《共的迫奶》: 第三集-警嫂污名化
想起第二朝就有得種蜜瓜，尹智娜發咗一個好甜嘅夢，同啲蜜瓜卿卿我我。雖然元朗同佢相處咗短短一日，但元朗都好有心畀張床尹智娜瞓。
-
叮噹！半夜三更擾人清夢，阻人瞓覺猶如殺人父母。一門驚醒夢中人，也許這是緣份，尹智娜夢中嘅蜜瓜核都冇剩。元朗走去開門，有一個戴住委任證嘅男人，而呢個男人正正就係海哲-梨泰院班會長海哲。海哲揼完骨都要嚟攞OT，其實海哲係好人嚟嘅，佢拎住封梨泰院派出所嘅A4紙。
-
「那個女人是誰？」
-
「她...？這是我的女朋友。」
-
「啊！大喜訊！幹嘛秘密不告訴我們？都是鄰居偷偷告訴我的！」
-
「一言難盡。」
-
「那沒事了，在下方簽名吧。」
-
我們希望你靜下來好好反思，並鄭重告誡你，如果你固執己見，不思悔改，繼續進行違法活動，你將會受到法律的制裁！你明白了嗎？
-
「明白 」
-
被訓誡人：元朗 2020年3月27日
訓誡人：海哲
工作單位：梨泰院班
-
元朗一定要答明白，因為呢個係中共嘅唯一作答方法。海哲又話，尹智娜一定要喺屋企強制檢疫14日......再靜靜雞講唔使理呢條規則，尹智娜戴上一條藍色手帶，而呢條手帶係冇追蹤監察嘅。可惜嘅係去蜜瓜教育營嘅念頭取消咗。
-
尹智娜失蹤後，貴為全港最大犯罪集團嘅HKP展開權力爭霸戰，仲有一日如果尹智娜唔出現，張智能就可以做PPRB。張智能未上任先興奮，夜晚去老蘭搵個50歲美魔女one night stand，可惜嘅係個女人中咗武漢肺炎。屯門、旺角、中環三小花--娜娜、妮妮同小龍女佢哋冇再聯絡尹智娜，呢日密密屯門中環兩邊走，享受最後happy伯嘅打賞時光，因康文署打算喺任何公園範圍修例嚴禁打賞（執唔執法係另一回事）。
-
尹智娜唔敢同元朗講佢自己係做警察，同時佢擔心返唔到香港冇得上任。佢見元朗對佢嘅悉心照料深深感受到祖國嘅傳統美德-友善。元朗表面上好cool但內裡鐵漢柔情，得到一眾鄰居歡心。
-
天光，一眾師奶又送啲貴價正嘢畀元朗，簡單形容佢哋嘅外貌，全部都係面露「唔驚姐」嘅笑容，愛國嘅特質充分展現眼前。佢哋為咗留返啲祖國製造嘅嘢畀其他人體驗農民嘅勞苦，而破費買美國安格斯、日本A5和牛、英國大肉腸。呢啲行為唔係叛國，而係增強外交成員國嘅關係。佢哋去咗元朗屋企認識下「未來大嫂」，冇咗隻一索都可以打麻雀㗎嘛，拉闊啲個畫面嚟睇，啲官員別有用心咁關懷市民呀。
-
大媽們買齊料嚟，午餐係尹智娜一心上嚟大灣區食嘅海底撈！初時擔心連生命麵包都冇得食嘅佢霎時感動（BGM）。尹智娜見到啲中國番茄同粟米就心心眼，因為平時食富撚同鳩品360嗰啲都係有毒嘅。大媽半鹹半淡嘅廣東話好似去咗食譚J新型米線咁，國際都會嘅好客之道。
-
「智娜，唔使拘謹喎，隨便食吖。」
-
「我想要啲番茄同粟米。」
-
係人都知呢啲食物落喺湯底度好惹味，但係放喺海底撈咁辣嘅湯底肯定勁過野味。
-
「媽！好辣呀！啲中國粟米同番茄又酸又難食，係咪有毒㗎！」
-
「喂你做乜污名化我國名產呀？我堅決反對你嘅言論喎。你當我買返嚟啲嘢係屎啊？鬼叫你唔食美國日本牛？有得揀都唔食。」
-
大媽異口同聲嘅呢番說話，真係好難觸摸。尹智娜展開佢喺「警察殼院」嘅哪吒招，希望博班大媽同情......
-
「我無啦啦要喺度做所謂嘅隔離檢疫14日，又冇得打波、食車仔麵......呀嗚......你對唔對得住我同車仔麵嘅感情，我哽咽喇。」
-
「做戲做全套吖嘛，一早擺晒啲紙巾白花油喺度為碗車仔麵而喊，又唔似法拉利女神realize啲戲。」元朗細細聲講點知俾尹智娜聽到。
-
尹智娜黑面到爆，佢由大媽們氹返，一齊開咗罐2020年嘅「黑白是飲啤」飲。佢哋有講有笑，但其實尹智娜開始醉。「我冇醉我冇醉！」堅持己見一意孤行係香港警察嘅特質，但係執法嗰陣唔敢落單，可能佢哋執法嗰陣太投入？
-
「我偷偷話畀你哋知，我就係患咗中國病毒Chinese Virus嘅美軍。」尹智娜「姣屍扽篤」嘅個性但飲咗酒都冇親密嘅行為出現，唔明酒吧冇得賣酒。
-
「漢奸！」大媽以假亂真咗好嬲，佢哋同親共組織認識嘅耳火爽好熟，即刻打畀礙交部發言人耳火爽。大件事喇！尹智娜連委任證都冇，得部手機喺身，回鄉證又留咗喺架Teslady度......好彩即使有啲小粉紅feel嘅元朗，入咗房買船飛返珠海，趕走班大媽飛車出碼頭。
-
尹智娜同元朗成功闖關上船，但係航行途中，船務員進行搜查管制，冇證件嘅佢選擇學某韓劇情節，挨落元朗健碩嘅身軀度扮瞓着咗。Hea爆嘅船務員見佢瞓著咗都冇查資料，佢哋最後順利到達珠海。不過一波未平一波又起......
-
「咩係playgroup呀？小朋友四個以上唔玩得？」尹智娜講完呢句就響起「片美曲」。預告永遠係最好睇。
-
（待續 To be continued）
-
P.S.
又話個病毒來自外太空，跟隨隕石墜落中國嘅？又話美軍傳染嘅，侵侵又話中國病毒？係武漢肺炎呀！中國武漢肺炎呀！
-
IG：chingchingstory