《共的迫奶》: 第一集-海底撈之戀
本文章由Rachel提供。
-
尹智娜作為忠誠勇毅嘅女警，面對「暴徒」嘅襲擊，佢就會以武力鎮壓。打傳媒、打議員、打女仔，統統都有。近日，佢就俾How TV嘅記者拍攝到佢向一個伯伯爆粗，要求伯伯道歉。
-
伯伯向議員同記者求助打官司，成為首宗警暴問題判上法院嘅案件。香港警察喺Facebook表明，如果呢單案件獲判女警有罪，會展出一連串嘅上訴。而特首更公開護航，希望市民喺電光火石嘅情況包容警方作出嘅行動。
-
喺法治已死嘅情況下，裁判結果毋庸置疑。伯伯更被反控阻差辦公，並需遵守「嚴禁接近警署範圍」嘅命令。警方對裁判結果感到欣慰，重申警方作出任何行動都以警方行動所賺嘅OT作為首要標準，出現喺嗰度就有一定風險。警方又指會訓斥相關警員，訓斥完搭下膊頭。
-
尹智娜得知裁判結果後，認為自己行得正企得正，佢立即被追捧成為PPRB江Sir嘅繼承者。警務處長PK喺撐警大會宣布呢件事，尹智娜可以同成虫大哥同檯食飯，話晒細個睇下睇下成虫大哥識做警察吖嘛。你睇下，又多幾盒CSI喇！
-
尹智娜一直都好愛國，為咗慶祝佢打官司獲勝訴，即使武漢肺炎肆虐都要擁抱大灣區。話知返嚟要隔離14日，都要突顯佢作為警察嘅象徵---食海底撈。
-
「特首真係好，我行港豬澳橋唔使錢。」尹智娜自己揸車上去，約咗屯門、旺角、中環三小花--娜娜、妮妮同小龍女喺深圳一齊Gem歌。
-
黑警總有一日有報應嘅，哎喲，爆胎喎。人冇事先做到世界冠軍，今次係架車有事。喺人生路不熟嘅祖國先嚟爆胎，尹智娜鬧到佢架車仆街。「咯咯」，喺尹智娜connect緊中國唔動嘅流通數據嗰陣，有個綠色衫嘅士兵喺佢面前。
-
「等禾頒NI膠拖車吧。」綠衫士兵先入為主。
-
「好呀！」尹智娜倍感安慰。講完呢句，尹智娜落車食枝煙，可能大陸太多霧霾，吸煙吸到佢昏迷咗。
-
三小花係咁打電話畀尹智娜都飛去留言信箱，迷信又唔上線，睇嚟夜晚食海底撈都凍過水。
-
尹智娜冇話過老公巨波Man聽佢去邊，巨波Man開始擔心，所以致電聲稱39分鐘到達嘅警隊求助。巨波Man四處找尋，聯同警方搜查隊伍，今次的確唔係冇可疑。海關更話手頭上冇尹智娜嘅出入境資料。
-
過咗幾個鐘，尹智娜聞到薄荷業嘅香味起返身。佢發現自己身處一片森林入面，自己坐咗喺大樹上高。尹智娜大叫，但係叫咗好耐都冇人理佢，只得小鳥三兩隻叫嚟叫去。
-
呢個時候，有個綠色衫嘅士兵聽到尹智娜嘅叫聲，但係見尹智娜一身名牌就懷疑佢係漢奸，就用枝槍瞄準佢。尹智娜冇gear喺手咩都唔係，佢諗住跳落嚟，點知一差錯腳成面都係泥。
-
尹智娜開始逃跑，雖然有好多地雷，但係佢都冇事。有士兵向天開咗一槍，尹智娜企咗喺度：「咁似我作風嘅。」企咗喺度一陣，佢即刻俾士兵包圍。
-
「你在這裡幹麼？」
-
「我也不知道。」
-
「幹麼戴着口罩？正義之師為甚麼要帶口罩？」
-
「因為武漢肺炎。」
-
「你再說多次！」
-
「因為武漢肺炎的病毒呀！」
-
「這個病毒是新冠肺炎，是從美國傳來的。你這傢伙從哪裡來的？」
-
「香港。」
-
「是中國香港。這裡的人不是很有文化的嗎？為怎麼這不尊重我們的祖國！」
-
「...」
-
另一邊廂，PPRB懸紅3萬尋找女警。蓮登討論區好多巴絲打話「臭雞都有人要？」、「呀哈哈黑警死全家！」、「冇可疑！」。警方強烈譴責此等幸災樂禍嘅行為。同尹智娜一齊爭上位做PPRB嘅張智能好開心，如果去到就職典禮嗰日尹智娜都唔出現佢就一定做PK嘅最強後盾。
-
尹智娜跑走咗，走咗去一座摩登大廈，外牆有好大個共產黨旗幟，尹智娜心諗：相信黨就冇事喇！誰不知，呢個就係大解放軍嘅軍營。
-
令尹智娜眼前一亮嘅係，有個靚仔士兵，即係呢個故事嘅男主角---元朗出現喇！元朗拖住尹智娜隻手跑走。
-
（待續 To be continued）
IG：chingchingstory