《夾出一個她》: 第二十八集-四人組合
阿妹：「有冇搞錯吖！我哋嘅主題曲係《從不喜歡孤單一個》，你係咪想死？」
-
希逸：「從不喜歡孤單一個，呢句冇問題喎！」
-
阿妹：「下一句係咩？」
-
希逸：「可惜偏偏孤獨一個……係喎，我唔記得咗㖭。」
-
阿妹：「再諗過啦！我哋啲創意點可以輸俾阿哥同楚翹㗎！」
-
希逸：「劉浩龍同謝安琪嘅《滄海遺珠》呢？」
-
阿妹：「首歌好熟口面，唱兩句聽下。」
-
希逸：「如滄海深處，埋藏著遺珠。」
-
阿妹：「吖！我記得喇！其實你好處，個個也不知」
-
希逸：「唯獨我先可以，明白上帝構思，於沙礫裡找到，璀璨珍珠。」
-
阿妹：「呢首就係我哋嘅主題曲啦！不如我哋每對情侶都dem個beat吖！」
-
我：「使唔使整埋Icon，設計埋Logo吖！」
-
阿妹：「好喎！不如我哋開埋Instagram，拍埋Youtube囉！」
-
我：「我先唔會陪你哋癲。」
-
楚翹：「咩叫做dem個beat？」
-
我：「和聲！我哋一齊dem返個和聲beat好唔好吖？」
-
希逸：「好！」
-
我：「和盡天地風雲之聲，環抱山水日月之景。」
-
希逸：「婆裟樹影，人傑地靈。」
-
我：「育和聲一代精英，立和聲千秋美名。」
-
希逸：「和聲！和聲！和聲！ush！」
-
楚翹：「其實你哋兩個做緊咩？」
-
阿妹：「呢啲就係dem beat，通常喺大學O camp嗰陣時就會dem㗎喇！dem beat嘅用途就好似啦啦隊咁，增加大家嘅士氣喇！」
-
楚翹：「咁嗰啲動作又係咩意思？」
-
我：「咁你要問原作者嚕！我哋都係跟佢哋嘅動作同節拍去dem㗎！」
-
楚翹：「可唔可以教我dem呢個「和聲beat」？」
-
我哋三個逐個step、逐個節拍咁教楚翹，當然仲要教成個beat最重要嘅一樣嘢，就係hea爆嘅「ush」喇！唔使好耐，楚翹都學識咗呢個曾經瘋魔全港各大學校，僅次何東beat嘅「和聲beat」。
-
楚翹：「呢個beat好正吖！夠晒熱血吖！我哋又作返個情侶beat啦！」
-
阿妹：「好吖！」
-
希逸：「唔好咁啦！我就嚟冇晒啲靈感喇！」
-
楚翹：「各位，我哋一齊dem返個情侶beat好唔好？」
-
阿妹：「好！」
-
楚翹：「情侶拍拖睇戲食飯，男方俾錢正常不過。」
-
希逸：「俾到窮撚，不如AA。」
-
阿妹：「無錢就咪鬼拍拖，拍拖就咪嫌無錢。」
-
我：「AA！AA！AA！Ush！」
-
阿妹：「呢個就係我哋情侶beat！」
-
楚翹：「好！」
-
我：「似係啲女強制性要男人俾晒錢咁喎！」
-
希逸：「咪係，AA制，每人俾一半咪仲好，」
-
我：「我哋大家po Instagram 限時動態，睇下啲朋友揀咩？」
-
阿妹：「好吖！我哋一於放長雙眼，今晚睇下結果。」
-
楚翹：「其實邊個俾都無所謂，反正浚彥啲錢係我嘅；我啲錢都係我嘅。」
-
我：「嘩！你咁都得嘅？」
-
楚翹：「梗係啦！你係我嘅隨從㗎嘛。」
-
我：「其實，你係香港首富個女，問老竇攞嘅錢，已經多過我副身家啦！」
-
楚翹：「我哋做人要有骨氣，唔可以講一套，做一套㗎！」
-
我：「扑嘢要有安全套！」
-
楚翹：「核核突突！」
-
希逸：「肥哥就啱喇！做個負責任嘅男人。做個好漢子。」
-
我：「熱勝紅日光。」
-
楚翹：「我係咪同你哋唔同時代，咸豐時代嘅歌都識，你哋係咪咸豐人嚟？」
-
阿妹：「佢哋唔係咸豐人，鹹濕人就有佢哋份。」
-
我：「年少放縱，時常有藉口。」
-
希逸：「太多嗜好與太多損友。」
-
我：「得七歲智慧胡亂闖未曾善後。」
-
楚翹：「呢首咩嚟㗎！」
-
作為佢的男人嘅我，梗係好似啲動漫咁，托住楚翹個頭。
-
我：「呢首咪係我囉？」
-
楚翹：「你？」
-
我：「冇錯，係我吖！首歌叫《你的男人》呀嘛！」
-
楚翹：「核突！」
-
我：「你都接受咗核突佬嘅追求啦！」
-
楚翹：「我有啲想反悔㖭！」
-
我：「送翹入彥口，走唔甩㗎喇！」
-
阿妹：「怪叔叔吖！」
-
我：「怪叔叔專捉啲細路女㗎！」
-
楚翹：「呢度冇細路女，但有兩個成熟嘅少女。」
-
我：「咁兩位少女係咪要祈禱？」
-
楚翹：「咩意思？」
-
阿妹：「阿哥，你啲gag真係好爛。楚翹，濕鳩阿哥係搞緊食字gag，佢嘅意思係楊千嬅嘅《少女的祈禱》。」
-
（待續 To be continued）
-
今日嗰集用咗好多廣東歌嘅歌詞，其實好多廣東歌都好好聽，尤其啲歌詞，好多歌詞都有意思，大家睇完故事不妨去聽下，或許你會有一番新體會呢！捍衛廣東話文化，由你做起。最後，我哋都捍衛埋大學生活文化，dem返個和聲beat先。
IG：chingchingstory