[愛情][校園]《你好，我只是你的好朋友》【劇場版：只屬我們的回憶】開始連載: 暑假篇：圍爐討論
暑假篇：圍爐討論
以下是第三人稱視覺：
正當阿侑與Mandy回去宿舍拿鋁紙以及Laura把依玲帶到燒烤場的不遠處。
Felix也隨即就向大伙伴們說道：「趁住Alvin同Mandy行開咗，Laura又幫我哋帶走咗Elaine……喺時候一齊嚟討論下Alvin嘅心之所向啦。
部份人聽到Felix這樣說道，表情也變得疑惑起來。
「點解要討論Alvin啊？」
「喺囉，而且Laura做咩帶走埋Elaine？」
但Rita接著也開聲說：「Laura同Elaine有啲……事，佢想解決咗先。」
而正當其他人打算開口查問時，Harriet卻搶來了發言權：
「其實我哋三個都已經討論咗Alvin一段時間，而見今日咁齊人，所以都想同大家討論下Alvin嘅現況。」
「唔通就喺同Alvin同Mandy同Elaine嘅關係有關？！」
Eve皺起眉頭，不肯定地猜測著。
可是Harriet隨即也點頭起來，並望向其他人再說：
「以我哋所知，Alvin嘅感情狀態仲喺單身嘅，不過我諗大家都知，依家嘅佢應該喺同三個女仔糾纏不清。」
「你指嘅三個女仔喺咪Mandy、Elaine同第二班嘅Venus啊？」Daisy舉手問道。
而Harriet再次點頭起來。
隨即部份女生也稍為感到震驚起來，並開始私下討論：
「咁未即喺同Martin講嘅一腳踏三船一樣？」
「靚仔果然喺易溝女啲啊。」
「但喺Harriet話Alvin仲喺單身喎，即喺仲flirt緊、培養緊感情啦！」
「大家冷靜少少！」此時Felix也站起來喊道，藉此獲得大家的注意。
當那些女生閉上嘴並望向Felix後，他也繼續說：「其實有時我哋三個都有套下Alvin有關於同呢三個女仔嘅發展……」
「咁侑仔點答啊？」Kelly問道。
而Felix隨即就向Devin打了個眼色，示意Devin接起話來。
「其實每次問Alvin個陣，佢嘅答案都喺話唔知點算好，而佢都好明顯喺為呢件事而感到煩惱。」
「有咩煩惱啊？同時比三個女仔鍾意喎，唔好咩？」Francis輕笑地說著。
可是馬上就被身旁的Sherry捏著耳朵並說：「好你條毛！喺咪想溝多個啊？」
「痛！唔敢！唔敢！」
「可能對於其他人嚟講，的確一件好事……但喺對於Alvin嚟講唔喺。」
Harriet在說著的同時，語氣也逐漸變得低沈起來。
而他身旁的Eve也突然靈機一動，並說：「喺咪因為基於Mandy喺佢前度，而Elaine喺佢所謂好朋友嘅關係？」
Harriet沒有回答，只是默默地點了一下頭。
可是，Grace隨即也發問：「但喺……你哋又點知Mandy同Elaine真喺鍾意Alvin？」
而Charlotte也接著說：「啱啊，Venus就本人同我講佢鍾意Alvin啦，咁Mandy同Elaine呢？Alvin自己都講明咗佢同Mandy做翻朋友，放低咗對方，而Elaine都經常同我哋講，佢同阿侑只喺好朋友關係……」
但是當Charlotte說完這番說話後，也馬上發現了當中的盲點。
「佢兩個擺明都喺口是心非。」Zack說道。
隨後也迎來了一遍寂靜。
或許大家這刻都在回想著，Alvin、Mandy及Elaine在過往的一年相處時的記憶。
然而，當他們越是回想起更多相關的記憶，卻越是發現了當中更多證明Mandy與Elaine都已經早早喜歡上了Alvin的蛛絲馬跡。
而在下一瞬間，Rita也開聲打破了沉寂：「其實Mandy又始至終都無放低過Alvin。而佢當初都想扮到自己好似放低咗咁，但喺隨住時間流逝，佢都已經再隱藏唔住心中對Alvin個份感情。」
接著，Sherry也繼續捏住Francis的耳朵說：「其實呢，Elaine都有同我傾過，話發現自己好似鍾意咗Alvin。」
「有得發現嘅咩，鍾意就鍾意架啦……」Hero馬上插過嘴來說。
可是卻隨即被Grace打斷了說話：「你都知Elaine同Alvin中四個陣喺點架啦！佢哋一直都保持好朋友嘅關係，即使日久生情，都唔會第一時間發現到，因為已經慣咗對方嘅……存在。」
Grace在說著最後一句時，瞄了Zack一眼。
不過，Leo隨即也發言：「我諗Alvin都應該知道自己比三個女仔鍾意緊啦，而佢又話覺得煩惱，咁點解唔索性喺三個入面揀一個，然後同其餘兩個斬纜？」
「啱啊，即使話Mandy同Elaine喺同班同學，可能斬纜完會覺得尷尬。但喺睇下我哋班都有兩個釐清翻關係之後，都仲喺keep住咁friend嘅例子啦！」
Hedy接上Leo的話，然後指向了Harriet及Eve。
於是所有人也一同把目光放到他們二人身上，可是卻發現……
Harriet及Eve還在牽著手。
「欸……情侶任務可以唔洗做住架……」Merlin立即說。
而Harriet及Eve也接著一同低頭看著彼此還牽著的手。
「啊！喺……喺！唔洗拖住！」
二人迅速散開了彼此的手，然後一臉腼腆地看著其他人。
使得氣氛頓時變得尷尬起來。
不過，Charlotte似乎沒有打算理會Harriet二人，而是把話題帶回來。
「要揀嘅話，我諗Alvin都應該會揀Venus啦！因為我聽Venus講，Alvin都會主動攬佢錫佢，明顯就喺鍾意人啦！」
「估唔到侑仔咁進取喎！」
「的確Venus同Alvin嘅關係喺耐啲。」
「你哋記唔記得Venus入院個日，Alvin成個人灰哂。」
其他人隨即也討論起來。
但是沉默已久的Jack及Ingrid二人，也在大家討論著阿侑與Venus時說：
「唔喺喎……今朝買嘢個陣，我同Ingrid都見到Alvin同Mandy喺超市到拖住手。」
「喺啊，大家要知道個陣喺未有情侶任務架喎！」
而剛剛還討論得興高采烈的其他人，聽完Jack的「爆料」後。
馬上肅靜起來，並瞪大眼睛看著Jack二人。
彷彿在透過眼神查問「此話當真」。
然而，Felix也加入說：「其實……之前同Alvin仲有Elaine去OP玩鬼屋個陣，我都見過佢兩個拖手，不過我扮睇唔到咁解。」
「你做咩依家先講啊？唔好留到拜山先講？」Devin馬上回應起來。
對於接二連三的「爆料」，部份人也隨即感到難以置信起來。
而Kelly也在大家再次沉默之際再說：「估唔到侑仔真喺同時一腳踏三船……」
「如果Alvin真喺咁，其實對Mandy佢哋三個女仔都好唔公平。」Daisy接著說。
可是，正當大家又隨即再次陷入沉思時……
一直沒有發言的Dan，也終於開口說：
「我知道點解Alvin會變成依家呢個一腳踏三船嘅處境。」
其他人頓時望向了Dan，並問：「點解啊？」
Dan則是先嘆了一口氣，然後就分別望向Francis及Rita問：
「Francis、Rita，你哋仲記唔記得Ivy啊？」
「記得啊，中二個陣無啦啦退咗學個嗰女仔。」
「記得，但做咩無啦啦提起佢？」
Francis與Rita一同說道。
「其實Ivy嘅退學喺同Alvin有關，而正確嚟講喺因為Alvin傷害咗佢嘅心。」
「有多少人，能真的面對自己的過去」
作者閒聊：當你以為暑假篇只是Mandy線的一部份時，阿侑的過去也即將揭曉。