[愛情][校園]《你好，我只是你的好朋友》【劇場版：只屬我們的回憶】開始連載: 番外篇R&???
番外篇R&???
這次的番外篇分為兩篇，另外「???」是為了保持神秘。
番外篇R
先自我介紹一下，我是Rita，是Alvin的同班同學。
相信大家都知道我與Alvin是由中一同班結識到現在的。
因此，基本上我與他的熟絡程度都是非常之深。
而且我更是少數知道他與那個人曾經交往過的人，不過那已經是過去的事了。
但過去發生過的事，並不代表在未來不會再次發生……
時間回到學校正在放聖誕假期時。
有一天晚上我刷過牙後，跳到床上玩著手機時，突然接收到了一個來電……
而我更發現對方是使用WhatsApp通話來打給我的。
於是我便查看一下那個來電顯示上的頭像……
原來是我熟悉的人，我馬上便接聽了這個來電。
「喂？做咩突然打比我啊！」
我一接聽後，就聽到了對方的問候。
「你未瞓咩？我哋呢邊都已經十一點幾……你個邊仲快兩個鐘，成點架囉。」
我問道對方為何會選擇這麼晚才打電話給我。
而對方就回答我說因為今晚瞓不著，所以突然想打給我聊天。
畢竟我們都接近五個月沒有見面了。
「唔阻啊，我都未瞓。依家又放緊假，可以同你傾到聽朝添。」
其實對方會突然找我聊天，反而使我更興奮起來。
接下來，我們便聊了一些我現在中四就讀的班別及科目等等的話題。
「我依家仲同Laura、Dan仲有Francis同班啊……當然仲有Alvin啦。」
我開始聊到其他與我一同升到同一班中四的初中同學們。
而對方都立即問道他們的現況。
「Laura幾好啊，聽講嚟緊有個知名樂團想請佢做鋼琴手。而Francis都喺咁嘴賤，依家仲同班入面有個叫Jack嘅人做咗嘴賤二人組。至於Dan升咗上嚟之後就怪怪地咁，成日喺到撩女仔傾計……已經有幾個女仔比佢R完水吹之後，就走嚟問我，佢以前喺咪咁flirt……」
我向對方簡單說了一下現在Laura、Francis及Dan的現況。
但我想對方其實只是想打聽某一個人的現況而且……
「其實你都喺想知Alvin依家過成點咋嘛……喺咪先。」我很直接地問道對方。
但對方沒有回答我。
「其實Alvin依家過得都唔錯啊，識到班好同學，仲會成日同佢哋打機。而且依家佢仲要升咗做棋藝學會嘅副會長，超勁……同埋，佢今年仲入埋話劇學會！」
我向對方盡量詳細地報告了Alvin的現況。
但當對方聽到Alvin加入了話劇學會，感到非常驚訝，使立即追問我原因。
「好似喺同班有個女仔叫佢一齊參加……之後佢就參加咗啦。」
我把Elaine拉攏Alvin到話劇學會的事說出來，但當然沒有與對方提及Alvin與Elaine現在的關係。
而對方都立即詢問Elaine到底是誰。
「你記唔記得中三個陣「校園風雲人物」入面個pair公開情侶啊？個女仔就嗰個女朋友，不過佢哋已經分咗手……聽講喺個男嘅偷食。」
我連Elaine與Raymond的事都一併與對方交代，以防對方想太多了。
但對方仍然繼續追問著我關於那個女生的事。
「我都有問過Alvin啊。佢話自己有分寸……但喺你咁緊張做咩呢？」
我會這樣說是因為對方在我剛剛提及了Elaine攏Alvin到話劇學會後，就開始變得有點激動起來。
而對方接著都回應了我一些東西。
「呵！依家啲人想反悔啦……覺得當初做錯選擇啦！」
我用著嘲笑的口吻與對方說。
對方都立即反駁起來。
「扮啦你，分明就喺……」
在我打算繼續說下的時候，對方突然搶先與我說了一些事情……
「吓？真架？你話二月會翻嚟香港，而且會做翻入學申請！？」
我對於對方剛剛所說的說話感到很驚訝。
但這時候我心裡已經在想著：「呢舖班房仲唔變修羅場……」
--------------------------------------------------------------------------------------------------------------------------------------
番外篇???
今天是學校的運動會。
雖然全校師生都外出了到運動場進行活動，但學校的校務處仍然是正常開放的。
然而在校務處裡的會客室，就有一對母女正在坐著。
「唔喺你話唔慣澳洲個邊嘅學校，都唔會比你翻嚟香港讀。」
母親正在對著她的女兒嘮叨起來。
「媽咪啊！我哋又唔喺移民……喺爸爸要過去公幹兩年咋嘛。其實一開始就唔洗帶埋我過去啦！」
少女立即反駁其母親。
而當那名母親打算繼續嘮叨時，突然校務處的職員走入了會客室。
她們兩人都立即安靜起來。
接著那名職員把一些文件放到了兩母女的前方並開始說：
「家長啊，我啱啱都打咗比校長，佢話因為見令千金個情況都比較特殊，所以想之後都再次會見一下你哋兩位。」
「咁今個星期內得唔得啊？因為下個星期我就要飛翻過澳洲。」那名母親說。
「你要飛翻澳洲？咁令千金呢？」職員都很好奇地問道。
「佢之後都會過姨媽到住，所以監護人都會改做喺姨媽。」母親立即補充。
而此時那名少女就閱讀著剛剛職員所放下的文件並說：
「姐喺如果我自修完而且做中四下學期考試份試卷又合格，咁我就可以唔洗重讀中四，就直接讀中五？」
「喺啊！呢個喺我哋學校獨有嘅政策……咁睇翻同學你之前在校嘅成績都喺全級頭二十名以內，所以我諗對你嚟都唔喺個大難題。」
職員很快就回答了她。
「咁唔怕啦，佢不嬲都咁醒，要升翻上中五實無難道。」
那名母親開始沾沾自喜地誇獎身旁的少女。
「咁如果無咩特別問題，你哋可以拎埋呢啲文件翻去睇。我哋會喺呢兩日內覆翻個電話比家長，睇下校長幾次想約見你哋。」
說完後，職員就把桌上文件整理好並放進了一個文件夾，然後遞到了母親的手上。
接下來，兩母女就在職員的護送下，走出了校務處，亦即是禮堂的外面。
當少女打算離開時，那名母親突然叫停了她。
「你等等，我打埋個電話比阿姨先，話我哋依家過去。」
接著母親就把剛剛的文件夾收到手袋裡，並拿出來了手機撥打著電話。
那名少女便自己走到了禮堂門口的附近，觀看著門外的壁報版。
此時，她留意到自己正在看著的壁報版是屬於話劇學會的。
而上面貼上了幾張聖誕聯歡會時話劇學會的演出劇照，以及有一張台前幕後所有成員的合照。
少女看著那張合照，並伸手摸著照片並小小聲地說：「如無意外，我哋好快會再見……」
就在此時，剛剛那名校務處職員突然從校務處走出來，並呼叫少女：
「你哋未走就太好……同學啊，原來我哋唔記得咗記低埋你個英文稱呼。你可唔可以講比我聽啊，方便之後同教過你嘅老師好詢問有關於你嘅情況。」
少女聽到後，便轉身向職員說：
「Mandy。」
「再見，是再次相見」