男神呢個稱號令我食左唔少女(有甜）: 初戀
桐桐：「好耐無見啦燕燕。」
我都唔知幾耐無聽過有人叫我做燕燕，令我諗返起小學個陣，啲人都叫我地做「桐桐燕燕」呢個名。
同埋聽到佢咁叫我，咁至少代表我無認錯人先啦，如果唔係嘅話都幾尷尬。
我：「好耐無見啦桐桐。」
桐桐：「點解你會係到嘅？你應該唔係住呢到附近架。」
我：「我今日諗住返小學行下，啱啱行完所以先黎左呢邊。」
桐桐：「哦原來係咁，話時話你宜家同小學個陣真係好似兩個人黎。」
我：「有咩？咁正常人大左都會變架啦，唔通成世都係傻仔樣咩。」
桐桐：「哈哈，不過聽你講一講，令我又諗起小學啲野添。」
我：「你都入去參觀下囉，雖然學校差唔多所有野都變哂，但我相信回憶仲係到。」
桐桐：「有機會先啦，你宜家得唔得閒呀？不如陪我去一個地方。」
我見自己都無乜野好做，珮恩又無搵我，所以就跟住佢行，行下行下，我終於知佢想帶我去邊到。
周圍嘅榭木，花花草草仍然係咁靚，同昔日一樣無變到，眼前面嘅景色就係一望無際嘅大海，呢到就係以前我同桐桐成日放學黎嘅地方。
時間好似返左去我小學六年級個陣，當我仲係天真無邪嘅時候。
我：「我一生一世都愛桐桐！！！」
桐桐：「我一生一世都愛燕燕！！！」
我地兩個一齊對住個海大喊，喊完之後我地彼此凝望著對方，佢個嗰紅當當嘅面容我仍然歷歷在目，一面害羞嘅樣子，令到我不由自主地咀左落去。
桐桐：「你...咀左我...我會唔會有BB架...？」
我：「吓！乜咁樣會有BB架咩？！！」
桐桐：「如果我有左BB...你會唔會唔要我架...？」
我：「我唔會唔要你，你係我一世最愛嘅人，我永遠都唔會放開你。」
佢個頭挨左落我膊頭到，而我用隻右手攬住佢，一齊欣賞著比黃昏照射得金閃閃發光嘅大海，個一刻我覺得自己係最幸福嘅人。
桐桐：「燕燕？你無事呀嘛？」
佢叫一叫我，將我由回憶拉返黎現實，雖然只係短短兩分鐘嘅事，但我好似穿梭返去大約六年前嘅時候。
我：「哦係，我無事，做咩你會帶我返黎呢到嘅？」
桐桐：「因為我仲...好掛住同你一齊嘅時光，呢一到充滿住我地之間嘅所有野，我真係...好想再體驗多一次...」
如果可以...我都好想體驗返當我仲有真愛嘅日子...只可惜...已經無機會...
我：「我已經有女朋友架啦，雖然我都好掛住個陣，但係人始終都係要向前行，無可能成日都諗住返去以前。」
桐桐：「乜你唔想再同我一齊返去個陣浪漫溫馨嘅時候咩...？我知你都好想架係咪？」
我：「我係好想，我只係驚我會傷害到你...因為我已經無資格再比人愛...」
桐桐：「你點會無資格比人愛？至少...我愛你，我愛你呀！！」
我：「你根本就唔知我嘅過去，你唔會明白我嘅感受，我所造成嘅一切...我已經無辦法彌補返...」
桐桐：「咁又點？從來愛人同被愛呢兩樣野根本就唔需要啲咩資格，只要係真心相愛，無野係要資格。」
我：「唔得架...呢個就係我嘅代價，我呢一世都無可能有真愛出現，個天比一樣野我，我就預左佢會拎返一樣野走。」
桐桐：「無野係無可能，你唔試過又點知唔得？而且你話你有女朋友，如果你話你唔會出現真愛嘅話，咁點解佢仲可以做到你女朋友？」
呢一個問題我真係無諗過，點解珮恩仲可以係我身邊...？明明我令佢受過大創傷...點解佢仲未走...？
我：「我...我都唔知...」
桐桐：「因為其實真愛已經出現左係你身上，就算你做過咩都好，佢都唔介意咁同你係埋一切，只有係真愛先做到。」
我：「哈哈...哈哈哈...」我企左係到傻笑，到底係我太過無知定還是我太過愚蠢...？
真愛已經出現左係我身上...？點解我一直都感受唔到...？珮恩對我嘅愛...就係所謂嘅真愛...？
我：「無可能架...佢只不過係太鍾意一個人先會盲目咁愛我..先至就算受過傷都繼續愛我...」
桐桐行左過黎攬住我，而我隻眼已經不斷咁流眼淚，至於點解會喊我都答你唔到。
桐桐：「相信你自己啦，相信佢對你嘅感情，相信你嘅人生會出現真愛。」
唔知點解係我眼前嘅桐桐，好似變返六年級個陣，而我亦都一樣，我感覺自己好似仲鍾意佢。
我：「你咪話你好掛住同我一齊嘅時光嘅，如果你唔介意做我第三個女朋友嘅話...」
桐桐：「第三個！！你到底有幾多個女朋友？！！」
我：「真係問我可唔可以做佢男朋友嘅咪得兩個囉，但要計埋我嘅性...」
桐桐：「計埋你嘅性乜野？」
我：「哦無，咁你介唔介意姐？介意就算架啦。」我差少少講埋我嘅性奴出黎，要計都起碼成五十個以上。
桐桐：「我唔介意呀，不如係問佢地會唔會介意？」
我：「我都唔知，因為佢兩個好似都唔知對方嘅存在。」
桐桐：「乜你咁都得架？係到瞞住自己嘅女朋友！！」
我：「佢地又無問，咁我咪無講到囉，我地宜家去邊到好呢？女朋友~」我拖起佢隻手。
桐桐：「你話事啦，不過你一定要搵一日約哂我地出黎，比我地見下面。」
我：「到時先算啦。」所以我係咪又多左一個女朋友？