[愛情][校園]《你好，我只是你的好朋友》【劇場版：只屬我們的回憶】開始連載: 十二：評審
第十二章：評審
轉眼間為期四天的測驗週很快就完結了。
星期六那一晚我與Venus吃完晚餐後都有在一起做了一會數學練習。
那時候我才知道她與我一樣都是學分超過80的「學霸」。
有在再覆習的情況下，星期一的數學測驗對我很說難道不大。
而星期二的通識測驗都能輕易應付得到。
今天已經是星期四，代表課後又會有話劇學會的活動。
在吃完午飯後，我正準備返回課室並躲到暗角處玩一下手機遊戲。
但當我快到課室時，我看見了話劇學會的呂老師正站在門外。
「Hey！Alvin Boy，你翻嚟就好，我有事想搵你。」
呂老師看見了正在返回課室的我。
「呂老師搵我做咩啊？」我好奇地問道。
「有啲Drama嘢想搵一搵你幫手，come！follow me！」
呂老師二話不說就把手放到我的肩膊上並「半強制」地把我帶到話劇學會的專用活動室。
我還是第一次來到這個專用活動室。
裡面擺放了滿滿的服裝及道具，連我上年為他們設計的海盜服也在這裡。
「Surprise！這裡就是我們Drama Club有時開會或者擺放costumes同props嘅地方。」呂老師順勢把課室的燈光打開及從櫃中拿出一個白紅色的文件夾。
「呢個咩嚟架？」我看見他把那個白紅色的文件夾放到我眼前。
呂老師把那個文件夾打開，第一頁紙上面寫著「聖誕聯歡會演出—胡桃夾子」。
「胡桃夾子……喺咪霍夫曼作個套？」
我自小就喜歡看童話故事，所以對大部分童話故事都有一定的認識，包括其作者、故事時間及地點等。
「Bingo！我果然無揀錯人！Alvin Boy，我今次搵你嚟喺想同你預告定我地嚟緊學校Christmas Party個日會演出一套簡短嘅Drama。但因為要簡短，所以同班committee商量過之後，我哋會演出《胡桃夾子》，但喺就會只靠costumes同用少量嘅props。」呂老師邊翻著文件夾上的紙張邊對我說。
「所以就搵我嚟揀服裝啦？」我嘗試猜測一下老師獨自找我來的原因。
「Of course not！老師我唔喺睇少你嘅talent，但太早用到會好浪費。所以我已經搵咗另外Dancing、Fashion同Art Club嘅老師喺一陣Drama Club meeting個陣嚟幫手同我哋啲actor、 actress揀服裝。而我喺想你一陣同我坐埋一齊做一次評審。」
呂老師這句話完全是「天將降大任於斯人也」……
但我又沒有可能拒絕，只可以默默地接受這個「天將大任」。
-------------------------------------------------------------------------------------------------------------------------------------
「所以你就應承咗呂老師嘅請求啦？」
下課後，依玲與我邊前往禮堂邊聊著。
「咁我無理由拒絕架嘛，呢舖真喺天將降大任於斯人也啦。」
我一邊走一邊嘆著氣。
「突然有個新人喺到幫手做評審服裝，啲舊人會唔會唔鍾意架……」
依玲開始替我擔心著。
「唔知架，第一次活動個陣佢已經將我大讚四方啦，要唔鍾意嘅……個陣已經唔鍾意咗啦！」
我又再一次回想起呂老師在第一次學會活動對著我所說：
「He is wonderful！」
想起都立刻顫抖起來。
我們二人邊走邊聊，很快就來到了禮堂。
與第一次活動時相比，現在大家都已經有一定程度的認識。
所以基本上見到臉都會打招呼，但除了Raymond及那個「小三」Jennifer之外。
話劇學會的活動很快就正式開始了。
呂老師一樣用著不同的身體語言先引起大家的注意。
然後就把剛剛午息與我說的話再說一次給大家聽。
我們後台組其他人知道不用製作大量道具，甚至連佈景板都不用而感到非常開心。
接下來呂老師又開始逐一宣佈本次《胡桃夾子》的選角人選。
他先宣佈了男主角及女主角後，就開始宣佈其他人選。
「會同王子有一段雙人舞嘅白雪女王喺……Venus。」
當呂老師宣佈了Venus的名字，我立即看向了她。
在前台組坐著的她聽到自己的名字後，不自覺地用手掩著自己驚訝的表情。
能夠擔任白雪女王一角，連我都為她感到開心。
因為在記憶中，無論書本、動畫還是真人電影，白雪女王永遠都是一個非常漂亮的角色形象。
一想起這些，我就不自覺地笑了起來。
「做咩昅女昅得咁開心啊。」
依玲突然在我耳邊細細聲的說，但明顯這句話明顯是充斥著不滿的。
「無啊，我見Venus有角色做，大家friend嚟，開心下唔好咩？」我立即尋求藉口蒙騙過去。
「啱先Poppy比人揀中女主角又唔見你咁開心？」她完全用著一個質疑的眼神看著我。
「啱先都有笑啦，你睇唔到咋！」我正努力地試圖解釋脫離困境……
在我一邊解釋的同時，呂老師都把整個選角名單宣佈完。
接著他要求所有有角色的學生都走到台上準備。
然後再拍一拍手，幾個老師及年級較高的學生便從後台走了出來。
他們應該就是呂老師找來幫忙的其他學會老師及學生對吧。
「因為我哋今次主打costumes，所以我搵咗其他Club嘅老師同同學嚟幫你哋呢actor、actress配costumes。時不宜遲，let's go change！」
呂老師做出一個手勢後，那些老師及年級較高的學生就帶著其他人走到了後台。
「至於其他唔喺main character嘅同學，副會長Jason會同你哋再細分啲role同開始練position。另外backstage team你哋今日就一樣由Bobo帶……Alvin Boy，你可以過嚟啦。」
當呂老師叫出我的名字後，其他人都立即看著我。
其他人會覺得我突然被老師叫名字並叫到他身旁，肯定是做錯了些甚麼事。
但幸好今天不是，而是一同擔當服裝評審。
當我走到呂老師身旁時，他把剛剛的白紅色文件夾交了給我，並說：
「你睇睇入面第十一頁開始啲圖片，個啲都喺我上網搵翻嚟嘅角色服裝參考圖。」
我照著他所說，並打開文件夾到第十一頁。
上面是一張張該劇主角—胡桃夾子的圖片，有卡通的、有故事書圖畫的、甚至有真人電影的等等……
看來呂老師真的下了少功夫，即使是一部簡短話劇，每一個細節都不可以忽略。
「換好costumes就出嚟啦！」
不久後，呂老師拍一拍手。
第一個走出來的是Poppy。
她穿著一套白色的禮服從後台慢慢的走了出來，並且身邊陪同著一個師姐。
「Alvin Boy點睇？」呂老師用手肘輕輕撞一撞我。
我看了一看台上的Poppy，再看一看手上文件夾的參考圖後便說：
「白色禮服喺好靚，而且會match到聖誕節氣氛……但因為按照故事角色年齡，女主角克拉拉仲喺細路女，所以禮服可能會over咗。但如果喺一條連身裙然後喺腰後面加個蝴蝶結，應該可以更加突顯女主角仲喺細路嘅天真同純真。」
我說完後便看了一看呂老師。
他點一點頭後，便示意那名師姐按照我的說話把Poppy帶回後台再作更衣。
然後下一個走出來的是……Raymond。
他的角色是故事一開始打算捉走女主角的惡棍—老鼠國王。
而他現在穿著的服裝是一套國王服並在頸上綁著一件黑色披風。
從整體角度來看，總是覺的怪怪的。
但當Raymond走出來時，其他沒有角色的台前組成員突然都歡呼起來。
「Raymond你好型啊！」
「Raymond你真喺好似國皇啊！」
他聽到這些誇獎後，立即擺出了一個「Dapping」姿勢。
我不敢直視這個令人尷尬的站姿，於是把頭轉向看著依玲。
然後向著她擺出了一個「Really？」的表情及手勢。
她看到我的表情及手勢後，立即反了一個白眼，擺出了一個「Who care？」的動作。
雖然不太想評審Raymond的服裝，但我現在受呂老師所托。
於是我再轉回看著台上這仍然在「Dapping」的人。
「國皇服配黑色披風完全唔夾。」我看了數秒後便小小聲地與呂老師說。
「Who幫佢配搭架？」呂老師立即質問Raymond身旁的男學生。
男學生被呂老師的一問嚇一嚇，斷斷續續地說：「喺……喺……」
「喺我自己配搭嘅，喺咪so perfect呢。」Raymond沾沾自喜地說出了口，並模仿了呂老師的語氣邊玩弄著身後的披風。
「唔怪得一啲都唔夾啦。」我忍不住說了出來。
「你講咩啊？新仔？點會一啲都唔夾啊？」Raymond明顯被我激怒了。
「首先雖然你喺國王，但你記住你只喺隻老—鼠—。即使個故事只喺女主角個夢，嗰個年代其實鼠疫問題都嚴重，一般人對老鼠嘅印象都唔好。所以女主角先會夢到老鼠作為邪惡嘅象徵出現並打算捉走佢。但最後隻老鼠國王都喺比女主角自己擊退，證明女主角自己都克服咗對當時鼠疫嘅恐懼。所以你著到咁身光頸靚，然後又無啦啦加件多鬼餘嘅披風，喺完全一個唔match。」
我毫不客氣地把整個故事背景及角色心理都解釋給他聽。
而且每當看見他就想起他如何對待依玲，令我更加不滿。
「喂，呂老師！你搵個新仔嚟批評我配衫咩意思啊？知唔知我喺邊個啊？」
他又更氣憤地說，這次更發洩到呂老師身上。
「Raymond Boy，知唔知點解自己永遠都做唔到男主角啊？」
呂老師沒有回應Raymond的問題，而是反問他。
Raymond想了一想後，正想開口回答時。
「因為你太過自滿，又唔入戲，你所有演過嘅Character似你自己多過似個Character。依家人地Alvin Boy同你解釋個Character嘅背景資料，等你入戲啲，你又唔聽，我都知你好想做男主角，但你咁樣我好難揀你做男主角架喎，，喺咪？」
呂老師比他先開口。
「唉，我知我知啦，我聽條新仔講啦，入去再換過啦。」
Raymond很不滿地解開了頸上的披風。
看來「擔當男主角」一事對他來說很重要，呂老師只是提一提，他就變得很「聽話」了。
「你條新仔我會記住你！」
他臨回後台前都還是在盯著我說。
但我不會示弱的，我很快就回應他：
「你一定會記住我架，因為我喺鍾依玲個朋友啊。多多指教啦，佢個……EX。」
「有些事你會特別站出來抱不平，特別是你在意之人的事」