《再一次愛你》: 《第二十三章》

我喺度做緊咩啊...傻咗咩...死啦...佢會唔會誤會㗎...唔知佢諗緊咩呢...



偷睇下佢...好唔好呢...？但佢會唔會已經想走...啊...死就死啦！佢...成塊面紅晒...？係唔係應該對佢say sorry呢...？



「其實呢...」







「其實呢...」



「嗯？」







「噗...」



「你講先啦！」



「你講先啦！」







「哈哈哈...哈,我哋有冇咁夾！」



「我都想知....」天宇尷尷尬尬咁摸一摸自己個頭



「咁不如你講先？」



「好啊～」







「其實我頭先係冇心㗎,希望你唔好介意啦」



「我冇嘢喎,我冇介意,唔使放喺心上,不過...」



「不過咩啊？」







「如果你係講真就好啦！」



吓吓吓？另類發展？！呢個係咩意外嚟㗎！點算啊！死啦...有少少後悔添...但呢一句又的確係我心入面嗰句...



算啦算啦,見步行事啦...



「我梗係認真㗎啦！」







「咁就好喇！」



「咁你又有啲咩想講啊？」



「我想講埋我同Angel個故仔。」



「好啊好啊！」







「我哋上次講到邊度？」



「你話覺得自己唔可以再等嗰度。」



「好～」天宇若有所思咁講
——————————————————————
第二日我返到學校,我即刻去咗搵Angel



「Angel啊...今日放學你可以去音樂室,我...有啲嘢想同你講。」



「哦,好啊！」



好耶！成功嘅第一步就係咁！希望我可以成功向你表白啦...用你最鍾意嘅自彈自唱我唔會俾其他男仔再接近你！



時間話咁快就嚟放學,其實我有少少緊張...我直接行入去音樂室等佢



「呼,冇事嘅」



「你又話有嘢講？」



「你嚟喇？坐啊！」



「就像一首古老情歌
維繫絕非易事　當新歌交錯
很慶幸　怎麼初初交往能接受我
還可以幾經無常情懷像最初
或許只得你共鳴　可歌可泣的感性
只因一起堅持這份傻勁 回味多少悲痛莫名　
總算動人入勝 能替愛情做見證
鬧多少意見提煉到這一份情
還遇上十次虛驚　與十次反省
或許一起這路程　幾經艱辛的反證
必經幾多波瀾至會穩定
平淡的歌得你共鳴　蒼老後才動聽
能替我們做見證 悲歡哭笑的倒影」



「Angel啊,呢排你一直對我好冷淡,我一直都好驚...好驚我哋唔可以再同以前一樣,直到琴日我先知你嘅心意,所以希望你可以原諒我,我都一樣好鍾意你㗎,你...可唔可以做我女朋友啊...？」



「唔可以」



IG: _nanase._