[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.3 驚魂(8)

係夜晚，我地一眾leader討論得出，我地應該趁住還算安全，尚未全面淪陷個陣時去搜索更多嘅物資，於是我地幾個leader之中有3個人去咗，加上其他隊伍嘅隊員，我地一共有10人去搵物資，我地嘅目標係一啲可以補充到營養，同埋食少少就可以補充所有能量嘅能量食物，仲有汽水個啲，加上其他可以搭配早餐嘅豆漿豆奶等等。由於我地幾個係宅男，所以好熟悉知道點樣先可以用最方便嘅方法，同埋用最少時間黎打造一個營養嘅餐單，令大家更多地吸收能量，同時食物嘅消耗量先可以減到最低。

由於市面仲未淪陷，我地要得到物資係依然要比錢嘅，好彩我地幾位同學都好闊綽，銀包裏面有錢又有卡，先至可以等大家得到更長時間嘅物資存貨。正好附近有一間超市加一間藥房（誠哥開嘅），可能受到李氏力場嘅影響，呢間超市仲係好似平時一般，人少少，貨品尚算充足，雖然都係有一部分嘅人見到網上嘅新聞過到黎搶物資，但係好在超市嘅存貨好多，我地多少都買到所需嘅物品，食品方面例如：有蔬菜（菜芯之類），水果（橙，奇異果，西瓜，榴槤）（橙同奇異果幫大家多啲吸收維他命C，西瓜同榴槤可以用黎製造頭盔，應該幾實用，唔錯唔錯，一物多用）零食方面有朱古力同能量糖，仲有電子類嘅（電池等等），清潔用品同埋日常用品（毛巾，沐浴乳，洗頭水等等）。

之後走到去旁邊嘅藥房，正確黎講算係藥妝店，我地去呢到尋找包紮嘅用品，同埋止痛藥，仲有保平安嘅藥品。最後我地買咗紗布，消毒藥水，酒精，火酒，綿花，仲有必X痛同埋維他命丸，用作看門口，準備做足，最後我地總共用咗1000蚊左右添置咗大概2個月嘅藥品加上4000蚊買咗1-2個月嘅食物，總計其實對我地呢班嘅中學生有少少壓力，好彩我地之中都有富家子弟，可以負擔到呢一啲嘅洗費，總共5000蚊，除開32人，先發覺原來都唔係太多，每個人平均都只係需要唔過200蚊，估唔到大手入貨真係更加平同抵，唔錯唔錯，多謝誠哥比到我地咁平咁抵嘅貨。

就係咁，我地去到附近嘅五金店去買士巴拿（扳手），火水，AA膠，天拿水同埋電筒方便我地日後可以作探索同埋防禦，加上幾個堅固嘅大鎖，堅守我地暫時嘅陣地。我地總共花咗20分鐘去買嘢，但好奇怪，附近嘅人煙稀少，雖然林太叫市民留係屋企，但我相信點都會有人係條街上面行過嚟又行返去咁樣，只係有快步流星行過嘅幾個打工OL，相信佢哋都係啱啱先至收工，趕住返屋企，我諗可能大家一早已經準備好物資，所以先見唔到人，所以我都冇再深究，雖然我知道呢個自己我用黎自我安慰嘅手法，相信情況，可能已經開始變得嚴重！
（未完待續）