[愛情][校園]《你好，我只是你的好朋友》【劇場版：只屬我們的回憶】開始連載: 一五四：認領
第一五四章：認領
「做咩Elaine拎住我比侑仔袋朱古力嘅？」
「咩……咩……咩……咩你嘅朱古力啊？」
依玲在聽到Kelly認領那一袋謎之巧克力後，表情變得萬分緊張起來。
然而Kelly只是點著頭說：「喺啊，喺我送架。」
「但‥‥但‥‥但喺你啱啱翻嚟咋喎！？」
「我托人擺低架嘛！」Kelly依然一臉理所當然地說道。
嚇得依玲整個人目瞪口呆地站著，就像大腦當機了一樣。
於是我接著便插過嘴來問：「咁喺友情定本命啊？」
「侑仔你好衰嘅！緊喺……本命啦！」Kelly別個臉並以雙手掩住。
而依玲聽到「本命」二字，表情更進一步驚愕失色。
「本……本……本……本命！？」她的聲線也明顯地飆高起來。
Kelly隨即把頭扭回來，並以一副靦腆的表情望向我們二人。
「Elaine，我哋以後就喺競爭對手啦！」
在聽見Kelly如此說道後，我便稍為瞄了身旁的依玲一眼。
只見她此刻雙手貼著自己的臉，雙眼一直盯著地板說：
「無理、無理、無理、無理、無理、無理、無理、無理、無理、無理。」
從她的反應可見，相信是大腦過熱，開始會說些平時不會說的語言了。
「佢驚到連日文都識講。」我指著依玲的同時，便望向Kelly笑著說。
可是在下一瞬間，依玲也抬起頭並皺眉盯著我說：
「點會唔驚啊？又多一個喎！？」
「多一個唔好咩，反正你都算喺局外人架啦！」
隨即Kelly也再開聲說道，並語氣略帶點諷刺。
「我……我……」依玲在聽到Kelly的這番說話後，便移開了視線。
然而，就在依玲還思考著如何回答Kelly的時候，對方卻先伸手放到她的頭上撫摸著。
「呃你架！傻瓜！」
「欸？」依玲立即傻眼地望向了Kelly。
但對方只是向她微笑了一記後，便繼續說：「袋朱古力唔喺我架。」
「吓？唔喺你？」
Kelly向她點一點頭，接著就望向我：「侑仔應該一早就估到啦？」
「估到！話哂都識你咁耐，只要你講嘢一向左邊少少打側個頭，就知你喺開緊玩笑。」
「Yeah！果然喺細緻鬼啊！」Kelly馬上做出了兩個「Bingo」的手勢。
可是我身旁的依玲，對於我們的對話卻依然是掛著一副搞不清頭緒的樣子。
因此我都只好向她稍作解釋：「Kelly呃你架！呢袋朱古力唔喺佢比我架。」
「咁點解要呃我？」在一瞬間依玲就如同回過神來一樣。
而Kelly則是笑笑口地說：「無啊，一朝就見到你兩個pair住咁行，咪開個玩笑玩下你哋！話說你哋拎住袋朱古力做咩？」
於是我接下來便向Kelly解釋了依玲手上這袋巧克力的由來。
但Kelly果然與班中其他人一樣，對於這袋巧克力毫無頭緒。
「咁我哋去問下其他班啦！」
我接著便一邊說道，一邊往E班的方向前去。
而跟在我身後的依玲，也在準備起步的時候，被Kelly再次叫住了。
「嗯？做咩啦？」
「無……只喺見到你啱啱嘅反應，我就放心啦。記得要做翻個正確嘅決定。」
依玲聽到後，先是微笑起來，接著便向Kelly點一點頭。
「知道。」
--------------------------------------------
時間轉眼間已經來到了午息。
經歷完一個東問西答的早上後，我與依玲大致都詢問了全個高年級。
可是得的答案都是：「呢袋朱古力唔喺我架。」
而且在查問的途中，更有數位同級女生或是師妹向我贈送了巧克力。
她們分別都是我的初中同學以及話劇社或棋藝社的社員。
不過我仍然記得，在收到那些巧克力的瞬間，身旁的依玲也多次露出了個驚慌的表情。
「點搞，問哂成個高form都無人認領……」
我坐在座位上高舉著那袋神秘巧克力自言自語說道。
「咩無人認領？」
突然Venus的頭從上而下出現，使我頓時嚇了一跳。
「你做咩突然入嚟我班房！？」
「我見食飽飯無嘢做咪過嚟睇下你做咩。」她在話後便微笑起來。
然後更拿著一個小盒子放到我眼前。
因此我都馬上轉過身來，而她隨即都坐到我後方的座位上。
「又話放學先送嘅？」
「提早送比你唔好咩？」
「無話咩唔好嘅……」我一邊說道一邊伸手打算接過她手上的盒子。
可是在我快碰到盒子的時候，Venus卻把它稍為拿開了一點。
「你今日收到幾多份朱古力啊？」
我先是冷笑一下，然後就向她展示我的櫃子：「大概收到九份度啦……」
Venus直接發出了「哇」一聲，然後就單手托腮凝視著我。
「睇嚟有人比往年收多咗朱古力喎！」
「咪都喺初中高中同學同埋社團社員。」
然而，在我說道這番說話後，她卻整個伏在桌子上。
「差啲唔記得，你喺話劇學會都有唔少粉絲。」
「其實我都唔知幾時就有……」
「大概喺中四你搞走Raymond之後？」
當Venus提及到Raymond後，我只是沉默起來，沒有回應她任何一字。
而她則是直視著我並睜了下兩眼後，便繼續說：
「Raymond原先喺大家嘅中心人物，但後來佢走咗之後，就好神奇咁由你嚟取代咗呢個位。」
「明明我乜都無做……」
她先是搖一搖頭，接著繼續說：「你知唔知Raymond有段時間同我好friend？」
「真？」
「嗯……」她伏在桌上點一點頭。
「你無同我講過。」
「因為我驚你會嬲。」
「嬲？」我馬上一副疑惑的表情望向她問道：「我做咩會嬲？」
「如果我話我鍾意過Raymond，你會唔會嬲？」
我瞬間愣住了，就如同在一剎那有大量的訊息湧進大腦一樣。
莫非這就是平時依玲大腦當機時的感覺嗎……？
「都話你會嬲……」Venus在看到我樣子後，便撅起嘴。
這種感覺相當奇怪，說是生氣又不是，但又不能說完全不生氣。
是介乎在兩者之間，總之是會讓整個人感到有點難受的感覺。
「不過其實係喺識你之前嘅事，中三個陣嘅事。」
在得知原來是中三時候的事情時，我也鬆了一口氣。
不過心裡仍然是感到有點……不甘？
「吶，阿侑。」
Venus突然又叫道了我的名字。
「做咩啦？」
「你靠近啲我啊。」
她向著我揮揮手，叫我稍為向她靠近一點。
於是我便挨近一點，而她隨後就把手放到我的臉頰上。
「多謝你認領咗我……」
「真相以及隱瞞，都會一樣使人感到難受」