[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.14 同學？（4)

大件事啦，又講太遠添，成日都唔小心煲起雞湯添。

返回正題，Ken已經幫我聯絡到佢嗰班嘅朋友，簡單咁同呢個人交代兩句之後，我就接聽電話。

M：「Halo，我係3B班嘅領導，M。」

雖然我係冇朋友，但係基本上全級嘅同學我都知道係咩人，當然有幾位係例外啦，最可怕嘅唔係其他嘢，而正正係我同佢地同級咁樣讀咗三年，然而我同嗰幾位同學竟然連一面之緣都冇，真係奇怪，我明明連長缺嘅同學都見過，點解硬係冇見過佢地嘅？我實在要再多多認識一下。

？道：「你好啊，我係阿德，我地之前係咪一直都冇見過？好似對你把聲完全冇印象咁。喺啦，頭先嘅Ken同我都幾熟，想知我嘅嘢問下佢啦。請問今次打黎有咩貴幹？」





M：「阿德，你好，我今次打黎係想問你地D班情況如何？物資夠嗎？」

阿德：「我地班係唔錯嘅，好好彩匿埋咗喺一間中型超市裏面，仲有一部分同學匿咗喺8仔個邊，都係一個好位置，杯麵啊，零食啊，早餐啊，晚餐都唔成問題，個貨倉都仲有唔少貨，夠食好耐，不過防守同埋逃走路線就唔太得啦，好彩平時嘅彩虹邨都唔係太多人，應該附近都唔會有太多感染者，我地兩邊嘅防守能力都唔好，因為本陣得兩個出口。

其中一個喺正門啦，對着一條入邨嘅通道，都算係好事，但係呢如果前門被包抄，無論係感染者好，定係倖存者都好，行後門都可以算係另一條死路，其一後門就非常狹窄，撤離需時啦，加上呢個門口一出去就係一條大馬路，相信唔少感染者會於附近流連，除非係自願撤退啦，如果係喺無預備過嘅情況下一定出事，死唔曬都最少死咁幾件，咁都算係好彩啦。

Btw，我地起緊磚牆，唔好問啲磚邊度黎，我地自有辦法。我地打算封起呢條村嘅各個出口，希望可以搵到人幫幫手咁樣，之後封死咗，我地就可以喺裏面自給自足，就算裏面仲有死淨嘅感染者，我地只不過係困獸鬥，殺完就唔會再有，完全肅清。

搞掂防禦系統之後，我地會調查邨內嘅人員，睇下仲死淨幾多人，不過我估都唔多啦，呢條邨嘅街坊，多數都係打工仔，爆發個下，大家都返緊工，應該唔會淨低太多人架啦。





如果，你個邊可以再派人嘅話記住聯絡我，唔該曬。話說我觀察到少少細節，呢邊嘅感染者有一類喺入夜之後特別活躍，唔知你有冇見過？我地有人為咗影張相差啲無命，你幫手睇睇呢隻嘢，喺你認知中有冇出現過啦，急啊，thx。

相我啱啱send咗，分析下，我地好衡量自己嘅能力，睇下打唔打得過，定係見到要即刻走佬。」


M：「我啱啱睇到啦，呢隻嘢隻手特別長嘅？你地朝早有冇見過佢？同埋佢行動係點樣嘅模式？」

阿德：「呢隻嘢朝早見過，個陣啊，佢行得算係幾慢，係單體出現嘅類別黎架，但比到我嘅感覺係，佢都幾遲鈍下架。」

M：「如果冇推測錯，依佢嘅速度，呢一隻應該係第二級物種，不過智商屬於低水平，你地個腦靈活過佢，一定可以打嘅，不過最好就係set陷阱啦，因為都幾難搞架，佢夜晚行得好快，算係高級嘅速度，唔好睇小，最多佢都係冇腦姐。





我暫時都係搵個名黎叫佢好啲，就叫『夜行人』先啦。咪住先，佢係點樣行路架。」

阿德：「佢係用四肢爬行，但係速度係無解，照道理摩擦力會減低佢嘅速度，但佢好似唔太受影響咁樣，有少少逆天嘅feel。」

M：「夜晚見到，記住唔好正面對抗，如果唔係你會玩死自己，退番去陣地，之後放低幾個traps比佢嘆下，你可以試下搵啲鐵，做個夾咁樣啦，夾L死佢。唔死就由佢喺個到自生自滅，一唔係殺咗佢做研究。

睇吓係乜東東，不過我估你地都冇咩可能去研究佢，當我冇講過，白癡咗。」

阿德：「好嘅，收到，唔傾啦，之後聯絡。我要安排其他行動組同學做嘢。」

M：「係喎，我未問你，你地班有幾多個行動組？夠唔夠人用啊。」

阿德：「都係5、6個啦，咪問住先啦，唔得閒，byebye。」





M：「好啦，好啦，byebye，之後good luck。」

電話又掛斷咗，究竟條友趕住去邊啊。