男神呢個稱號令我食左唔少女(有甜）: 分手

梓恩：「好啦喎你，你到底仲有無當過我地係你女朋友架？日日不斷係到玩女仔。」佢同Tracy係間餐廳到審問緊我。

Tracy：「你係咪因為佢地嘅離開而搞到自己仲係好自責呀？雖然我地係嬲，但係我地更加擔心嘅係你精神狀態。」

我：「對唔住，我已經唔再愛你地啦，我地都係分手啦。」我係銀包拎左兩張一百蚊擺係張枱到然後拎轉頭準備走。

行到去餐廳門口我就比梓恩捉住左，我用力鬆開佢，搞到佢唔小心趺左係地下，而我望都無望過去佢點樣就繼續走。

路人：「你仲係咪人黎架！！！整趺個女仔都唔睇下佢點就走！！」周圍嘅人不斷係到屌我，但係我扮聽唔到。



你地估我想咁絕情？你地估我想講分手？你地估我想講唔愛？你地估我想講再見？你地估我想咁仆街？你地估我想咁人渣？你地覺得我有得揀？

分手再痛，都痛不過見到自己心愛嘅人因為自己而死。我已經，唔想再見到任何一個愛我嘅女仔而死。我只可以絕情啲令佢地唔再愛我。

行到學校之前，佢地都無再追過黎，我返到課室就一個死人樣咁，撲左係張枱到，咩都唔想諗、咩都唔想做、咩都唔想講。

阿彥：「做乜柒呀你又？好耐無見過你咁樣啦喎，上一次見你咁都已經係中一個陣。」佢坐左係梓恩個位到。

我：「我無事喎，只係有啲攰，所以咪抖下囉，無野發生喎。」



阿彥：「扮撚哂野啦你，係咪同佢地發生左啲咩傷心野呀？屌你唔好再收收埋埋啦柒頭。」

我：「我頭先同左佢地講分手。」

阿彥：「點解？因為你唔再愛佢地？」

我：「唔係...只係...我打破唔到我嘅宿命...所以我只可以咁樣做去保護佢地...」

阿彥：「其實你有無諗過，點解佢地知自己有機會會死，都仲要去同你係埋一齊？」



我：「無...可能佢地夠傻掛...又或者...佢地一早就已經想死囉...」

阿彥：「梗係唔係啦柒頭，不如我問你一個問題，如果愛一個人但係要死，咁你仲會唔會去愛？」

我：「會呀，因為「生存 就這麼 愛到死 很足夠」囉，反正人都會死，咁不如黎一場美好嘅愛情先再死。」

阿彥：「咪係囉，愛一個人就係連自己條命都可以比左佢，佢地一直都無驚過死，而且唔係你叫佢地唔愛，佢地就可以唔愛。」

我：「你又有無諗過我？我已經....親眼見過幾次佢地係我面前而死...我好自責...你明唔明白？」

阿彥：「唉我都唔知呀，如果你覺得咁做可以解決到嘅話，我點都會支持你嘅。」

講完佢就行返埋位，我望一望個時間表先發現原來都差唔多要考試，雖然我一直都係Hea考，不過宜家考唔考都無咩所謂。

曾經有人講過，如果想忘記一樣野，就要搵到一樣野去代替佢，而我亦都搵到，就係溫書。



於是我係考試之前一直去自修室到溫書，我之前係無去過自修室，直到宜家去左我先發現自己之前錯過左好多野。

自修室係好撚多靚女，我真係估唔到最多靚女集中嘅地方原來唔係酒吧，居然會係自修室到，真係令我喜出望外。

而且佢地仲要係幾個女仔一齊係到溫書，好有讀書嘅感覺，相反我就變到睇女多過溫，但係我好慶幸自己無去錯地方。

不過我都有專心溫一陣嘅，溫溫下嘅時候，原本我隔離左邊個位係無人，跟住我用眼角望到有個女仔坐左係到。

但其實宜家自修室係仲有好撚多位，佢坐得黎呢到一定係有啲居心，可能、有機會、或者、75%想同我大戰三百回合。

我起身行去廁所到，偷望下佢個樣係點，屌又幾撚清純，好有人地所講嘅「學生妹」嘅感覺，仲綁左條馬尾。

當我去完返埋位嘅時候，比我發現我張枱多左一張memo紙，張memo紙寫住「可唔可以同你做個朋友？」。



雖然我知係個女仔寫比我，但係我就扮唔知，繼續溫書，點都要佢主動開口同我講野先。

十分鐘又十分鐘，足足過左半個鐘，佢都仲未開口，我等到唔想等，而且都已經四點幾，所以我就諗住返屋企。

我係到執野嘅時候，感覺自己好似比人偷窺緊，我一望過去，佢就即刻縮開坐低，我再拎轉面嘅時候佢又望返住我。

我執好哂啲野就企起身，我伸一伸懶腰嘅時候個女仔突然攬住我，搞到自修室全部人都望住我地。

我：「喂，做咩呀你？再唔鬆手我告你非禮架。」佢聽完就即刻鬆手，楚楚可憐咁抬起頭望住我。

女仔：「對唔住...我一時忍唔住...」

我：「玩下你咋，無咩事咁我走先啦。」我諗住向前行，不過比佢捉住左隻手。

女仔：「不如...我地去食野呀？」



久違嘅食家又再出現了。