男神呢個稱號令我食左唔少女(有甜）: 坦白

桐桐：「諗住扮野然後偷走？無咁易呃到我地呀。」佢地差啲想用AA萬能膠黐實我落張櫈到。

我：「咁你地宜家想點呀？」我回復意識望返住佢地。

珮恩：「同我地講清楚所有野，乜野唔會有真愛，你宜家係咪當我死架？」

Tracy：「明明我地三個都咁愛你，仲夠膽講啲咁嘅野，係咪想比人打呀？」

我：「好啦好啦，大家冷靜啲先，等我由頭開始講啦。」我拍一拍手，準備我出色嘅演講。



我：「一切嘅起源，就係我中一個陣發生嘅，珮恩你個陣仲讀緊小學咋。」

珮恩：「咁又點喎，你唔好諗住扯開話題呀，快啲講埋落去。」

我：「不過我唔知你有無聽人講過啦，我地呢間中學曾經出現過一位女神，地位同宜家嘅雯雯一樣。」

Tracy：「你咁講我好似有啲印象喎，我學校之前有男仔話想過去你間學校到追一個女仔，我諗應該就係你講嘅女仔。」

桐桐：「咁呢個女仔係同你有關係？你同佢拍過拖？」咁快就估到佢同我有關係。



我：「嗯，係咪好可笑？一個中一傻仔可以同到中五女神拍拖，諗落都好天方夜譚下。」

我：「係佢教哂我所有野，係佢令到我成為一個全部女仔都鍾意嘅男神，係佢令到我成為一個...食家。」

我飲一飲杯咖啡再望下佢地，點知佢地三個都係統一表情，Look大隻眼咁望住我，想我快啲講埋落去。

我：「就係因為咁樣，我嘅中學生涯好似一開始就比人改寫左，當大家都好開心投入係中學生活，而我...只係一直係到食女...」

我：「我傷害過無數咁多個女仔，我將佢地分得好清楚，佢地每一個都只係我嘅...性奴...我唔會對佢地有任何感情。」



我：「我想向你地坦白一樣野...其實一開始...我都係樣諗你地...」我一講完之後，就Feel到塊面有啲痛。

珮恩：「你會唔會過份左啲？！！當啲女仔係你嘅性奴？！！你將啲女仔睇成係點乜野呀？！」佢一巴車落我塊面到。

其實我預左佢地會打我，只係我已經唔想再隱瞞落去，寧願講哂啲野出黎令自己舒服啲。

我：「對唔住...我知道歉係無可能彌補到我嘅罪孽，但係我行得呢條路....我就要一直行埋落去...我無可能返到轉頭...」

桐桐：「我只係想你真心答我一個問題姐，你到底有無愛過我地？」

我：「有，我真係有，無錯之前我承認我對你地無任何感情，但久而久之，我鍾意左你地，宜家都係。」我好認真咁同佢地講。

佢地三個又拎轉面唔知係到討論乜鳩野，但係今次好快就傾完。

Tracy：「好，經過我地討論之後，我地決定原諒你啦。」



珮恩：「不過你仲未答我地最重要嘅問題，即使有我地三個，點解你仲話自己唔會有真愛？」

我一口氣飲哂杯咖啡，轉一轉個表情，由笑口口變到認真起黎，仲嚇親佢地。

我：「我永遠都唔會忘記個嗰女仔同我講過嘅呢一句說話。」

女仔：「燕仔，你要記住，愛我地嘅人，佢地最後全部都會「死」...」

當我講完之後，佢地三個呆哂咁望住我，應該覺得我只係玩佢地，但係我想講，我無。

Tracy：「邊會咁誇張呀...你...你想呃我地....都可以搵個好啲嘅理由架姐...」

桐桐：「咪係囉...同埋呢啲野...唔好亂咁用黎開玩笑....」



我：「你地唔信就算啦，我都係複述返個嗰女仔同我講嘅野姐。」

珮恩：「死咪死囉，我未驚過呀！！」佢激動到成個人企左起身，嚇到我心都離一離。

珮恩：「愛一個人就預左連自己條命都比埋佢，我先唔會介意咁多野！！！」

呢個傻妹真係...我已經感動到唔知講啲咩好...

桐桐：「係囉，就算死我都會一直深愛住你，因為你就係我嘅真命天子！！」

Tracy：「反正人一定會死，咁不如黎一次愛到死！！！」

我隻眼已經忍唔住流眼淚，我企左起身，一次過攬住佢地三個。

我：「多謝你地...我呢一世都會咁愛你地！！！」即使有好多人望住我地on99咁樣，我地都無所謂。



黎到最後...我想同大家仲坦白多一樣野....

我之前咪話過我記得個嗰女仔去左邊嘅，不如我就直接同大家講啦。

佢已經死左。