[愛情][校園]《你好，我只是你的好朋友》【劇場版：只屬我們的回憶】開始連載: 番外篇L：一切的開端

番外篇L：一切的開端
 
我Laura又出現了~
還是在主線故事開始吊人胃口時，突然又加插了我的番外篇。
我想讀者們肯定會在想作者一定又是偷懶著，不想想主線劇情了……
但因為現時Venus人氣一向都很高，而考慮到Mandy的戲份又逐漸迫近。
我們的Elaine現在的處境實在有一點不堪入目了……
因此我才會再次出現，並為大家揭曉一下這篇故事部份的開端。
從而讓Elaine扳回一城吧~
 




「喂，Laura，你又同邊個WhatsApp緊啦？」Rita在我的一旁問道我。
現在是學校的暑假，因此Rita今天都邀約了我一起去逛街。
聽她說，她今天逛街的目的是想為她暗戀著的男生購買生日禮物。
而當初我聽到她的目的時，心裡就是想著：「都仲未一齊，買咩生日禮物呢。」
但Rita當然與我不同，她是打算追求著一段正正常常的感情關係。
才不會像我一樣，同時一腳踏多船……
 
「無啊，同緊高我哋一form嗰個編輯部副會長傾緊計……」我一邊回覆著訊息一邊回答她。
「咁快就轉咗個啦……唔怪得放暑假前七月份校報都見到你登報啦。」
她對於我又更換了「男朋友」一事，並沒有感到丁點驚訝。




 
畢竟Rita都一早就知道，我就是一個經常一腳踏多船的人。
而她還繼續與我做著朋友，已經可以說是奇蹟了。
 
「之前管樂團嗰個師兄呢？」她又好奇地問道我。
「嗰個飛咗啦，反正佢都畢咗業，喺佢身上已經無利益可言。」
我知道我這樣說，就像把對方當作了是玩厭了的玩具一樣。
不過這本來就是真正的我了……
甚麼清純鋼琴少女，都只是其他人為我配上的虛有其表幻想而且。
 




「龔欣琪，你咁樣唔得架喎！」
Rita直接叫出了我的本名，看來又想與我說教了。
她接著說：「我都知你自細屋企就咁教你，但喺你已經大個架啦，唔洗再信屋企個套架啦！」
這句話從她口中都不知道聽過了多少次……
 
「你都知我淨喺阿爸都轉過三個架啦……我都想改，唔想好似阿媽咁，但有啲嘢，唔喺話改就改架啦！」
我終於放下了手機，並看著她說道。
始終我都知道Rita是真心為我著想的。
 
「可能遲啲你會遇到一個令你真正決心會去改嘅人呢！」她笑著與我說。
而從她閃閃發亮著的雙眼就彷彿如同看見了希望一樣。
 
「可能第時真喺會遇到個啦……不過應該喺等我status A380之後啦，哈哈。」
我一同跟著她笑起來說。
始終我覺得這件事會發生的機率，應該比我中六合彩頭獎的機率更低……




 
接著，我與Rita走到了一間文具精品店。
於是我們便走了進行看一看有沒有合她心意的生日禮物。
 
而當Rita蹲下挑選著一些飾物時，她問道我：「話時話啦，我有件事想問好耐……」
「想問咩啊？」而我則在她一旁好奇地問道。
 
「我之前聽社服個師姊話，以前見過你同Elaine個ex喺OP出現，而且仲喺拖住手……」
她停止了挑選，並站起來看著我說。
「Elaine個ex……？」但我反而是一時三刻想不想她說的這個人是誰。
畢竟在我腦海中有太多的人名了。
 
「運動會推Elaine落樓梯嗰個啊！好似叫咩Raymond？」
她都明顯思考了一下對方的名字才回答我。
 




而聽到「Elaine個ex」、「Raymond」、「OP」這些字眼後，我都一同思考了一會，並在我大腦中不斷試圖尋著相關的記憶……
 
「哦！話劇嗰個狗公！」很快我都回想起了。
「狗公？」Rita聽到我的形容詞後，都同時表現得相當疑惑。
 
「佢都算狗公啦！我哋中三個陣，佢咪同Elaine一齊緊嘅，然後我為咗想多啲老師識得我，於是就搵佢呢啲學校風雲人物yo兩嘢……點知佢轉個頭就話鍾意咗我喎！真喺笑鬼死！」
我說著的同時，都忍不住開始笑了出來。
但Rita的樣子則是告訴我，她有一點理解不了我的說話。
於是我只好再向她詳細解釋一下……
 
「我哋中四開學未聽傳聞話喺條狗公喺話劇學會到搭上咗個form 2妹妹先會搞到Elaine要同佢分手嘅……其實真正版本唔喺！」
我試圖解釋一下事件的來龍去脈。
「咁真正版本喺咩啊？」她樣子繼續有點理解不能地問道。
 
「真正版本喺……條狗公竟然夠膽死喺七月同我表白，然後話要瞞住Elaine同我拍拖……咁你知我來者不拒架嘛，所以咪應承佢囉。然後喺中四開學無耐因為我生日，OP有得free一個再半價一個，所以佢就同我去OP玩，點知傳聞因為個日我著個套衫同嗰個佢一直都有flirt開嘅form 2妹妹有套衫一模一樣，所以啲人就以為條友喺同個form 2妹妹去！諗翻起都真喺笑鬼死我，哈哈！」




我解釋著的時候，一想起那時的傳聞，又忍不住笑了出來。
 
「原來搞散Elaine嗰個喺你，唔喺嗰個form 2妹妹……搞錯啊你！」
Rita皺起眉頭看著我說，似乎她是有一點不滿了。
 
「我真喺無意架……咁後來同Elaine一班，而且同佢熟悉咗之後，其實我都有啲對唔住佢……所以我都有即刻同條狗公分手，點知條狗公之後真喺再搭上翻個form 2妹妹。」
我繼續說道，但似乎是一絲悔意都沒有。
而Rita都只是繼續用著不滿的眼神看著我。
 
我只好再繼續說：「唔喺啊，你諗翻如果唔喺因為我，Elaine都唔會同個狗公分手，Elaine唔分手都唔會搭上Alvin啦……應該話反而喺我幫咗Elaine物色咗一個boyfriend -able嘅好男仔啊！」
 
「但最弊你搞到嚟緊Alvin中五會好慘呢……你唔好記得Mandy嚟緊會翻嚟讀中五，仲好似已經喺揀咗入我哋班架……」
Rita嘆了一口氣，然後說道。
而她這樣一說，我都立即想起了還有Mandy的存在。
 




「可能嚟緊佢哋三個嘅相遇，將會喺上天比Alvin嘅考驗呢……我哋唔好理啦，去食雪糕先啦！」
接著我說完後，就拉著Rita離開了精品店。
而被我拉著的Rita在聽到我前一句時，都忍不住向我反了一個白眼。
 
Alvin，看來中五你要加油啦~
 
 
「一切的起因，總是會令你意想不到的」