[愛情][校園]《你好，我只是你的好朋友》【劇場版：只屬我們的回憶】開始連載: 九：男生的時間
第九章：男生的時間
「好彩我臨考前再睇多次complaint letter啲格式，唔喺份英文writing實炒粉。」
「完全估唔到佢會出complaint letter。」
「我琴晚仲喺到背application letter嘅格式。」
測驗後，我與其他同學在一間米線店舖，一邊吃著午餐一邊投訴著剛剛的測驗。
回想起剛剛英文寫作測驗時，簡直就是惡夢。
題目竟然出老師只是教了我們一節課的投訴信，出題的老師有夠心機的。
「喂，Harriet啱啱WhatsApp我話佢同阿妹食完嘢翻緊去，一陣可以過佢到打機。」
其中一名同學Felix掃著手機說。
「好啊，反正聽日又喺星期六，仲有兩日比我哋溫數。」
另一個同學Devin在玩著手機遊戲說。
自從班會活動那一晚，我與這班4F的男生都開始熟絡起來。
我們不時會談論一些動漫或是遊戲資訊，女生們可能都會覺得我們宅宅的。
「Alvin你上唔上Harriet到啊？」Felix問道。
「好啊，反正大把時間溫數，過下去都無所謂。」我爽快地回答。
於是我們便快速地吃完午餐後，拉起大隊走到了Harriet的家。
Harriet就住在學校附近，而且還是比較高尚的私人住宅。
踏進去就已經感覺一種另類且高尚的氣質。
「叮噹—」
打開口是Harriet的妹妹，是同校中二的師妹。
「哥！你班frd嚟咗啦。」
「我抹緊地啊，你比佢哋入嚟啦。」
從大屋裡面傳出了Harriet的聲音。
然後他妹妹就示意我進入屋子。
「打擾哂啦。」我們異口同聲地走進去。
「當自己屋企得架啦，音音你溫書驚我地嘈就閂房門啦。」
Harriet走到了玄關迎接我們，並示意他妹妹可以回去做自己的東西。
「星期一先考數，我煲兩日劇，星期日先溫都未遲啦。」
他妹妹沒有等待他的回答就自行返回房間了。
這個「星期一才考，不用這麼快溫書」的說話，我們好像二十分鐘多前才說完。
在Harriet家，我們玩了一會他的PS4及桌遊，不知不覺就已經來到了下午四時多。
我們坐在客廳看著電視播放的兒童節目。
「哇，依家啲兒童節目咁嘅，個女主持著DeepV背心熱褲都出到街。」
Devin拿起了一包檸檬茶邊喝邊吐糟著。
「唔怪得依家啲細路咁早熟，頭先食飯隔離枱啲低form喺到傾AV女優。」
Felix躺在旁邊的沙發上說著。
這傢伙完全把這裡當正是自己的家了。
「啊，咁不如講下學校嘢啊，Alvin你喺咪同Dan好熟？」
Harriet在飯廳抹著我們剛剛吃完汽水的杯子問道我。
「都熟架，我同佢由Form 1識到依家。」我回答。
「做咩突然提起佢？」我再反問Harriet。
Harriet把杯子放回抽屜後，走到了客廳向我說：
「無，前幾日Eve同我講，話Dan無啦啦WhatsApp佢……」
「喺咪問功課咋？」一旁的Devin插嘴。
「我都喺咁同Eve講，Eve初初話Dan真喺問功課，咁Eve好快解答完之後，Dan又開始喺到搵話題，好似唔想佢哋個對話咁快結束咁。」Harriet繼續說。
「會唔會Dan睇中咗Eve啊，你知Eve細細粒咁幾吸引，個陣我哋Form 3都成日有師兄想溝佢架啦。」在沙發躺著的Felix坐了起來說。
「但喺過兩日，Kelly又同我講話，Dan喺到同佢R水吹喎。」Harriet再補充。
「又細路女、又大姐姐……條友咁雜食嘅。」Felix在一旁諷刺著。
「所以我先想問下Alvin，Dan以前份人喺點。」Harriet說完後，他們三人便一同看著我。
突然被他們三人盯著有點小錯愕，我只好把這三年來對Dan的印象說出來。
「他幾平易近人架，好識講說話，又識玩音樂，而且……」
當我打算再說時，我停頓了。
我回想起星期一時依玲的說話，就算當時課室很吵鬧，我聽不到她說甚麼，但根據她的嘴型，我就猜到了她是在說……
「而已又好識氹女仔。」
此刻空氣如同靜止了一樣，我們都沒有說話。
「姐喺典型嘅playboy啦。」Devin第一個開口說話。
「佢喺dry咗啲，未去到playboy嘅。」我立即否應Devin。
雖然Dan是比較外向了一點，並與女生又能保持非常友好的關係。
與他相處了三年的我，認為他不會是那種會玩弄其他感情的人。
「個晚班會，見佢走去逐個女仔餵棉花糖，之後又不時坐去呢個女仔隔離傾計，然後又坐去第二個女仔隔離傾計，當正我哋班仔唔存在咁。佢以前喺咪都喺咁架？」Felix都忍不住開口問。
在我腦海中，中一至中三時的Dan出席活動時都沒有像上次班會活動一樣，只顧著與女生互動。
中一至中三的他非常熱衷於我們男生們的玩樂……
「佢的確有啲唔同咗……」我都不甘說出了口。
「唔理佢以前喺點，依家喺點，人喺會變嘅。我都唔喺想怪責佢周圍搵女仔R水吹，反正都喺佢自己嘅事。有人願意落踏嘅，都喺嗰個人嘅事。」
我們都沒有說話，沉思了一會……
「話時話今晚我阿爸阿媽唔翻嚟，我哋兩兄妹一陣會嗌Pizza，邊個都留喺到食啊？」
Harriet見氣氛有點凝重，於是決定了結這個話題，並轉移話題到今晚的晚餐。
「我留！」我們三人都同時舉起手，就像小學生鬥快答問題一樣……
-----------------------------------------------------------------------------------------------------------------------------------------------
「喂，家姐啊，我今晚唔翻嚟食啊，你自己嗌外賣啦……咩話？你問我喺咪同女朋友食？女咩朋友啊，那有女！唔講啦，你自己搞掂啦。」
我在玄關打著電話向我姐說我今晚不會回家吃飯。
我們兩姊弟平時的對話就是這樣似問非問、似答非答的。
「叮鈴—」
正當我打算走回客廳時，手機響起了訊息鈴聲。
我馬上看一看是誰找我……
是依玲發訊息絡我。
「阿侑！！！聽日得唔得閒啊？」
她仍然是在線上，是在等我回覆嗎？
「聽日無嘢做得閒啊」
我回覆後，訊息旁邊立即變成藍色雙剔，果然是在等我回覆。
「聽日可唔可以出嚟教我數啊？」
「我好多都唔識，咩sub咩into，我唔識啊QAQ」
她一次過傳來了兩個訊息，還有一個哭泣圖案。
「竟然……」
「我ok啊，你想約幾點？」
反正明天很閒，教她數又可以順便當溫習。
「我約你朝早11點啦」
「地點晏啲再同你講」
「謝囉>v<」
又是一個表情圖案。
「好，咁聽日11點見啦，CU」
隔了一會，她雖然仍然在線上，但沒有回覆我……
「覆緊其他人？」我直接說了出口。
我突然回想起剛剛Harriet的說話。
於是立即點開與Dan的對話，並看一看他名字下的上線狀況是甚麼……
是「在線上」！！！
不會這麼巧合吧？
兩個都在線上……
一定只是剛剛好，一定只是巧合。
我不斷自我安慰著，並立即把手機收起來返回客廳。
「Alvin你打完電話啦？過嚟啦，我哋討論緊男人嘢。」Felix在沙發向我招手。
「傾咩男人嘢？」我邊說邊坐到旁邊的沙發上。
「我哋討論緊呢級邊個女仔最靚……」Devin直接說了出來。
「Alvin你覺得呢級邊個最靚？」Harriet問道。
這刻我腦海中閃現出一個人……
那個人是……
是Venus？
「你很在意她，即使她只是下線了五分鐘，你都會感覺她已經下線了五年」