[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.10. M的第二人格（9）

我依然堅持叫佢地相信我地，要求佢地先觀察情況，跟隨我地，至少真係發生情況個陣都可以保護自己，佢地先死死氣跟住我地。之後我地就去到其他班房通知其他同學，要求佢地立即離開學校，準備好一切，唔好惹禍上身。我同佢地講返同一樣嘅說話，並且喺加上一句，令佢地嚇到三魂唔見七魄嘅句子：「你都唔想之後喺街上面見到大家，我地會係相對嘅陣營架？到時候你地真係瀨咗嘢，我唔會幫你地執手尾，仲會親手一個一個殺曬你地呢班唔聽勸告，比病毒感染嘅人，唔想死跟我說話去做，我M講得出做得到！」事實上，我當然冇咁嘅勇氣啦，頭先只不過係虛張聲勢，嚇醒佢地姐。

如是者，我就好成功咁叫到佢地離開。唔記得咗交代，今日係補課嘅日子，只有我地F.3嘅同學黎到學校，仲要係該死嘅全日制補課。好彩有食飯時間，如果唔係我地都冇辦法去解決問題。話說，喺我返到學校嘅時候都已經感覺到有一絲奇怪，學校嘅老師，校工，小食部嘅姐姐都已經不知去向，留低嘅只係一個鴉雀無聲嘅校園。相信學校已經一早接到消息，趁大家食飯時間去撤走老師同學校嘅人員，真係一個完美嘅計劃。但背後原因又係咩呢，點解要咁做呢？唔通呢一個只係一個突發性嘅事件，黎唔切通知大家？我呢刻只有一個大問號，容我再諗下啦。

「日記暫完」

我讀起咗日記，呢度僅僅係第一日嘅少量摘錄。估唔到M咁醒目去做記錄，咁樣真係對危機嘅襲來，有住重要嘅用處，係好實用嘅資料。大家可以從中分析之後走向。

讀完成份劇本咁樣嘅日記，我都不禁慨嘆M聰明嘅頭腦，雖然佢改變咗好多。但佢嘅智商同腦袋係我識嘅人之中最好嘅，永遠都比到對抗問題嘅方法，但呢一次，我見到眼前嘅避難所，我見到嘅係M嘅一種猶豫，因為佢身後跟住嘅係平時當佢冇到，但係佢依然好上心嘅同學們，如果佢係孤身一人作戰，啊！佢唔係一個人，因為我都喺到，係兩個人先啱啊，佢會選擇比較冒險嘅做法，就係行到邊，食到邊，住到邊，打到邊，永遠唔會比自己停落黎。但係呢一次，佢選擇咗一個相對比較安全嘅做法，誓要保護佢珍而重之嘅同學，珍而重之嘅緣份，仲有福氣。選擇駐守喺呢一個地方，想要佔地一方，幫助同學們去生存，唔好喺亂世中死得不明不白，連個墳頭都冇辦法整。我諗到呢度終於明白點解M會屈就喺呢一度，因為佢係大家信任嘅Leader，大家嘅榜樣，所以佢唔可以辜負大家，辜負世界。雖然我只係一個精神體，或者可以話係鬼魂，但我同M相處咗咁多年，我相信佢會做到。





我可以做嘅就係幫佢分擔心事，同埋適當時候跳出黎保護脆弱嘅佢。今日係末世嘅第二日，我行出避難所，去到我地防線後觀察咗一陣，依家時間為09:40。路上依然未有任何感染者出現，路面狀況依然安全，我爬上呢個建築物嘅頂層，再次攞起望遠鏡，望出去，果然居高臨下就係爽，「站得高，看得遠」呢句說話冇講錯，我上到去基本可以觀察到呢個大公園嘅所有地區，依然見唔到感染者嘅足跡，甚至乎冇任何跡象顯示出佢地喺呢個世界上存在過，彷彿都只係我嘅一箱情願，以為真係發生喪屍襲港嘅情況。

我通知體內嘅M，佢要求我向大家提出擴建避難所嘅安排，幫大家爭取更多活動空間。我立即動身，安排我地團體中嘅壯丁一齊去進行呢種工程，我地開始係避難所據點旁邊加建牆身，加上鐵板嘅防禦，圍上更多地方，讓這裏成為一個有規模的社區。我們還在公園的各個出入口加建牆身，防止感染者來到，同時設置機關，在有外來者出現個陣，發訊號到我地嘅據點之中，提醒大家要開始戒備，全民皆兵。就咁樣，我地嘅活動範圍擴大到整個公園，搜索物資嘅範圍都擴大唔少，我地得到嘅物資都會存放喺據點之中，供大家生存。同時因為據點嘅擴大，我地嘅巡邏隊伍會增加更多人，行動不可落單，永遠身邊都要有同伴。