[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.13(4)

時間19:00

佢走咗過黎，同我講：「喂～就快食得飯啦，快啲去洗手等。今餐我又幫手整咗好好味嘅嘢啊，有蕃茄炒蛋啦，有好多好嘢啦總之，幫你又加咗料，自己等陣去睇下啦，唔使太鍾意我，我係咪好好人呢。」

「係啊，次次都煮咁好食嘅嘢，我大飽口福啊，多謝你～仲要係我最鍾意嘅蕃茄炒蛋啊！你點知我鍾意食架？加餸個度係咩啊，我想知道啊，超級好奇。」

「因為啊，蕃茄炒蛋易煮囉，同埋你鍾意食喎，我點會唔知，我自有辦法啦！加餸個度啊，唔話你知啊，我要好似你咁樣保持神秘！」佢笑笑口咁講。

「好啦，真係衰到你啊，明知我一向為食架啦，係都要吊我胃口，好嬲囉，哼！我唯有慢慢等啦！」我故作賭氣。





「同埋我想問啊，我真係有咁神秘咩？會唔會誇張咗少少啊，我唔明點解大家都話我神秘，就連你呢隻衰嘢都咁講。」我十分疑惑。

「唔知點講好啊，總之就feel到你有少少氣場，比到一個與眾不同嘅感覺我囉，同埋你又收埋咁多嘅秘密，就連你依家呢一個形象都係我未見過架！我唔明點解你會有咁大嘅變化，但係講真個句，你型咗好多～你嘅變化好彩係向好嘅方向去改變啫，如果唔係呢個據點（啊）唔好講添啊，可能連據點都未必出現，更加可能嘅係我地會一直被蒙在鼓裏，早早就成為喪屍嘅盤中餐或者被同化成為佢地嘅一員啦。」佢好認真。

「係咩，我真係唔覺我有咩太大分別喎，我就係覺得我嘅勇氣值升到咗MAX LEVEL咋，其他都冇變啊。可能係大家平時唔多留意我姐，所以見到我咁樣咪好似發現新大陸咁樣囉。咪住先，你平時係咪冇留意我啊！嬲囉～不過你咁樣讚我，就算你啦。」

「你唔好咁自戀啦，啊M。快啲準備食飯啦！煮好架啦！」佢都係冇答到，唔知係想點樣。

我都冇再去為意，草草再應一句就去準備要開飯嘅嘢：「好啦，我超期待！」





係呢個情況下嘅晚餐時間，唔知點解硬係有一種特別溫馨嘅感覺，我每日最期待嘅就係晚餐時間，因為我唔需要巡邏，又可以慢慢打發時間，更加可以同同學們一齊談論唔同嘅話題，紓解末世中的壓力，亦都可以交換情報，無時無刻監察外面情況。係呢一個夜晚，我決定咗更多新決策，例如每人都講一個我嘅優點或者缺點，等我慢慢改變，向住完美嘅方向發展。都舉辦更多聊誼活動，比大家估下歌仔，唱下歌搞熱個場啊咁囉，玩埋一齊就當然最好啦，播下音樂又可以放鬆一下，唱歌係好途徑比大家表達對世界嘅不滿，可以用充滿希望嘅天籟之音填充呢度嘅黑白色，成為末世中一個特別嘅景象。用歌聲鼓勵大家生存落去，曾經聽過「生存下去才能笑到最後」依家我地係一邊笑，一邊生存！

飯香已經飄到過黎啦！係我嘅餸菜中，我見到一細塊嘅心形牛扒，裏面載滿咗佢嘅心意。今日嘅餸我頭先都講咗啦，係蕃茄炒蛋，加多半碗飯同一條菜，似足曬外面賣嘅2、3餸飯，但我個碗特別有心機整，我忍唔住會心微笑，呢一個微笑，再次比其他人捕捉到，佢亦都咁啱留意到。我嘅笑容已經比班上嘅同學影到厭，但係佢地仲未睇厭！因為我每次露出笑容，一係因為我開心（因為有大家嘅陪伴），一係因為有好消息帶動我嘅笑臉，最大可能係我感覺到久違嘅幸福感。總之我一笑，呢個就一定係好消息。

「就是因為你，那個全天候無死角地關心我的你。」

容許我講一句書面語，因為廣東話就咁寫好難寫得出。

我狠下心咁食咗呢一塊嘅心形牛扒，當然我有影到相啦，呢個咁值得留念嘅時刻，一定要記錄低！等我永遠都唔會忘記！