男神呢個稱號令我食左唔少女(有甜）: 決定

我：「你講咩話...？你話珮恩係為左復活我地而死...？我地幾時死左而我地係唔知架...？」

阿彥：「我地係點樣死架先？好似比人殺死或者自殺，我地應該有記憶先係架。」

志霖：「咁係因為珮恩改寫左你地嘅記憶，令你地唔記得所有野，就好似阿燕連佢係邊個都唔知。」

我：「點解佢要咁做？同埋最大問題係佢點樣做到呢樣野，唔係同我講咩呢個世界有時光機呀。」

志霖：「睇黎你真係咩都唔記得哂，首先你對個嗰男人有無印象先？隻眼係黑色架呢。」



阿彥：「你咁講反而我有印象喎，我記得佢成個皇帝一樣，坐係一張....王座到！！」

我：「你係咪平時睇太多動漫睇到個人癡撚左線？獨眼之王定係女帝？」

志霖：「得啦得啦，總之係有呢條友嘅存在啦，不過佢最後都比珮恩整死左，至於珮恩係點做到...我淨係想同阿燕講。」

阿彥：「Why you bully me？點解我唔聽得呀？我都想知呀。」

我：「無你份就無你份啦，唔靚仔嘅人都唔可以聽，我咁啱就係靚仔先有機會聽。」



然後阿彥諗住賴死唔走，但係佢係到志霖又唔出聲，惟有死死氣咁行左出去課室。

我：「宜家講得啦？神神秘秘咁樣，仲唔快啲開黎見我？」

志霖：「個條友有一個皇冠，當黑眼女仔帶你返黎現實世界嘅時候，同時帶埋個皇冠黎呢到。」

志霖：「直到你跳樓自殺死左之後，珮恩坐左係你宜家呢個位到不斷咁喊，喊喊下就發現左呢個皇冠。」

志霖：「而我個陣咁啱行過，見到佢望住個皇冠發呆，於是行入去睇下發生咩事，點知個皇冠係識得講野。」



志霖：「佢講哂所有野比我地聽，仲話自己有一個能力，可以改變呢個世界嘅所有野，就好似多啦A夢嘅如果電話亭一樣。」

志霖：「但係有一個代價，就係要用自己條命黎交換，咁珮恩做左啲咩，我諗都唔洗再多講。」

我個人聽到一頭霧水，一時就黑眼女仔，一時就珮恩，一時又咩皇冠皇帝咁，我又跳樓自殺，到底講緊乜柒？

我：「咁...咁個皇冠宜家係邊到？佢消失左定係比你收埋左？」

志霖：「比我收埋左，我將佢放左係學校嘅八樓，廢時比其他人搵到。」

我：「其實你同我講哂所有野嘅目的係啲咩？我唔係好明。」

志霖：「我只係覺得你有義務係知道，因為有個人寧願犧牲自己，都要令到你繼續生存，你自己諗下啦。」

佢講完呢句野就走左，姐係話珮恩為左我而死...？仲為左唔比我知，所以將我對佢嘅記憶全部都抹走哂...



雖然我到呢一刻只係知佢係我女朋友，我「應該」係好愛佢嘅，但係同佢經歷過嘅所有野都唔記得哂。

我唔明點解會有人咁傻，用自己條命去救一個唔應該救嘅人，我只係一個罪人，我嘅存在只會對其他人造成傷害。

咦...等陣先...如果可以復活人嘅話...咁樣咪可以復活返桐桐囉...唔止...仲可以復活埋呢個珮恩...仲有我嘅老師...

佢地條命比起我係更加有價值...佢地比起我應該要繼續生存落去...佢地比起我...係更唔應該死...

當我猶豫緊要唔要咁做嘅時候，阿彥衝左入黎問我志霖啱啱講左啲咩，我求其作左個理由話比佢聽佢係比人雞姦而死。

阿彥：「咁恐怖...你宜家咁講唔知點解搞到我屎忽好似痛痛地嘅...」

我：「所以佢咪唔想話比你知囉柒頭，係你自己死都要知。」



然後我同佢行左去睇人打波，一路睇嘅時候，個腦一路係到諗自己到底係咪要死去復活返佢地。

每個人係呢個世界總會有一兩樣野係留戀，點解有人係臨死前先發現自己原來唔想死，係因為佢知道身邊仲有野係不捨。

就好似我一樣，我係想復活返佢地，但係我仲有Tracy、梓恩同埋以男，社會仲有一大堆女未比我食過。

直到打鐘嘅時候，我終於得出一個結論，又或者係自己最後嘅一次決定。

「比我享受埋呢個中六先至死」

呢個就係我最終嘅決定，我自己覺得都唔過份呀，幾個月嘅快樂換取永遠嘅沉睡。

比我享受多一陣...被愛嘅感覺...比我享受多一陣...成為男神嘅感覺...

入返課室之後，梓恩用一個疑惑嘅眼神望住我，想講野但係又講唔出，好似打乞嚏一樣。



我：「做咩咁望住我？我靚仔得滯？」

梓恩：「你不嬲都靚仔架啦，只係覺得你個人好似奇奇怪怪咁，同平時嘅你唔同。」

我：「係咩？無乜野呀我，可能近排補得太多課有啲攰姐，唔洗擔心我喎。」

丘以男：「你有咩事第一時間要同我地講呀，唔係收收埋埋係個心到，好易會搞到自己病。」

梓恩：「聽到未呀？你宜家就應該放低學業一陣，諗下聖誕節同我地去邊到玩仲好啦。」

我：「得啦得啦，到時先再算啦。」

我諗我地應該得返幾個月嘅時間，就會講再見架啦。