男神呢個稱號令我食左唔少女(有甜）: 桐桐
上埋接落黎嘅堂之後，我就再一次同阿彥一齊偷走，邊撚個會咁得閒係到同你乖乖地留低補課，彩你都on99。
我地好順利出到去學校門口，然後我就見到有個靚女企左係學校對面嘅馬路，仲對我揮一揮手。
阿彥：「第唔知幾多個阿嫂又黎搵你喎，唉睇黎我又要自己返屋企啦。」
我：「你咪去搵你個樂怡囉，同佢係張床到講下心事，講講下仲可以做埋愛做的事添。」
阿彥：「我先唔似你囉，下下都係扑野，我同佢係認認真真咁拍一場拖架。」
我：「知你威啦，終於比你搵到你嘅真命天女啦，唔講住啦，夜晚先一齊打機傾計。」
然後我就同佢講ByeBye你條尾，跟住行過去搵桐桐，我一過完條馬路佢就捉住我個頭不斷咁咀我。
我：「喂呀，呢到好多人架，而且中四啲人準備放學，比佢地見到我地咁樣，個班女實屌柒你架。」
桐桐：「驚啲咩姐，我係你女朋友黎架嘛，得我先可以咀你，呀唔係，得我地三個先可以咀你至真，其他人都只係得個睇字。」
我：「好啦好啦，咁你宜家想去邊呀？不如行去海濱到散下步？我都好耐無睇過個海。」
桐桐：「你鍾意咪去囉，我去邊都無咩所謂嘅，就好似以前一樣，你去邊我跟住你去邊。」
我地向右邊行，某個海濱黎我地學校好近，行十分鐘就到，所以都幾方便，如果無野做想搵啲野做嘅話。
我拖住佢咁一路行，一路望住個海，諗返起以前小學同桐桐一齊對住個海鳩叫，諗起都覺得自己好on9，不過唔on9又點會有回憶。
行到差唔多一半嘅時候，桐桐突然停低左，於是我拎轉頭睇佢做咩事，但係佢個樣話比我聽佢宜家好撚驚。
我：「做咩事呀？頭先仲好地地架，係咪有老鼠或者曱甴跑左出黎嚇親你呀？」
桐桐：「燕燕...點解...前面個班人...個嗰都拎住把刀...凶神惡煞咁望住你嘅....」
我聽到之後面色即刻一沉，慢動作咁望去前面，結果比我見到...係上次個嗰比我踢到賓州差唔多斷嘅MK仔黎...
我：「唔係真係玩咁大呀嘛....」我無諗過佢真係吹雞過黎打柒我，仲搵到我係讀邊個學校，仲可以係到cam我...
佢地全部準備衝過黎砍撚死我，由原本驚到震嘅我即刻捉住桐桐拎轉頭跑，跑嘅時候我個腦一直諗住「仆街了」。
我連想拎部手機打電話搵人救我嘅時間都無，只可以不斷跑不斷跑，希望可以撇甩佢地，但係無論我地跑幾快都好似撇甩唔到。
跑跑下我見到阿彥出現左係前面，佢企係到呆撚左咁望住我，我呢個時候真係想屌撚柒呢個on9仔。
我：「走呀！！！我地比人追殺緊呀！！！快啲走呀！！！」佢聽到先反應過黎，跑過去學校應該想搵人幫手。
我嘗試扔啲野落去地下到，希望可以引到佢地嘅注意，爭取到一點點嘅時間都好，同埋點解呢個海濱好似點跑都跑唔完咁。
終於差唔多跑到去海濱嘅入口，跑多一段路就可以入返學校，我諗點都應該會安全啲，至少我係咁樣相信。
桐桐：「啊！！啊啊...啊....」跑係我隔離嘅桐桐突然大叫同埋鬆開左我隻手，於是我即刻拎過去睇佢發生咩事。
仆街...有把刀插左係佢背脊到...佢成件校服都係血...我屌...我屌你...我屌你老母呀！！！！
我望住個班人，佢地好似見到自己錯手殺左人，即刻拎轉頭跑走，我衝過去追佢地，比我求其捉到一個。
我用隻手不斷打落佢塊面到，用最大力一拳又一拳，我個腦一直諗住「如果桐桐有咩事，我宜家一定會殺撚左你」。
條友比我打到流哂血，之後其他人跑過黎推開左我，打左我幾下，然後捉住條友跑走，我企返起身，跑過去搵返桐桐。
我：「桐桐你見點呀！！屌...成把刀插左入去...個班根本就唔係人黎！！！」
桐桐：「好痛...我好痛...」佢個樣好似就黎死咁樣，我又唔知要點做，幫佢止血？幫佢拎把刀出黎？屌！！
我：「我宜家Call白車，你要撐住呀！！！」我一隻手拖住佢，一隻手就call救護過黎。
打完電話之後，我就兩隻手捉住佢，我望住佢宜家個樣，忍唔住不斷係到流眼淚。
桐桐：「其實...原本把刀係飛過去你到...我...唔想見到你受傷...所以...」佢好似得返半條人命咁講。
我：「你點解要咁傻呀！！！我根本就唔值得你救我！！！我由中一嘅開始就應該要死！！！」
桐桐：「唔係咁...你係一個好男仔黎...最重要嘅係...我愛你...」佢合起雙眼準備宣告自己已經唔得。
我：「唔好訓呀桐桐！！唔好呀！！！堅持落去呀！！！」我不斷用隻手打佢塊面，希望可以拍得醒佢。
但係...無論我用幾大力拍都好...佢都無任何反應...我點郁佢都好...佢都係唔理我...
我：「啊！！！！！」無力嘅我只可以向住個天咆哮，埋怨呢個天點解要咁樣對我。
女仔：「燕仔，你要記住，愛我地嘅人，佢地最後全部都會「死」...」
點解...點解呀...點解死嘅唔係我...？點解佢要幫我擋左個一刀....？點解要救我呢個罪人...？
我攬住桐桐，即使成身都係血，我都一直攬住佢，直至救護黎左將我地分開。
我跟佢地一齊上左白車，無一刻唔係望住桐桐個樣，我好自責自己點解咁廢，連一個女仔都保護唔到...
好快就黎到醫院，佢地帶住桐桐入左急症室，然後就好快安排佢去做手術，我坐左係出面等，個腦無一刻唔係諗住桐桐個樣。
阿彥：「佢會無事出返黎嘅，你冷靜啲先啦。」佢拍一拍我膊頭再講。
我：「阿彥...我問你一個問題...我係咪唔應該生存係呢個世界...？」
阿彥：「點會呢？每個人係呢個世界都有自己存在嘅價值，同埋呢件事都只係唔好彩，你唔好將所有野怪哂落自己到啦。」
我：「你唔明...我嘅存在只會令身邊嘅人造成傷害...甚至令到佢地...死亡...」
阿彥：「你試下諗深一層，呢個世界都有人死，日日都有會有意外發生，我地都無辦法避免佢地。」
講講下都過左幾粒鐘，個嗰醫生終於捨得出黎，我衝過去捉住個醫生問到底點樣。
醫生：「對唔住，我地盡左力架啦，請節哀順變。」然後佢就行左去第二到。
哈哈...哈哈...哈哈哈....
每一樣精彩華麗嘅野都係短暫嘅，煙火再美也不過五分鐘，所有野都會完結，生命亦都一樣。