[愛情][校園]《你好，我只是你的好朋友》【劇場版：只屬我們的回憶】開始連載: 一三一：畢業營(十)

第一三一章：畢業營(十)
 
「答案唔喺任何特別嘅數字，而喺十四！」
我直接向何老師喊出了心中的答案。
 
而何老師在聽到我的答案後，也沉默了片刻。
然後就反問：「點解你會覺得喺十四呢？」
 
「首先，任務提示話請講出一個數字，一嚟已經誤導咗大家去諗一啲複雜嘅數字，甚至會覺得答案喺同呢個紀念碑有關。但其實答案根本就唔喺咩特別嘅數字，而我哋嘅組編號，十四。」
何老師聽完我的解釋後，點了數下頭。




但隨即再反問：「不過組編號又同提示有咩關係呢？」
 
此時，在我身旁的Zack也突然靈機一動，並插過嘴說：
「咁我知點解喺十四啦。提示雖然講到好玄，但其實四句入面有三句都喺指出答案其實就喺我哋身邊。」
聽著他的解說，我很快也點頭起來，並繼續把話接下去。
「組編號，我哋由簡介日開始已經成日掛喺嘴邊到講。所以就喺遠在天邊，近在眼前，但總會掛在口邊。」
 
其他人都頓時恍然大悟，逐漸理解得到為何答案就是「組編號」。
不過何老師仍然詢問了最後一個問題：
「咁幻變又喺點解呢？」




 
就在我打算開口回答時，Shark也突然很大聲的「哦」了一聲。
然後就說：「因為組組嘅編號都唔同，所以就喺幻變！」
「Bingo！十四組，恭喜你哋完成呢個checkpoint！」
何老師隨即就彈了一下指頭，接著就為我們蓋上了檢查點通過的印章。
 
於是我們也在一陣歡呼聲中，一邊讚賞著我的「IQ300」，一邊往下一個檢查點前去。
 
而在接下來的路途上，我也不自不覺間與Coco並排行走。
全因為Laura與Poppy又在後方「開片」了。




於是我也隨即與她傾談起來。
 
「Coco你喺咪成日都喺會所做gym架？」
在我詢問下，她先眼珠打了個轉思考起來。
「其實都唔喺成日架，只喺咁啱每次去跑步都撞到你……同人補習即。」
她說完後，也同時奸笑起來。
我想是因為，每次她在會所裡遇上我，都代表我正與依玲在一起。
而她是Venus的好友，又知道我們關係的人，當然是不忘「抽水」了。
但幸好，我都有可用的情報在身……
「你同Devin點啊？」
可用的情報就是我的好兄弟Devin了。
 
我們四人組中的Devin，雖然屢次聲稱自己在學校沒有心儀對象。
可是卻在我們一次的嚴刑迫供下，才承認自己在級裡有持有好感的人。
但是當時他本人打死都不肯說出那一人是誰。




於是我們其餘三人進行了多達一個月的資料搜查及觀察。
才發現原來他有好感的人正是他的初中同學，Coco。
 
而在觀察的過程中，我們發現Devin對Coco並算是單純的單戀而已。
從他們的互動可見，Coco貌似都對Devin有點意思。
可以算是友達以上的關係了吧？
等等，總感覺這是在說著……自己！？
 
「我同佢喺朋友咋。」Coco的這個回答，似曾相識的。
但為了好兄弟的感情發展，我決定繼續問下去。
「真喺朋友咁簡單？」
 
她聽到我這樣問道，瞬間瞪眼起來。
但是又很快嘆氣起來，並說：「唉，見你之前Venus入院個陣咁鍚佢，我就同你透露少少啦……」
我沒有回應，只是擺出了一個洗耳恭聽的表示。




 
「我同Devin由初中識到依家，你知啦？」
我立即點頭。
「我哋曖昧過，你知唔知？」
這次我反而愣住了，因為Devin並沒有提及過。
 
而她看到我的表情後，便鬆了一口氣。
「睇你表情應該喺無，好彩佢都無周圍同人講。」
「咁點解喺曖昧過？即喺你哋依家無再……？」
她搖頭起來，表示沒有。
 
「曾幾何時，我都諗過有機會同佢發展。但喺一諗到如果我哋分手，就會連朋友都無得做。即使大家曾經關係喺幾要好都好，都會一瞬間化為陌生人。」
她說著的同時能夠感覺到，她的語氣夾雜著一絲的可惜。
或許與Devin一起後，她會感到開心幸福。
但同時卻要背上大家將有可能永遠成為陌生人的風險。




到底是進一步發展，還是維持原況，她選擇了後者。
 
「咁你有無後悔過？」
她點頭並說：「後悔實有嘅，但喺我真喺唔想無咗佢呢個……朋友。即使大家從此都只喺朋友都好，我都唔想失去咗佢。感情上，我違背咗自己，但喺理性上，我做啱咗決定。」
又是理性與感性的矛盾及抉擇嗎……
 
可是接下來就在我反思著時，她卻把話題轉移到我身上。
「咁唔知Venus同你，又會唔會走上我同Devin嘅結局呢？」
 
「始終你哋都只喺……好朋友。」
 
 
「畏懼，使人卻步，但不代表會失去」