[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.17(2)

（佢嘅視角）

M喺我面前，虛弱咁暈低咗。

當下，我都唔知點做好。

「M！你點啊？快啲應下我啦！」我異常焦急。

「點解會咁樣架！有冇人啊！幫下手，阿M佢暈咗啊！」





此時，我已經唔想理會旁人嘅眼光。

理他的，只要M冇事就得啦，代價喺咩，唔重要。

Oh？又係代價唔重要，睇黎我又唔小心硬接咗M嘅口頭禪。

反正就算之後有咩輿論都好，一切都會過去。

「難過的總會過去，雨過後總會天晴。」





呢句係M同我講過嘅。

佢話，呢一句句子係佢從WN嗰度學返黎。

佢一直深信，呢一個法則。

面對呢個突如其來嘅衝擊，我都差少少嚇暈咗。

但係嗰一個瞬間，腦海中閃過咗M以前同我講過嘅嘢。





——「堅強」

我馬上清醒過黎。

相信M，都唔會希望我軟弱。

「我會保護你，保護呢一個地方。」佢之前都係咁講。

佢呢一刻嘅身體狀況，話咗一個事實比我聽，之前佢只係一直逞強。

為嘅都係我，同埋呢一班同學。

「搞咩啊，點解會咁架！」聞聲出黎嘅學霸K講。

「仲問，快啲抬佢返去啦！」清醒嘅啊餅話。





「喂，咪訓啦，起身救人啦！」K大叫。

「唔該曬你地。」我仲未放鬆到，個心一直緊繃。

點解嘅？呢個感覺非常奇怪，我地明明只係朋友，點解我會有呢種感覺？





心痛嘅感覺。







嗯。

我嘅腦袋已經，非常混亂。

冇辦法靜心思考。

唔通⋯唔通⋯

我唔敢想像落去，亦都冇辦法想像落去。

眼前嘅M仲未甦醒，唔知佢第一眼想見到嘅，係邊個呢？

我竟然仲諗緊咁多餘嘅事，眼前最急切嘅問題喺，M已經昏迷接近兩個鐘。

期間並無要醒返嘅跡象。





我越黎越心急，喺本陣中來回踱步。

心中有千言萬語仲未同M講，佢唔可以咁快離開。

「唔會嘅！M點會咁容易出事！」

我安慰自己。