[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.3 驚魂(12)

就咁樣，第一日無驚無險咁過咗，我要求大家保持電話聯絡，係電話網絡崩潰後就要用對講機，總之係無論如何都唔可以失去聯絡，當出現突發狀況嘅時候，大家就要報告，互相支援。以我地3B班為首，根據定位，3A班同3C班同我地嘅距離有3公里左右，步行上去，最快需要30分鐘先可以到達目標地點，學校村。3D班離我地嘅距離有1.3公里，步行過去要經過X鐵站，中間如無阻礙，6分鐘就可以到達。3E班同學就係同3D班同學喺同一條邨，距離都係1公里前後，當我地大家要轉換場地嘅時候都更加方便集合，呢條邨同我地嘅陣地有連接到嘅，我地可以直接揸車過到去，交通非常便利，雖然我地係冇車牌，但係末世下，冇人會再理你有冇車牌，只係會在意你識唔識揸車，要生存落去，最重要就係學識揸車，你就可以去任何一個新嘅地方，進行新嘅探索。
第一晚雖然我安排好曬所有嘢，打點好一切，但我嘅心情一直唔好，加上我頭痛欲裂，有少少不知所措。
「可能係壓力啦，食粒頭痛藥應該就得架啦！」Alan同我講。
唔知佢地4個人係幾時行咗過黎，應該係我諗得太過入神，令到佢地有啲擔心。
啊餅同Ken講：「你有冇事啊，唔好諗咁多啦，講出黎，我地幾個人一齊分擔，唔好收埋收埋啦。」
學霸K話：「你有我呢一個智囊啊嘛，唔使擔心，我幫你分析，做好準備。」
我頓時熱淚盈眶，感動咁同佢地講：「我冇事啊，好彩有你地幫我咋，聽到你地咁講我嘅壓力真係好好多。」
其他組嘅leader同埋我個組嘅組員都紛紛走過黎安慰我，同我傾計，我嘅心靈深處感覺到更加多嘅溫暖，末日雖然會令到大家醜態盡露，但都係會有溫暖嘅一面比到大家新嘅希望。希望呢個病毒可以早日消退，比大家再重返正常嘅生活啦，而我都唔使再為咁多事而煩惱。
係大家安慰我嘅同時，佢都過咗嚟，望到佢清純可愛嘅笑容，同埋傻傻地嘅外表，我嘅煩惱頓時煙消雲散，負面嘅情緒都消除曬，我知道我要表現得更加堅強，唔可以令人覺得我只係虛有其表，冇實際力量，同埋作為一粒開心果，心境開朗係非常重要，我嘅責任同時都包括為大家帶黎歡笑同埋放鬆心情。安撫大家心靈嘅空虛，填補個啲空白位置。
係呢個moment，佢開咗口：「你有冇事啊，壓力好大？定係未食飽飯啊？」佢突如其來嘅一句問候，融化咗我心入面嘅冰川，成個人「力量百倍，麵包超人！」扯遠咗，返黎先，嘻嘻。佢嘅一字一句之間都充斥住唔同嘅秘密，可以令人格外醒神。我抬高頭望向佢，四目係一刻有交接，確認過眼神，我遇上對的人，我一直提醒自己保持清醒，最後都係忍住，冇表到白（我唔想係大家嘅眼前表現出最真實嘅自己，由得自己戴住一副面具，露出虛偽嘅一面示人，雖然我唔鐘意呢個做法，但咁樣先係保護佢嘅最佳選擇，同時我都可以繼續暗戀佢。）暗戀嘅感覺雖然痛苦，但痛苦嘅源頭係因為對象冇選擇回頭望你，那怕只係匆匆嘅一眼，你嘅對象都冇作出呢個普通嘅決定，只係僅僅一秒，我知道要付出才能夠得到收獲呢個道理，唔表白，話唔定都可以比雙方作出更深層嘅思考，對大家都好，可以比多啲時間自己做準備，對方又有更多時間可以考慮，何樂而不為呢。




時間00：30，第一日完。
3A剩餘人數：32
3B剩餘人數：32
3C剩餘人數：32
3D剩餘人數：32
3E剩餘人數：32
風平浪靜。迎接第二日嘅挑戰。
呢一晚，我一直瞓唔着。差唔多係眼光光等天光。
04：00 我終於成功瞓到，好攰啊......
(Ch.3完）