男神呢個稱號令我食左唔少女(有甜）: 插班生
我星期日就係屋企Hea，都唔可以話係Hea嘅，因為我不斷係到教Emily點樣變成一個女神。
而星期一返到學校之後，我見到學校門口有好多男仔，咁我以為係雯雯黎，所以就無理到直接行入學校。
上到課室嘅時候，阿彥即刻衝過黎捉住我，佢話有重要野同我講，於是我地就係課室嘅一個角落到成個Gay佬咁樣講野。
阿彥：「喂你知唔知我地有一個插班生呀，我聽人講佢好撚靚女喎。」
我：「吓？中六先黎插班？仲要宜家係十二月喎，真定假呀？你唔好撚化我喎。」
阿彥：「屌咪就係學校門口個嗰女仔囉，我原本都想睇下佢個樣，但係啲人多到癡線，想夾硬塞入去都塞唔到。」
我：「是但啦，靚唔靚對我都無乜影響，反正我想食嘅就一定食到。」我充滿自信咁同佢講。
阿彥：「係啦係啦，知你好撚威啦，我同你講呀，你食咁多女遲早死左之後會落地獄架。」
我：「我之前咪同你講過囉，我點都會等埋你先落地獄，到時我地一齊去食女。」
講講下都已經打鐘，於是我地就坐返埋位，同梓恩BB打左一陣車輪之後，班主任亦都好快黎左，仲帶左一個女仔入黎。
係佢...？金白色頭髮...粉紅色眼睛....？咁似我係星期六搭車個陣，主動同我講野嘅個嗰女仔黎...？有無咁巧合呀...？
林sir：「喂喂喂，各位起身聽一聽我講野先，我地班黎左一個插班生呀，你宜家自我介紹先啦。」
丘以男：「大家好，我叫做丘以男，我相信你地會好奇點解我頭髮同埋兩隻眼都唔係黑色，其實我都唔知，我之前睇過醫生，佢話可能係遺傳基因出現左突變先搞到咁。」
林sir：「好啦好啦，你地要好好咁睇住佢，唔好嚇親新同學呀，你就坐係個到啦。」佢指住我前面嘅一個空位，仆街，平時我係用黎放書包架嘛。
佢慢慢咁行過黎，而我就拎走自己個書包，佢見到我嘅時候即刻擘大隻眼，我又學佢擘大隻眼，扮到好驚訝咁樣。
丘以男：「你係...蔡煒燕...？係巴士個到比我遇到嘅男神黎...？」佢揞住自己個嘴，好似唔相信真係我黎。
我：「係呀，真係有緣啦我地，同埋點解你會轉過黎呢間學校嘅....？」我隻腳比人好大力咁打左一下，我痛到差少少叫左出黎。
丘以男：「哦？我都唔知呀，有一日我經過呢間學校，個腦好似話比我聽「我要讀呢間」咁樣，所以我就轉左過黎啦。」
我：「咁神奇？你坐返低先啦，我地上完堂之後先再傾。」然後佢就坐低拎返轉前面。
梓恩：「邊個黎架！！點解你會識佢嘅？！！係咪你又瞞住我地去左溝女？！！」佢攞條橡根已經Ready好彈落我隻手到，成把槍咁樣。
我：「無呀無呀！！！只係佢見我靚仔諗住問我攞電話嘅時候見過面咋！！！我同佢無野架！！！」
梓恩：「真係...？你唔好諗住呃我喎，你知你有幾多前科架啦，唔係嘅話都唔會成日激嬲珮恩啦。」
我：「點解Tracy又提珮恩，你又提珮恩？到底邊個係珮恩黎姐？我根本就唔識佢。」我真係對叫「珮恩」嘅女仔一啲印象都無。
梓恩：「你話你唔識珮恩...？你唔好攞呢啲野黎玩啦，佢知道左嘅話實嬲死你。」
我：「夠啦，我再講多次，我唔知邊個人叫做珮恩.，亦都唔打算去了解佢，唔好再係我面前提起「珮恩.」呢兩隻字。」
梓恩：「好啦好啦...以後都唔提佢...」佢一面無辜咁樣撲左係張枱到，於是我摸一摸佢個頭講聲「Sorry語氣重左」。
上緊堂嘅時候，唔知點解比我發現到一樣野，我發現係我前面嘅丘以男好鐘意係到撻手指，成日製造「躂」一聲出黎。
咦....？撻手指...？「躂」一聲...？仲有金白色頭髮...粉紅色眼睛...點解...點解好似咁熟口面...？
：「唔會架...你仲可以見到佢地...」
：「唔好呀！！！」
：「永別啦...希望我地下一世仲可以再見...同埋...我愛你...」
：「丘以男！！！！！！！！」
「噠！」
我：「啊！！啊啊！！！」我個頭突然好撚痛，就好似孫悟空比唐僧念緊箍咒一樣，痛到爆炸。
梓恩：「你無事呀嘛？！！洗唔洗同老師講你要去醫療室呀？！！！」佢好激動咁捉住我隻手。
我：「呀...唔洗...唔洗啦...係頭先...唔知點解個頭好痛...宜家無事啦...」我摸一摸佢塊面話比佢聽我無咩事。
到底...到底呢個丘以男係咩人黎...？點解我個腦好似有關於佢嘅記憶...？明明我前日先第一次見到佢...
我望住佢嘅背影，有一種好熟悉嘅感覺，就好似我見到Emily嘅時候個種感覺...好似一個人...但係邊個我又講唔出...
不過我諗都只不過係我幻想得太多野姐，呢個世界邊有咁多奇奇怪怪嘅野，都係「歡迎回來現實世界」咁樣就算。
小息個陣，我諗住落籃球場到打下波，睇下會唔會有新嘅獵物出現，雖然呢間學校嘅女仔都一一比我食過哂，但總有一兩個未比我發現。
我同阿彥已經行到去班房門口，不過我感覺到有人捉住我件Pe褸，於是我拎轉過去，但係我好似動作大得滯，唔小心推趺左個嗰人。
丘以男：「呀...好痛...」仆街原來我整到佢，我第一時間伸隻手出去扶返佢企起身。
我：「你無事呀嘛？！！Sorry呀我唔知個嗰係你黎，有無整親邊到？我幫你睇下。」
我叫阿彥落去自己鳩射下波先，然後我就扶佢返埋位，比我見到佢隻手比我擦損左，於是我跑落去醫療室問佢地借左一啲工具，然後上返去幫佢清潔個傷口同黐膠布。
丘以男：「我自己黎就得啦...唔洗麻煩到你...」佢想我比佢自己黎，但係我推開左佢隻手。
我：「唔得！！係我唔小心整親你，應該由我黎幫你處理好，不過真係對唔住呀。」
丘以男：「唔緊要啦，同埋我唔應該咁樣叫你，我自己都有錯。」
我：「傻啦邊關你事，係我唔啱，但係你搵我做咩？有野想問我？」
丘以男：「你唔好怪我，頭先上堂我聽到你同個嗰女仔講起「珮恩」，唔知點解我個腦好似有啲畫面彈左出黎。」
我：「你都係？！！咁你見到啲咩？！！」我即刻停低左手上嘅工作，抬起頭聽佢講。
丘以男：「我見到有一個人...佢撻左一下手指...然後個身係到發光...變左第二個人...跟住佢話佢自己係「珮恩」黎...」
我：「而我就見到...自己好似係同緊呢個「珮恩」講野，跟住我就由高處跳左落去...」
丘以男：「咁恐怖...呢個「珮恩」到底係邊個黎...好似想殺死你咁樣...」
我：「我都唔知呀...不過我又有野幾好奇，就係點解你頭先上堂係咁撻手指嘅？」
丘以男：「我由細到大都好鍾意撻手指，總係覺得我撻完手指可以控制好多野咁樣，不過都只係幻想姐。」
我：「哈哈，你個幻想又幾得意，一陣先再講啦，同埋我幫你整好架啦，我宜家落去打波先。」
丘以男：「等陣先！！！我想問多你一個問題...」佢頭dupdup咁樣，塊面仲有少少紅。
我：「哦？你想問我啲咩？」
丘以男：「坐係你隔離個嗰女仔...係咪你女朋友...？」
我諗左一諗，決定玩下佢，純粹係我覺得佢會比我呃到。
我：「佢唔係我女朋友呀，我宜家單身架。」
丘以男：「真架？！！咁...我可唔可以做你女朋友...？」