男神呢個稱號令我食左唔少女(有甜）: 平安夜(一)

最後我送左佢兩個返屋企，我想講嘅話，的士錢真係好撚貴，送完梓恩，再送以男，然後我再搭返屋企。

原來有咁多女朋友都唔係一件好事，滿足一個之餘仲要滿足埋其他人，不過至少我係生活得開心嘅。

既然我都已經時日無多，咁不如我就好似董卓一樣，唔係講緊暴政暴君，而係學佢嘅酒池肉林，但係咁樣我一定會落地獄。

第二日仲係放假，應該講聖誕聯歡之後幾日都係放假，但係今日係十二月二十四號，姐係平安夜，聽日就係聖誕節。

所以...呢兩日我又要同佢地一齊過，連續玩三日，我到底會唔會死？就算唔死，個人都肯定就黎虛脫。



當我仲同Emily一齊訓緊教嘅時候，我就比人打電話過黎嘈醒左，我想講我最憎就係比人嘈住我訓教。

我：「屌你知唔知宜家幾點呀！！一早打電話過黎嘈嘈嘈，屌你唔洗訓咩？！！！」

Tracy：「我係咪做錯左啲咩呀...對唔住...我收線先啦...」仆街原來係Tracy，我仲咁惡鬧佢添。

我：「唔好唔好！！！係我唔啱至係，SorrySorry，你咁早打電話比我做咩？」

Tracy：「我諗住問你今日平安夜想去邊姐...既然你仲訓緊教嘅話...咁我晏啲先再搵你囉...」



我：「唔洗啦，聽到你把聲都醒哂，至於去邊到嘅話...我都無主意呀，而且仲要問下其他人先。」

Tracy：「咁不如我地開一個群組講啦，廢事又要一個一個咁問。」

然後講完ByeBye之後，我就係TG到開左一個Group，加左梓恩、Tracy、以男，同埋我四個人。

我：「各位平安夜想去邊呀？不如你地講下自己嘅意見，快啲集思廣益傾下。」

Tracy：「點解會多左一個人嘅？邊個叫做丘以男呀？佢係你女朋友？我唔知嘅？」



丘以男：「係呀，我係啱啱先插班係阿燕間中學到，不過第一次係巴士見到佢就鍾意左佢。」

我：「好啦好啦，總之宜家就又有多個新成員啦，不如講返正題先。」

Emily：「點解無我份嘅？」佢企起身用隻手捉左我塊面，宜家嘅我就好似一隻雞泡魚咁。

我：「我教左你咁多野，你自己應該都有一大堆兵陪你啦，邊洗我。」

Emily：「其實都係，你望下我對話，有十幾條仔都約我今晚出去玩，我先唔得閒同你出去呀。」跟住佢就行左出房。

然後我就繼續同佢地三個傾今晚去邊，最後佢地一致決定去海港城到拍下拖，我自己就無咩所謂。

於是我成個朝早同晏晝就係到同阿彥打機，我記得家姐話佢今晚唔係到，唔通佢有新仔？雖然唔關我事。

阿彥：「喂你平安夜諗住點過呀？我仲諗緊一陣同樂怡去邊到玩好。」



我：「下？佢地三個自己傾好左話去海港城，所以...咪就係咁囉。」

阿彥：「乜唔係應該由男仔黎計劃架咩？由女朋友話事好似講唔通喎阿燕哥。」

我：「癡線，既然佢地話左想去個到，咁我再加插意見黎做咩，最緊要我去邊都無所謂，廢時我講完一個地方，佢地又唔鍾意。」

阿彥：「你男神點同我呀柒頭，你啲女係主動埋去你到，我嘅樂怡雖然一開始對我有好感，但係我都追左佢一段時間。」

我：「唉是但啦，你諗唔到去邊嘅咪約佢睇戲囉，最簡單嘅做法，買埋多支花，我肯定佢冧死。」

阿彥：「有多年食女經驗嘅男神，咁我信你架啦，我一陣就約佢去睇戲。」

佢同我玩多一陣之後就走左，應該係去左買花或者買戲飛，不過都啱嘅，邊似我可以乜春都唔做。



我自己玩到夜晚七點就去沖涼準備出去，難得今日一次過同三條女出街，點都要著靚仔啲，話比人聽「我就係男神 我就係咁勁」。

我去到約好左嘅地點，佢地三個已經到左，我係遠處都見到有好多人係到打量緊佢地，因為佢地今日個嗰都好靚女。

我上前去搵佢地，雖然我周圍都有唔少女仔望住我，不過我都已經見怪不怪，平時都已經好多女望我。

丘以男：「阿燕你終於黎啦？我地企係到等左你好耐啦。」

梓恩：「肯定係佢頭先見到靚女就去左溝佢啦，唔係邊會咁遲先。」

Tracy：「講！！！邊個會靚得過我地三個！！開佢出黎見我！！」

我：「頭先塞車姐，乜你地對我咁唔信任架，點都好啦，唔好企係到啦我地，入去先再講。」

入到去海港城之後，我係完全無Idea應該要去邊，梓恩見大家都唔郁，於是就一馬當先，我地三個就跟住係佢後面。



佢一行就行左入去化妝店到，此時此刻嘅我心知今次碌柒了，女仔一睇化妝品就唔知會睇幾耐。

果然不出我所料，佢地已經好多沉醉於化妝品到，仲要因為化妝店唔似鞋店，係無櫈坐。

十分鐘又十分鐘，半個鐘又半個鐘，我唔知女仔隻腳係咩構造，可以行黎行去一個鐘都唔會覺得攰。

惟一有野樣野值得開心，就係佢地買啲野唔洗我比哂錢，我只係幫手比一半，如果要我比三個人嘅化妝品錢，我實會破產。

然後我地四個就去左食飯，入到去間餐廳，所有人都呆左望住我地，連啲店員都係。

唔可以一拖三架咩，點解我感覺自己比人歧視緊一樣，一定要一拖一先得架咩。

不過佢無拒絕唔比我地入去，我地亦都好開心緊四個人皆大歡喜咁係到食飯。