(溫情、輕鬆、奇幻)我救了一隻豬,牠為了報恩,居然把我強姦

Chapter 0 寵物傅心師
 
今天，城中傳奇富豪萬兆京位於半山的府第裡，聚集了數十名能人異士，云云人中最出名的有四人，這四人都是在站在某領域的頂尖人士，分別是風水玄學大師麥文澤、名偵探的私生子金成一、充當陰陽界的超級聯絡人問米婆聾婆、以及近期爆紅的寵物傳心師格古洛。
 
事緣昨天萬兆京在各大媒體刊登出一則告示「重酬！尋回走失的寵物。」，所以不少人前來碰碰運氣。
 
惹得萬兆京這種翻手為雲、覆手為雨的超級富豪也束手無策的，是一條叫做比滋達的黃鱔，這條黃鱔是他家中獨子Richard的良伴，坊間傳聞Richard曾向父親提出要與這條黃鱔共諧連理的請求。
 
比滋達失蹤後，Richard茶飯不思，萬兆京看在眼內，心頭好像被割了塊肉。
 




告示刊登了一天，吸引一班自稱最ＴＯＰ的動物傳心師上門，人人均說可以為萬兆京找回比滋達。
 
被坊間稱為萬兆京的內務總管馮仁昆在偏廳接見一眾投機者，萬兆京貴為首富，就算馮仁昆的身份不過是一名管家，一眾投機者亦不敢怠慢，哥前爺後的稱呼對方。而馮仁昆亦沒有放這些人在眼內，居然毫無顧忌的在眾人面前放屁，而且他放的屁又臭又響。
 
那股帶著濃烈腐屍味的惡臭瀰漫著整個偏廳，眾人屏息閉氣避免吸入這些有害又有毒的氣體。
 
馮仁昆瞧見有十多人掩住鼻子，立時喚人把這些人趕走。
 
被趕的其中一人喊道：「點解要趕我走？」
 




馮仁昆坐在太師椅上瞥了那人一眼，邊品茗邊道：「做大事嘅人要有泰山崩於前而色不變嘅定力，頭先係我對你地作出嘅考驗，好明顯你地係唔合格。」
 
馮仁昆趕走了一大班人，在場只剩下麥文澤、金成一、格古洛、聾婆。
 
金成一慶幸自己站在最後，加上他的身型較矮小，所以剛才馮仁昆沒有看到他用手掩著鼻子，心想：「馮仁昆依個老屎忽，頭先好明顯就忍唔住放屁，佢個屁臭到咁，可以推理出佢腸胃真係好差。」
 
麥文澤當風水界這一行，與很多人打交道，得知馮仁昆的脾性和對方在萬家的地位，為了能得到萬兆京的重酬，他只好強忍。
 
格古洛患了感冒，嗅覺不太靈光，馮仁昆的臭屁對他影響有限，他心想：「依個人好無恥，明明就係自己放屁，話係考驗我地嘅定力，不過都好，多隻香爐多隻鬼，依家得返四個人，我得到萬兆京嘅報酬又大咗喇！」
 




聾婆太老，身體機能下降，她覺得馮仁昆的屁並不太臭。
 
這時萬兆京和Richard來到了偏廳，Richard環目四顧，問道：「爸爸，你登咗報，唔係應該會有好多人嚟幫我地咩？點解得四個嘅？」
 
萬兆京瞥了馮仁昆一眼，馮仁昆乾咳了一聲，道：「老爺，有好多呃飯食嘅人嚟白撞，我已經趕晒佢地走喇！依四位有真材實料，應該可以幫少爺搵返比滋達。」
 
萬兆京打量了四人一眼，道：「各位，我萬某人一向牙齒當金使，只要有人可以幫小兒搵返比滋達，我一定會給予重酬。」
 
馮仁昆領著眾人到了一間千尺房室，內裡飼養著不少動物，有象龜、金絲雀、龍吐珠、變色龍。
 
格古洛暗自嘀咕：「間房大過我屋企幾倍，唔知Richard仲養養寵物呢？我識自己屙屎。」
 
Richard拿出了一張相片出來，道：「相入片嘅就係比滋達喇！」
 
四人打量著相片，相片內是一條得了白化症的黃鱔，自然界得到白化症是很罕有的，物以罕為貴，這些富豪的錢就是花在這裡。




 
麥文澤問過了Richard的時辰八字和比滋達的資料，拿出羅庚四處查看一番，然後道：「萬先生，我屈指一算，算出令公子命格屬火，而比滋達命格屬水，佢地命格相沖，彼此相剋，所以導致比滋達出走外逃，只要我係貴宅擺出八門金鎖陣，喺八個方向分別擺出楊貴妃嘅洗腳水、李師師嘅肚兜、尼古拉嘅犬齒、亞瑟王嘅腳指甲、伊莉莎白嘅眼睫毛、非洲水牛嘅睪丸、伊比利亞豬嘅陰毛、橋本環奈著過嘅絲襪，再由我親自作法，一定可以有成效，本身依個ＰＬＡＮ要９９９９９９９９，依家慶祝我出道八周年，做緊八折酬賓。」
 
麥文澤說得很興奮，可是萬兆京只是冷冷地打量了麥文澤一眼，道：「麥師父，你唔係當我傻仔啊？」
 
麥文澤立時道：「萬先生，如果依個ＰＬＡＮ你覺得唔啱，我有其他ＰＬＡＮ…」
 
聾婆走上前，斷言道：「萬老爺、萬公子，我已經知道比滋達嘅下落喇！」
 
Richard聞言立時追問：「比滋達依家係邊啊？」
 
驀地，聾婆全身痙攣，軟攤地上，馮仁昆見狀立時大吃一驚，上前踹了聾婆一腳，道：「喂！咩事啊妳？要死行遠啲，唔好整污糟間屋啊！」
 
聾婆爬到Richard身旁，抓著Richard的腿，悲愴道：「嗚嗚～主人，我係比滋達啊！我死得好慘啊！」
 




Richard看著在地上爬行的聾婆愕然道：「你係比滋達？點解會咁嘅？」
 
聾婆繼續嗚嗚叫道：「我死咗啊！我俾人豉汁蒸咗嚟食，好無陰功啊！依家我上咗聾婆身。」
 
Richard悲憤道：「究竟係邊個咁對你，你同我講，我叫爸爸將佢全家都豉汁蒸咗佢。」
 
「主人，我係罪有應得架！上世我做咗太多壞事：我喺電梯入面放咗十幾個無聲屁；又試過坐小巴嘅時候，打開窗對路人吐口水；讀小學嗰陣，將鼻屎彈入同學嘅水樽；仲有追春泥嘅故，睇完唔買書仲要畀負評。」
 
Richard聞言嚇了一跳，真想不到自己視如命根的比滋達，牠的前世居然是如此十惡不赦的人。
 
「主人，閻王話我嘅孽報仲未還清，下世投胎要做一條屎蟲。」
 
Richard聞言很生氣，道：「佢夠膽咁做，我叫爸爸出律師信告佢，仲要收購佢間公司。」
 
「主人，無用架！依家唯有叫聾婆為我祈福先可以減輕我嘅罪孽，為我祈福需要十粒三卡鑽石、十斤黃金、十斤白金、唔連號碼嘅一百萬美金……」




 
聾婆還未說完，萬兆京再也按捺不住一腳踹過去，罵道：「波你阿摩，呃神騙鬼，下一個，邊個再浪費我時間，我就對佢唔客氣。」
 
呠！呠！呠！
 
一陣惡臭瀰漫著整個房間，萬京兆和Richard都掩著鼻子，萬京兆喝罵道：「波你阿摩，快啲開窗，想臭死我啊！阿昆，你咁大個人，控制一下自己嘅肛門括約肌啦！」
 
萬京兆是自己的米飯班主，馮仁昆當然不敢像剛才對待其他訪客那樣對待萬兆京，他只好唯唯諾諾去打開窗。
 
格古洛倏地道：「我已經知道比滋達嘅下落喇！」
 
Richard喜道：「真係嘅，比滋達依家係邊啊？」
 
剛才格古洛用相機拍下了比滋達的相片，發送給拍檔，現在他的拍擋應該準備好假冒的比滋達。
 




格古洛道：「我嘅人已經搵到佢喇！佢依家帶緊比滋達嚟。」
 
Richard追問道：「你點搵到架？」
 
格古洛道：「我係一個專業嘅寵物傳心師，我同比滋達喺朋友，我收到佢發送俾我嘅腦電波，於是我就叫朋友帶佢返嚟。」
 
五分鐘後，格古洛的拍檔來到萬宅，提著一個透明箱子，內裡真的盛著一條外表通白的條狀生物，正在箱內翻騰蠕動。
 
Richard一臉歡喜地把手伸進箱子撫摸，很快便察覺到不妥，他的手居然沾有白色的濃稠液體，而箱內的生物原本白色的外皮，正在漸漸脫色。
 
在旁的萬兆京罵道：「波你阿摩，居然夠膽喺我面前做假？」
 
萬兆京上前搶過箱子砸在格古洛的腦袋上，格古洛痛得掩著頭在地上打轉。
 
三人都敗下陣來，只剩下名偵探的私生子金成一。
 
金成一一直沉默不語，先讓其他人各顯本領，他深信主角是在最後的關頭才出場的，他相信謎題只有他一個人才能夠解開。
 
萬兆京斜睨著他，道：「如果你又喺啲呃神騙鬼嘅人，可以慳返啲口水喇！」
 
金成一道：「萬先生，你放心啦！我體內流住名偵探嘅血，一切都講求嚴謹嘅邏輯科學，怪力亂神唔係我嗰一瓣。」
 
金成一在房屋來回踱步四處打量，道：「頭先啲門窗喺我地入嚟之前都係鎖上嘅！咁好明顯依度喺一個密室。」
 
Richard道：「比滋達喺前晚唔見，嗰陣窗同門都無鎖。」
 
金成一輕咳一聲，掩蓋他尷尬的神情，徑自道：「依個唔係重點，一齊嘅謎底已經解開喇！ 」
 
金成一道：「尋日萬先生喺咁多份報紙上刊登尋找寵物嘅廣告，同頁嘅左下角有萬先生嘅福佳超市招聘廣告，萬先生搞咁多花臣，吸引到咁多人嚟只係想揀選優秀嘅人材同你打工，至於嗰張白化黃鱔不過係玩具，Richard根本就無依隻寵物，之前畸寶電視都做過相同嘅野試探過一眾寵物傳心師，但係依樣喺瞞唔過ＩＱ１８０嘅我。」
 
金成一說得頭頭是道，其餘三人也不禁認同金成一的說法。
 
豈料萬兆京怒道：「你估我好得閒啊？我秒秒鐘幾千萬上落，我請人要做依啲馬騮戲？阿昆，無其他人喇？」
 
就在此時，有僕人道：「老爺，出面嚟咗兩個人，佢地話嚟幫少幫手搵比滋達架！」
 
萬兆京道：「叫佢地入嚟啦！唔爭在浪費多幾分鐘。」
 
僕人領了一男一女到來，男的是一名年若二十歲、長相普通青年，就是那種在街上碰上也不會多作留意的那一種；而那女的樣貌身材都臻至明星級數，與紅影星波多野志鈴有九成相似，不過她的年齡比波多野志鈴年青。
 
男人向萬兆京遞上卡片，自我介紹一番，道：「萬先生，唔好意思，我地遲到，不過正常嚟講主角都係最後先到。小弟叫唐真，依位係我徒弟朱西，無論風水批命、占卜問米、捉邪捉鬼、寵物傳心、起底跟蹤等等，我地都可以幫到你。」
 
唐真的說話很明顯就是衝著四人來。
 
麥文澤首先按捺不住，道：「自吹自擂，睇你毛都未出齊，講到自己十項全能咁，一定係講大話啦」
 
唐真道：「長江後浪推前浪，以前ＮＯＫＩＡ電話可以打出打入，啲人已經覺得好巴閉，但係依家嘅ＩＰＨＯＮＥ就好似一部電腦咁，集多功能於一身，追唔上潮流嘅樂基阿電話，依家已經畀時代淘汰喇！」
 
唐真諷刺麥文澤已經不合時宜，直把麥文澤氣得七孔生煙，他冷笑道：「咁我就真係要睇下你依部ＩＰＨＯＮＥ有咩咁把炮喇。」
 
那名叫做朱西女生，就在他們拌嘴的時候，走到金絲雀的鳥籠前，發出吱吱的鳥語聲，未幾朱西又走到魚缸，把頭探入水中，氣泡由朱西的口中浮上水面。
 
馮仁昆見狀罵道：「喂！靚妹，妳做咩啊？失心瘋啊？」
 
唐真解釋道：「我收咗幾個弟子，朱西喺動物傳心方面已經學咗我四成，一定幫到你手。」
 
Richard奇道：「但係你地連比滋達嘅相都未睇，點知道要搵啲咩啊？」
 
唐真道：「萬少爺，你放心啦！我地依啲專業人士係專業嘅。」
 
這時，朱西把頭從魚缸抽出來，立時把房間的地板灑濕了一大片，然後她又走到一個飼養變色龍的恆溫箱前。
 
馮仁昆指罵道：「喂！你地究竟係嚟幫手，定係嚟搞搞震啊？」
 
唐真打了個手勢，道：「各位稍安毋躁，謎底好快就會解開。」
 
萬兆京察覺到異樣，平常那對龍吐珠是很討厭有人靠近的，有人走近一點，牠們便會躍出水面表達不滿，那女孩把頭放進魚缸，牠們還走過去親近，看來她對待動物還真的有一手。
 
朱西從恆溫箱走回來，然後在唐真耳邊竊竊私語，唐真一面聽，目光一面向馮仁昆瞧去。
 
馮仁昆這時又不禁放了一個又臭又響的屁。
 
萬京兆怒道：「阿昆！夠喇！」
 
唐真掩著鼻道：「萬先生、萬少爺，我已經知道比滋達依家喺邊喇！」
 
Richard連忙追問道：「比滋達喺邊啊？」
 
唐真乾咳了一聲，道：「萬先生，萬少爺，依個涉及到你家中嘅隱私，麻煩你請啲唔關事嘅閒雜人等離開。」
 
麥文澤道：「咩閒雜人啊！我麥文澤係玄學有朵架！」
 
金成一起哄道：「咩啊！喺到故弄玄虛。」
 
聾婆亦道：「死靚仔，無料扮四條。」
 
格古洛道：「我地都有知情權架！」
 
萬京兆點頭，然後下逐客令道：「請其他人離開。」
 
馮仁昆想離去時，唐真把他攔下，道：「馮管家，你係萬先生嘅表弟，邊算係閒雜人啫！」
 
萬兆京道：「阿昆，你好熱啊？出晒汗嘅！」
 
馮仁昆道：「我有啲肚痛啊！」
 
唐真道：「馮總管，急都唔爭在一時吖！話唔定我可以醫好你嘅肚痛呢！」
 
馮仁昆睨了唐真一眼，Richard道：「依家間房淨番我地五個人，你快啲話畀我聽比滋達喺邊？」
 
唐真掃視了眾人一眼，道：「遠在天邊近在眼前，比滋達依家就喺依間房入面。」
 
「無可能架！之前我搵勻成間房都唔見，比滋達匿埋喺邊啊？」Richard話畢又再次在房間進行搜尋。
 
唐真伸出手指向一個人，道：「唔駛搵喇！唔會搵唔到架！因為比滋達依家喺你嘅肚入面。」
 
Richard見我指著萬兆京，訝道：「咩話，原來喺爸爸你食咗比滋達？」
 
唐真道：「唔好意思，馮管家，麻煩你唔好匿喺萬先生後面。」
 
Richard激動道：「原來係你個賤人食咗比滋達，你快啲還返比滋達俾我。」
 
馮仁昆急忙辯道：「我無食到比滋達！」
 
唐真斷言道：「言語藝術，你無食到比滋達，但係唔代表佢唔喺你肚入面，佢係從你肛門入去嘅。」
 
馮仁昆脹紅著臉，抱著肚子道：「你亂講，無啲咁嘅事。」
 
唐真道：「只要去照一下Ｘ光，自然就可以一清二楚。」
 
馮仁昆指著唐真道：「你依個騙子，喺到呃神騙鬼，快啲躝！」
 
精明的萬兆京發覺到馮仁昆的心虛表現，厲聲道：「阿昆，究竟佢講嘅說話係咪真嘅？」
 
咕嘟、呠啪、喀噠～
 
馮仁昆一聲慘呼，然後一陣比之前濃烈十倍的惡臭籠罩著整個房間，馮仁昆居然「瀨屎」，而且糞便還連同一尾條狀生物從他的褲管滑出。
 
Richard驚呼道：「係比滋達啊！」
 
原本外表通白的比滋達，現在沾滿了馮仁昆的糞便變成了棕色，Richard想走上前抱起比滋達，萬兆京見狀立時拉走Richard，道：「傻咗啊你！依啲野叫工人做咪得囉！」
 
半小時後，在另一間房間內，比滋達已經洗滌乾淨，在魚缸裡自由自在地暢泳；同樣清洗乾淨的馮仁昆，神情畏懼地跪在地上；一臉鐵青的萬兆京拿著高爾夫球棍，問道：「阿昆，究竟係咩一回事？」
 
馮仁昆囁喘道：「老爺，我…年紀大，腸胃唔好，便秘咗成個禮拜，聽個同鄉講佢太公嗰陣便秘，都係塞條黃鱔入屎忽到，黃鱔就會食晒啲屎，於是…」
 
Richard怒道：「你就食屎，比滋達係唔會食屎架！」
 
萬兆京向唐真瞧去，唐真搖頭道：「萬先生，馮管家嘅說話係不盡不實，我聽朱西轉述，你養嗰隻金絲雀同變色龍話，馮管家將比滋達不斷重覆推拉進出佢嘅肛門，期間臉上仲流露出愉悅同興奮嘅表情，之後佢先唔小心將比滋達滑入佢身體入面。」
 
馮仁昆又驚又怒，道：「你唔好亂講！你有咩證據？」
 
唐真道：「我地識得同動物傳心，啲動物唔會講大話，我地都唔會講大話。」
 
雙方都是一面之辭，萬兆京的目光在唐真與馮仁昆之間遊移，最後他舉起高爾夫球棍砸在馮仁昆身上，罵道：「波你阿摩，你有無咁犯賤，有女人唔玩玩畜生，你係我疏堂表弟，傳咗出去我仲有面嘅？」
 
萬兆京在執行家法，唐真不好意思干涉人家的家事，便與朱西走出房間外。
 
馮仁昆的慘叫聲隱隱透著大門傳來，唐真再仔細一聽，發現慘叫聲夾雜著歡愉的呻吟，他的身體不由自主地抖了一下。
 
一名僕人請唐真與朱西到偏廳等候，過了好一會萬兆京才出現。
 
萬兆京道：「你幫Richard搵返比滋達，我萬兆京一言九鼎，會俾你應得嘅報酬。」
 
萬兆京拍了一下手掌，一位僕人取出了一個公事包和一份合同，他道：「只要你簽咗份合同，保證依件事唔向其他人透露，依一百萬就係你。」
 
唐真覺得萬兆京貴為城中首富出手未免太低，難怪坊間都說他是孤寒財主，不過就是這錙銖必較的性格才可以讓他成為首富。
 
縱使唐真有點不滿，還是答應了萬兆京的要求，在合同簽上自己的名字，取走了他的報酬。
 
離開萬宅前，唐真道：「萬先生，下次如果你遇到啲咩奇難雜症，可以ＣＡＬＬ　ＭＥ，我電話係６９６９６９６９。」
 
萬兆京嘴角上揚，道：「一定。」
 
萬兆京的目光停留在唐真身旁的朱西，這個酷似波多野志鈴的正妹，擁有漂亮的臉蛋和火辣的身材，下次要找人問她的價錢，陪伴自己兩個星期。
 
萬兆京並不知道站在他面前的朱西並不是人類，而是一隻有數百年道行的野豬精。
 
＊＊＊
 
唐真打開了公事包，發現萬兆京給他的居然是價值一百萬元福佳超市的現金卷，而且這現金卷的有效日期就在今天，還有這現金卷的其中一條條款是不能購買煙酒、家電、藥物、點數卡、美容及健康產品，看來要用這一百萬來買檸檬茶和即食麵。
 
唐真把萬京兆的祖宗十八代都罵了一遍後，然後致電給媽媽，氣急敗壞道：「媽，頂佢個肺，原來萬京兆俾我嘅報酬係一百萬福佳現金卷啊！仲要係今日就過期。」
 
電話彼端傳來了唐真母親的聲音：「吓！依個孤寒財主咁都做得出。我叫埋妹妹一齊去掃貨，唔好蝕畀佢。」
 
唐真掛上電話後，道：「朱西，妳成日問我點做人，我話妳聽吖！做人嘅核心價值就係三樣野，第一樣係錢、第二樣係錢、第三樣都係錢。」
 
朱西一臉有聽沒有懂的樣子，時而搖頭，時而點頭。
 
唐真嘆了一口氣道：「算啦！妳做咗幾百年豬，突然之間要做人，大把野要妳學啊！」
 
朱西點了點頭，道：「我會好好去學。」
 
眼前這酷似台灣紅星的波多野志鈴，其實是一隻在明朝出生的豬，一次我救了牠，牠為了報恩，居然把我強姦，此後我的世界變得不一樣，接觸到很多不同範疇的「生物」。


=15.6px以下是小弟的FACEBOOK專頁,內有更多精彩內容,如各位對小弟的作品感興,不妨到此留下讚好,給予鼓勵,你們每一個支持,均是給我做得更好的動力,謝謝
https://www.facebook.com/vc907907?ref=hl