[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: 人設(續）

《人設》續

每一日一返到班房，望到全班同學都坐齊係度，我就知道我又再一次係全班最遲返到嘅一個，唔好問我點解，呢個係我嘅style，係一個適當嘅場合我會反轉頭成為最準時，最早到嘅人。

因為我心裏面覺得有D嘢，你認真便輸了（呢句係我嘅口頭禪）想像一下，我呢個形象，真係平凡得滯。

但係我嘅同學一直都會話我有層深不可測嘅神秘面紗。

可能啦，真心唔熟悉我嘅人都會咁講，唔通我真係神秘咩？





其實我一直好想講我嘅心底話出黎，只要你地可以用心觀察我一下咁多，其實你都會發現你地所謂嘅秘密，都大大隻字鑿係我頭上面。

我平日嘅朋友圈子好細，除咗外賣team之外嘅frd就只有3,4個左右，我地多數係recess同mu個陣hea住咁打某某戰爭（我唔係打廣告啊！）。

基本上打完咁就過一個小息，上堂日常吹下水咁，但係冇咩人理我，每次老師經過都好鐘意罰下我咁，我心諗：「究竟我係咪得罪咗你地D咩啊，日日都想執劑勁嘅比我，想我死咩，隔離嘈到拆樓咁，你連嗲多一句都唔肯，我頂你個X！」我對於呢個咁可怕嘅校園生活逐漸心淡……