[愛情][校園]《你好，我只是你的好朋友》【劇場版：只屬我們的回憶】開始連載: 三十九：道歉
第三十九章：道歉
「到底咩誤會啦？」
與我一同走著樓梯的Venus，在一旁問道。
我與她二人正在追趕著剛剛急步離開的依玲及Felix二人。
因為Venus的突然出現及Felix的誤導性發言，使依玲應該完全誤會了Venus是刻意來到我們課室門口找我一齊前往禮堂參加話劇學會的。
今早才剛與依玲纏繞完有關我與Venus的關係的話題。
我都已經與她說明清楚了我並不是喜歡Venus。
但女生就是這樣的……
即使你說明了真相，她們仍然會對你半信半疑。
然後心裡仍然想著要去拆穿那些她們認為是虛偽的真相……
「Elaine佢……佢以我鍾意你！」我在一邊走著樓梯時，與Venus說道。
「吓？唔喺啊嘛？佢吃醋啊？」Venus在一旁回應。
但她的回應令我有點出乎意料。
我的預想她是應該會立即否認「我喜歡她」一事……
但她並沒有否認，反而是認為依玲在吃醋。
她又在想著甚麼呢？
就在這時候，我終於走到了一樓。
然而，竟然看到依玲與Felix二人都一同站在了樓梯前方。
「Elaine！你聽我講……喺……喺誤會嚟！」我有點喘氣地說著。
「我知啦！原來喺Felix條友講啲唔講啲！搞到我仲咁快走落嚟！」
依玲皺起了眉頭向我說。
「怪我囉！你自己一嘢就衝出嚟，仲扯埋我走。」Felix在一旁立即反駁她。
而這時候，Venus都從樓梯走到了一樓。
她看見我們三人都站在這裡後說：「咁齊人嘅？誤會解開咗啦？」
「對唔住啊Venus……啱啱Felix講啲唔講啲，搞到我一支箭就衝咗出嚟……」
依玲走前了一步，並向Venus道歉。
但她是沒有打算向我道歉嗎？
「唔緊要啊！你誤會都唔奇……始終我同Alvin又住埋同一區，翻學放學成日都會撞到，同埋我哋又傾得埋，跟住依家佢又比呂老師委派做我嘅戲服設計師……所以你會誤會都好正常啊！」
Venus立即「安慰」了一下依玲。
但總感覺她的說話內藏玄機般……
「你都知道咩事啦……」反而依玲有點更不好意思地說著。
「我知啊……所以你真喺唔好咁介意我同Alvin行得埋啊。」
Venus再說道。
但總感覺她是在向依玲承認著，她與我的關係是非一般的要好。
「哇！宣戰啦。」Felix小小聲地在我旁邊說。
「你引起戰事仲唔收聲！」我立即打了他的肩膊一拳。
若果不是他剛剛的「刪減版」說話，都不會害我要跑樓梯追趕依玲。
然後在依玲與Venus還在交談著時，我看了一下手錶。
發現時間已經不早了，於是便插過嘴來說：
「誤會化解咗就算啦……我哋快啲去禮堂啦！遲到架啦！」
「喺喎，都差唔多夠鐘啦！」
「要行啦咁！」
她們二人同時說著。
接著，我們四人就一同朝禮堂的方向走去，準備參加今天的話劇學會活動。
幸運地，誤會總算是成功化解了……
------------------------------------------------------------------------------------------------------------
「Alvin Boy！Venus件costume進度如何？」
呂老師在休息時間時走向我問道。
「進度良好啊！前日先攞咗啲布料，嚟緊就會開工整！」
我與他交代了現時戲服的進度。
「Great！我期待件costume嘅成果！」
呂老師拍了一下我的肩膊後，就走回了台前。
在呂老師離開後，我就從背包中拿出了一來筆記簿。
並翻開到畫著Venus的戲服設計圖的的那一頁。
然後再重新檢查一下設計圖有沒有甚麼地方需要再修改。
「哇！呢件就喺Venus件戲服啦？」
此時，依玲從一旁探頭偷看了一下我的筆記簿並說。
「啊，喺依玲……喺啊，喺佢個角色「紅心女皇」嘅設計圖。」
我向她展示了一下筆記簿目前的那一頁，並再翻到後續的頁數讓她繼續看。
「哇！我都喺第一次睇你畫嘅畫！」她在一旁說道。
然後身子開始慢慢地靠近我。
此刻，我與她都是近乎貼近著對方的手臂。
但可能與她經歷過數次的近距身體接觸，因此我都沒有刻意縮開。
只是在我們繼續看著我的筆記簿時……
「阿侑……」她突然叫了我的名字一聲。
通常她這樣叫了我的名字後，沒有馬上接下去的話，都是有些難言之隱。
「做咩啦？」我看著她說。
「啱先我咁樣喺班房一嘢走咗去……對唔住啊……」
她終於向我道歉了。
「頭先一行出門就見到Venus喺到，然後Felix又話佢喺嚟搵人……所以我即刻就以為Venus喺嚟搵你……然後突然覺得你今朝同我講個啲嘢都喺假……所以先會一嘢就走咗去……」
她小小聲地與我說著剛剛的事情。
「哦……好小事嚟！咁個誤會都化解咗啦……所以唔洗再擺喺心入面架！」
看見她道歉後有一點低落起來，使我馬上試圖安慰一下她。
「我成日都咁任性，你會唔會唔想再同我做好朋友？」
她又繼續問了我一些關於「好朋友」關係的問題。
我聽到後，把手上的筆記簿合上，然後看著她說：
「如果因為你任性就唔想同你做朋友，咁我呢個人都更加唔值得做你朋友啦，喺咪先？」
「你嘅意思喺？」她好像有一點不明白我的說話。
「我意思喺我同你做朋友唔只喺單純取決於你嘅性格……而喺發自內心會想同你做朋友。」
我嘗試用更簡單的方法來向她解釋著。
而依玲聽到後，都思考了一會，然後再看著我說：
「其實我唔知點解……呢排成日都好驚你會突然唔想同我再做朋友咁……」
我聽到她的說話後，反而感到有點疑惑。
於是立刻問道：「點解你會咁諗啊？」
「因為近排我聽到Charlotte佢哋話你同Venus行得好埋……然後同Dan傾開，佢就話可能因為你喺厭倦咗我，所以先同其他人行得埋……」
她有點吞吞吐吐地說著這番說話。
但我只聽到的就是……Dan說甚麼甚麼之類！
「又喺Dan……」我忍不住說了出聲，而且還是嘆著氣說。
「講起Dan……話時話做咩呢排你同佢好似好不和咁？」她問道我與Dan的事情。
雖然我知道事情的真相，但我才不會直接回答她是因為「Dan喜歡你」才會使我們二人不和的……
「唔知佢喎……無啦啦呢排成日喺到針對我！」我非常不岔地說。
但其實有一部份都是因為我刻意向他「反擊」才會這樣的。
「Dan都有少怪怪地嘅……當我一提起你，佢就起哂槓咁……仲成日叫我唔好同你行咁埋！」
她瞪大著眼睛看著我說最後的那一句。
「咁你有無唔同我行咁埋啊？」我直接反問她。
對於Dan針對我一事，我基本上已經沒有甚麼話好說了。
他想追求依玲我不會阻止，但是請不要在過程為了排除其他威脅而處處針對人。
「緊喺無啦！我哋喺好朋友嚟架嘛……」她又沒有把話說下去了。
「我哋喺好朋友，咁之後呢？」我追問著她的後續。
而她此時就看向了舞台上，然後說道：
「所以你唔好比其他人取代咗我。」
「雖然我們不能在一起，但我都不准許你離開」