男神呢個稱號令我食左唔少女(有甜）: 三大將
阿彥：「喂你行快啲啦，屌你平時唔係跑得好撚快架咩。」
我：「屌宜家講緊嘅係偷走呀，你想我快撚得去邊？」
無錯，我同阿彥宜家正準備走，因為今日放學要中文補課，我地就梗係彩你都on9啦。
放學之前上嘅就係Bio堂，咁就係生物室到上嘅，我同阿彥一早拎埋書包先上去，根本就係照足我嘅計劃。
我地慢慢，慢慢咁落到去，中四中五中六係早十五分鐘放學，我地諗住混入去佢地到，應該唔會比我地班啲人見到。
我地已經成功到達一樓，只要行埋落去再跑去學校門口拍卡，成個計劃就成功架啦。
嘉欣：「你兩個孭住書包諗住走去邊呀？」仆街，咁撚樣都見到我地？不過我地唔出聲，即刻跑落去。
我：「幫我同MissLee講我地兩個趕住去幫手打學界呀。」我係下面叫上去，好彩我記得今日有籃球學界有比賽姐。
就咁樣，我地成功跑到學校門口拍埋卡，準備返屋企屠龍屠過痛快，點知一出到去就見到有三個女仔企左係到。
佢地就好似頂上之戰三大將出場個陣，我就好似路飛咁樣，準備去同佢地死過。
桐桐：「咁急諗住走去邊呀？係咪想避開我地？」珮恩、Tracy同埋桐桐都係到...點解架...？珮恩係到就話正常姐...佢兩個都係到...？
我望一望隔離嘅阿彥，佢又望住我，我地宜家就好似「玩撚猿」咁，雖然唔關佢事。
Tracy：「你係佢個Friend呀何？唔好意思呀，我諗佢今日唔得閒架啦。」佢行過黎捉住我件校服。
阿彥：「哦...哦...好...好....咁...我唔阻你地啦。」我好似親眼見到殺老師用20馬赫咁樣，一野就唔知飛左去邊。
我：「點解你地三個會係齊到嘅？係咪玩緊掌門人啲Game？三個三個係齊到。」我嘗試扮冷靜，雖然我個心不斷加速跳動。
珮恩：「哦？佢地話係你女朋友，同埋有野想搵你傾，咁我又係你女朋友，咪陪佢地一齊等你囉。」
桐桐：「我要你解釋清楚所有野！！琴日去左邊！！！點解唔聽電話！！！」佢嬲爆爆咁行個黎我同Tracy到。
Tracy：「係呀！！仲唔快啲講！！」
我：「冷靜啲...冷靜啲...不如我地轉個地方先講啦好無？呢到仲係好多人...」
其實係有好多女仔企左係到，見我好似比人威脅想過黎幫我打走佢地，我廢時場面搞到七國咁亂。
然後我地行到Coffee shop到，一路飲野一路講下我琴日到底去左邊同埋點解唔聽電話，不過我只係將朝早同珮恩講過嘅野，同佢地再講多一次。
桐桐：「打機打機，淨係識得打機！！小學個陣你宜家係咁架啦！！仲唔戒左佢！！！」
我：「青雉...呀唔係，桐桐呀，我地遲啲要考DSE，日日同溫書咁辛苦，打下機休息放鬆係好正常架姐。」
珮恩：「放鬆？你平時唔夠放鬆咩？一係我再幫你放鬆下啦。」佢好天真咁同我講。
我：「唔係呢種放鬆呀，我意思係指平時嘅精神壓力太大，要打下機分散下注意力。」
Tracy：「但係你宜家打到連我地電話都唔聽喎，同埋你同我地一齊個陣唔夠放鬆咩？」
仆街，你宜家咁樣姐係叫我日日陪你地，以後都唔撚洗打機，我仲點樣去屠班垃圾速龍呀仆街。
我：「放鬆，好放鬆添，係我錯啦，同你地講聲對唔住，是我做錯，是我做錯，是我做錯，你要甚麼？」
珮恩：「等陣先，我有樣野想你做左先，就係介紹下佢地比我識。」佢果然係赤犬特別霸氣，要人地介紹左自己先。
桐桐：「咁不如我講先啦，聽佢講嘅話都唔知會將我地形容成點，我叫桐桐，我同阿燕係小學同學，亦都係佢嘅初戀。」
Tracy：「到我啦，我叫Tracy，其實我地三個都係小學同學黎，所以....就係咁上下囉。」
珮恩：「哇兩個都係你小學同學黎，乜我地中學啲女仔咁差咩？要你去搵小學啲人黎拍拖。」
我：「唔係唔係，除左你之外真係無咩邊個特別吸引到我呀嘛，不過最重要嘅係，你地三個我都咁愛。」
「仲有梓恩呀」呢一句只可以係我個心到講。
Tracy：「好啦好啦，咁我地都認識得七七八八，不如講返你先，你諗住點樣補償返比我地三個？」
我：「下？我都道左歉啦喎，仲唔夠咩？」
桐桐：「你覺我一句對唔住就可以彌補到我地琴日有幾擔心你咩？梗係唔得啦！！」
我：「咁你地三個想點樣呀...？」
然後佢地三個拎轉面係到竊竊私語，應該傾緊點先可以整死我。
珮恩：「我地有共識啦，要補償返比我地其實好易架姐，只要你肯講一樣野。」
我：「願聞其詳。」
桐桐：「我記得你同我講過你話你呢一世都無可能有真愛出現，我地想知點解你會咁講。」
我呆左咁坐左係到，並唔係因為桐桐講嘅野，而係我見到個嗰女仔。
我唔知係我又出現幻覺定點，佢就係我對面，一個人係到飲住杯咖啡係到睇書。
我下意識咁企起身，向個嗰女仔方向前進，但係好快我就坐返低，因為我比珮思推左落張櫈到。
珮恩：「你唔同我地講嘅話，邊到都唔洗旨意去！！」
個嗰女仔拎過黎對我笑一笑，同我講左一句野，雖然隔太遠我聽唔到佢講咩，但係我睇到佢口型係講「好耐無見啦，燕仔」。
然後佢就執哂所有野準備離開，我第一時間想衝過去搵佢，但比佢地三個禁低。
我：「係咪你呀！！我係燕仔呀！！！你唔好走呀！！！等我！！！！」
Tracy：「你同緊邊個講野呀？個到都無人。」佢用隻手指指住我見到佢嘅地方，突然之間真係一個人都無。
又係幻覺...？點解...？點解...？到底佢係邊...？
我記得，個嗰女仔同我講過，「愈係得唔到嘅野，就係愈容易令人諗起」，原來就係咁解。
我嘅記憶一迅間返哂黎，我終於記得個嗰女仔去左邊啦。