[愛情][校園]《你好，我只是你的好朋友》【劇場版：只屬我們的回憶】開始連載: 十三：承諾
第十三章：承諾
「你琴日做咩咁夠膽串Raymond啊？」
在前往學校的路途上，Venus問道我。
我猜想我昨天的那一句「依玲的EX」說話確實刺激到了Raymond。
「咁佢喺Elaine個EX啊嘛，我無講錯啊。」
我向著Venus擺出了一個「不關我事」的樣子。
「琴日搭車未同你講話佢走翻入後台之後，喺到發哂脾氣嘅……原來仲有後續！佢跟住夜晚走咗去WhatsApp Poppy問關於你嘅嘢。」
Venus說完後便看著我，應該是在等我給反應。
「問我啲嘢……起我底啊？笑死。」我忍不住嘲笑了一下。
「唔知佢啦……不過依家成個學會除咗個班低form妹妹之外，都無乜人鍾意佢，邊到叫佢一年比一年囂……」她嘆了一口氣。
「你好似有啲嘢想講喎。」
我感到她好像話中有話，還有些東西想說般，於是嘗試追問一下。
「有架，不過遲啲有機會先再同你講。」她用著平淡的語氣說。
「咁都比我估中……」
竟然被我猜中了，我立即驚訝地看向她。
「轉燈啦，快啲過馬路啦！」
此時交通燈也亮著綠光，她走到我背後並一邊推著我的書背一邊催促著我過馬路。
我只好無奈地被她推著過馬路。
------------------------------------------------------------------------------------------------------------
回到課室後，我發現今天依玲沒有比我還早回來。
於是我走到了Sherry的桌前，並問道正在把書本放到抽屜的她：
「今朝Elaine未翻到嘅？」
Sherry把最後一書都放置好後，便對著我說：「喺囉，我都覺得奇，明明呢排都有Dan叫佢起身，所以日日都會早啲翻，唔知佢今日搞咩。」
說起來，我都差點忘記了Dan還有在叫依玲早上起床……
「喂！Sherry！」
一說曹操，曹操就到。Dan剛剛好回到課室並直接呼叫了Sherry。
「你知唔知Elaine琴晚做咩啊？琴晚覆我已經覆得好疏，之後甚至唔read我message……今朝打去叫佢起身，但佢仲要喺熄咗手機！」
Dan很不岔地向Sherry申訴著……
等等！他們昨晚都在互相傳送訊息？！
但這都不關我事，反正這都是他們的私事罷了……
「佢會唔會喺姨媽到燥底所以唔read你啊？然後順勢熄埋手機啊？」
Sherry非常平淡地回答著Dan。
不愧是與依玲同班了三年的人，彷彿已經看透了依玲的所有習性。
但Dan仍然很焦急地向Sherry問三問四。
避免好像我在旁邊偷聽他們的對話，我還是回到了自己的座位上安置好書包。
正當我剛回到座位不久，依玲就從門口走進了課室。
Dan0看見後便立即衝上前詢問依玲剛剛那些問題。
但我離遠見依玲的樣子就像昨晚睡得不好一樣，沒有甚麼精神似的。
面對Dan機關槍式般的問題，她只回答：「我琴晚有啲唔舒服，所以好早瞓咗。」
「唔舒服？邊到唔舒服啊？洗唔洗我帶你落醫療室抖一抖？要唔要我一陣午息買啲藥比你？」
Dan仍然一連串地向依玲提問……
「Dan夠啦！你唔見Elaine個樣好攰架咩？」
「你仲咁多嗲，無事都比你搞到有事啦！」
「成個班房得你喺到嘈啊！」
「你比人翻去坐休息下啦！」
班房其他女生都忍不住Dan的行為而開始「圍攻」他。
在他被「圍攻」的同時，依玲也趁機走回了自己的座位。
「早啊，阿侑……」她用著一個疲倦的聲音與我打招呼。
聽到她無聲無力的打招呼後，我感到不對勁，於是立即說：「你望過嚟。」
她聽到後，慢慢地望向我並說：「做咩啦？」
「你琴晚喊嚟。」只看了她數秒後，我就直接下定論說了出口。
首先從她疲倦的樣子可以看到黑眼圈有點深，昨晚應該是很晚才睡，或者是睡眠質素不太好。但重點是她的眼袋有點腫起來，眼晴旁邊還可以隱隱約約見到了些紅絲。昨晚絕對是曾經哭泣過。
她沒有否應，只是沉默了數秒後說：「晏啲小息同你講。」
我點了一下頭並回應：「好。」
------------------------------------------------------------------------------------------------------------
「姐喺你話琴日我串完條友之後，條友轉頭夜晚就嚟鬧你，仲講埋啲好難聽嘅說話……條友有無病啊？」
我邊說的同時，很不滿地拍了桌面一下。
剛剛依玲已經把昨晚所發生的事告訴了我。
原來那個Raymond除了詢問Poppy關於我的事外……
更直接發訊息質依玲是不是叫我去嘲諷他，使他出醜。
「佢明知我對佢仲有感情，但竟然仲咁樣講嘢，搞到我喊咗成晚。」
依玲都很不岔地埋怨著。
但明顯地她現在的狀態比今早回復好許多了。
「對唔住啊，因為我串完佢，先搞到佢會無啦啦鬧你。」
始終事件的起因與我有關，我還是先向她道歉。
「傻啦，唔關你事啊，唔洗say sorry……我應該要多謝你添。」
她終於露出了今天第一個微笑。
「點解啊？」我問道。
「因為多謝你幫我出聲……條友自從分咗手之後，成日周圍唱我，之後又話其實我喺到阻住佢同嗰個咩Jennifer發展。事實喺人都知佢出軌，但可惜知情嘅人又因為唔敢同佢作對，所以先成日比佢咁囂張。但你琴日竟然一嘢就挫到佢銳氣，真喺超勁！」
她對著我笑的同時，右手舉起姆指，給了我一個讚的手勢。
「咁我喺你朋友啊嘛，朋友緊喺要互相幫助，有咩事都會幫手企出嚟！」
說完後，我模仿了她，右手一樣舉行姆指，給她一個讚的手勢。
但突然她把她的姆指貼緊著我的姆指。
「依家好似勺手指尾咁，你要承諾我之後都要繼續做朋友，互相幫助啊！」
我雖然沒有回答她，但對著她微笑了一下。
「能夠實現的才是承諾，未能實現的只是取悅」