[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.5微妙的關係

通話結束之後，我就搵咗Alan同埋Alex跟我出去執返WN返黎，我地準備好保護裝備，癡好咗牛皮膠紙之後就去咗食我地嘅媽媽愛心早餐，正確黎講，係佢有份煮嘅愛心早餐～幸福嘅感覺湧上咗心頭，我忍唔住露出咗一縷嘅會心微笑。

都係講一講呢一個早餐先，由於我地食物還算充足，負責膳食嘅女同學們就攞出咗一啲唔可以放太耐嘅高級食材出黎煮，例如帶子，黑松露等等。我地嘅早餐有兩道菜，第一份係香煎帶子配公仔麵半包，第二份就係黑松露炒蛋，我就比較特別，多一道菜煎鵝肝（係佢私人煎比我，偷偷地收埋係隻煎蛋下面），我感覺非常高興，因為係佢親手下廚去煎呢一塊鵝肝比我，食完呢塊鵝肝，個份溫暖真係入曬心，係甜到入曬心啊，我望住兜裏面嘅鵝肝，遲遲未捨得放入口，

佢突然走過黎問：「做咩唔食嘅？唔啱胃口啊？定係仲未完全好返？我特登去問你班朋友你鐘意食咩架，佢地差啲以為我鐘意你，想追你啊，嘻嘻。你睇下我付出咗幾大犧牲？」

我回答：「唔係唔啱食啊，係我見到塊嘢我唔捨得食啊，始終都係你嘅一番心意，我想望多陣先放入口到慢慢享受啊！佢地以為你想追我？唔好咩？我暖男之中嘅男神級喎，對人咁好，你鐘意我唔出奇啊！（伸舌頭）你咁大犧牲，你想我點樣補償你？嘻嘻～」我用好頑皮嘅語氣同佢講嘢。

「車！你咪咁自戀啦，傻仔，我見你可憐先幫下你咋，估唔到你竟然係咁嘅人，衰到你啊～」佢怕怕醜醜咁講。





「係啦係啦！我自戀啦，sorry囉，大～肥～妹」

「哼！你個衰人，我嬲啊！我唔肥囉！你先肥！唔理你，走啦。」

「唔好咁啦，傻妹，講下笑姐，我等陣要出去接人啦，比少少表示好唔好先～」

「唔要！⋯⋯
加⋯⋯
油。」





「多謝你！我一定會安全返黎，等你煮飯比我食～」

佢紅都面曬，好怕醜咁行開咗。

係末日中，呢一種小舉動，總係咁窩心，不過可惜講一次少一次，唔知仲有幾多次機會比我地上映呢次嘅溫馨「小劇場」。

喺呢一段對話中，我感受到一種微妙嘅變化，我感覺到佢對我，唔單只係一個同學，而係有少少朋友之上嘅感覺，戀人當然未滿啦，有排添啊，我都未準備好，佢點會咁快啊。我回帶去返喺學校嘅日子，我發現我呢個男班長，其實喺無意中幫咗佢唔少次手，可能佢開始對我有種依賴心態？定係我多心咗？依賴心態呢一方面，真係好複雜，你問我對佢有冇呢種心態？當然有少少啦。

*戲劇效果，請大家唔好食咁多鵝肝，原因係咩，你知嘅。





完成咗呢一個愛心早餐後，我嘅心情好返好多，於是乎我地立起架餐去接WN，途中都係遠處見到過幾隻比較遲鈍嘅感染者，佢地冇注意到我地呢一邊，我地為咗避戰，都快速跑開。
（未完待續）