《再一次愛你》: 《第十九章》

原來呢個天宇都衰唔晒啫...



佢好似對感情好認真



佢提到Angel既眼神







充滿住寵溺同愛意



佢都唔係阿May所講咁啫







可能天宇真係有苦衷？



或者係有其他原因？



天宇啊...你可唔可以俾我更加了解你啊？







我知道你唔係啲咁嘅人嚟㗎



你一定係一個好男仔嚟,係唔係？



「叮噹叮噹」



學校嘅鐘聲打破咗天宇講故仔既節奏







「真係麻煩,咁又一日」



「估唔到你喎Karen姐,以為你係溫柔type」



乜我好粗皮咩...？







「我邊有喎...」



「哈哈哈,聽日見啦」



「喂,咁個故仔點啊？」



「有緣再繼續同你講」







「喂！衰人！」



「咩啊Karen姐,我想返屋企。」



「俾你電話我」



「突然咁威既？」







「俾唔俾啊！」



「唔俾喎～」



死人頭！乞人憎！



嬲死你啊！
———————————————————————
總係感覺Karen同Angel好似



唔係外貌,以係性格



Angel份人相對比較直率



唔會有啲咩機心



但往往面對黑暗都會好驚



Karen俾我既感覺係一個樂天嘅女仔



即使我唔係好熟佢



而家咁快下定論



好似唔太適合



或者佢係一個有故事嘅人？



只係隱藏自己嘅情緒？



唔知啊



坐喺鋼琴面前既我



少有咁諗唔到應該彈咩歌



可能今日要放棄下古典音樂



彈下流行曲



應該彈咩呢...



Eason?張敬軒？定係Dear Jane好呢...



「《永遠飛行模式》！」我突然大叫



我開始由副歌自彈自唱



「如果愛你要放下自尊」



「未必了 我沒埋怨」



「明日我 如常過沒想起你丁點」



我就咁彈咗幾首Dear Jane既歌



之後就去咗瞓覺
———————————————————————
第二朝返到去



Karen好似仲嬲緊我咁



都係死死氣咁俾電話號碼佢



「又話唔俾我？」



佢睥到我實一實



「對唔住啊Karen姐,最多小弟請返你食好嘢。」



「你係先好。」



「唔好嬲啦～」



「哼！」



「終於知一去不返 這個道理」



我突然唱咗一句歌詞



「想再牽手 也沒權利
失去你後捉得緊只得空氣」



估唔到Karen佢接埋落去！



「經不起戀愛風霜 只有後悔」



「傷過的心 祈求學會」



「經歷多少可惜也都不配」



「明白有幾多感人約誓 有幾多山盟海誓
最終都不能一生一世」



「最後也許終需懂放低
回憶的一切 多麼可貴 最後仍白費」



我同Karen一人一句咁唱完個副歌



「我估唔到你又唱得幾好喎天宇！！！」



「我都估唔到你會識一去不返啦！」



「你都傻嘅,Dear Jane啲歌咁正！」



「你都鍾意Dear Jane?」



IG: _nanase._