[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.3日常驚魂（6)

計計下，8年咪即係一眾預言家預言嘅世界末日年份？

唔通，我地地球上嘅人類都無一倖免？其實世界末日真真實實咁發生咗？

只係我地唔知道，唔清楚？

我曾經聽過一個講法，上帝冇憐憫到地上同世界上嘅蒼生，冇再一次建造挪亞方舟保持每個物種嘅繁殖鏈，有科學家甚至話我地全世界嘅人類已經喺2012年個次世界末日完全覆亡，我地依家身處嘅世界只係一個好真實嘅幻象。

或者話，我地全體地球人都被𣊬間轉移到一個完全新嘅平行世界，可能係蝴蝶效應嘅影響加上多年嘅洗腦教育，令到大家都接受咗「世界末日並沒有到來」嘅呢一個講法，但試問，多個預言家同時預言嘅問題，又有咩可能比我地地球咁輕易避過？事實就係我地人類身處咗喺一個幻象裏面，雖然每個人身上都出現咗細小嘅變化，重新過住平淡無奇嘅生活。





原本就快可以接觸死亡，但又從新喺我地唔注意嘅時候將我地由危險邊緣中挽救返嚟，相信大家都知道呢種感覺係幾咁痛苦，明明已經做好咗準備去迎接死亡，但突然之間又返到原點，我相信係難以接受。係個場變化中，我相信表面黎講我嘅能力增加咗唔少，包括我嘅領導能力加上智商個一方面都有增加到，體力就唔知啦，因為隨住一年老過一年，我嘅身體狀況，仲有體能係越嚟越差，可能係我嘅要求太高？但係我估，每個人身上出現嘅變化，都有住唔同嘅代價，每一樣能力嘅增強，都變相表示你另一種能力嘅減弱，有少許嘅buff當然就會有nerf啦，呢個完全係打機個陣先有嘅平衡性調整，或者呢一刻我地正正處於人地嘅「遊戲」之中。

雖然係比較荒謬，但係呢個係事實，冇辦法唔去接受。時時刻刻都要記住：「世界是瘋狂的，你必須變得比世界更加瘋狂才能生存下去。」呢個世界就只係一個互相爭鬥嘅羅馬競技場，你唔可以對自己嘅敵人仁慈，因為只係你對自己嘅殘忍。雖然我更加偏向對自己殘忍嘅一方，但有時候你唔可以做選擇，稍有猶疑，只會對自己更加不利（一唔小心又去咗人生大道理嘅時間）。

（未完待續）