅繁華，都付諸東流。哈哈，福地？喺未知嘅情況下，任何地方，都唔會倖免。

這就是世界的法則。

呢個病毒啊，真係人類嘅一大挑戰。

又係所謂嘅「主」，想毀滅世界？啊！唔係，係毀滅香港？

作為一個唔按常理活著嘅人，呢種荒謬嘅說話，我係唔會去信，亦都唔需要去信，時間長咗，人們不但會丟淡事件，某種人，唔單單唔會放棄，而且會搵出真相。


我，就係其中一位。








法則？笑話！理他的規則法則，反正都是用來破壞的！

相信我係其他人面前發表呢啲偉論，會被人當精神病咁捉去青山（掩嘴笑），好彩依家青山應該唔會開到，我地都唔會去到，如果唔係我就一定出事。
唔小心做咗FF怪，大家見諒。

我數口唔太好，唔似得M計得咁快，如果冇估計錯嘅話，依家已經有接近20%機率行出街見到唔同嘅感染者，已經越發危險。

作為軍師，我當然要盡快安排好人手。

WN：「Alex，阿日，我要你地兩個同我出去，雖然真係唔想叫兩個，但實在冇辦法再cut人手，3個人去救已經好勉強。」

阿日，全名林嘉日，我對佢嘅記憶，其實都唔係太多，只係記得佢都幾打得咁樣。身上面嘅肌肉比起其他同學要多，睇黎食慣夜粥，操得幾fit。





阿日：「收到，雖然唔係幾想去，但係我除咗救人同打怪之外，好似都冇其他嘢識做，幫下手救人，應該唔難嘅，咁我準備好啲嘢先。」

Alex：「我搞掂架啦，等你地，有曬聯絡方法？」

WN：「有啊，萬事俱備，東風都有埋啦。」

阿日&Alex：「行啦！祝我地好運。」

WN：「當然要好運啦，你地一個有女朋友，另一個又A0，未好好感受過之前，唔會咁快死嘅，相信你地嘅意志都比較強。係喎，等陣仲有其他人要救，你地會唔會join？定係抖抖？」

阿日：「我冇所謂啊，睇下阿M醒返未，等佢安排。」

Alex：「我就留番低抖抖啦，我呢兩日都周圍行咗好幾次，之後再搵我啦。」





無私，真好。

付出，真心，得到，回報。