黑狼物語: 創世神賜我神力？我是翻版耶穌？

一切正常，只有我…仍然是全黑的人形物體，但這看來並不是本來瘦削的我，玻璃倒影中的，是高大、強壯的人形物體…

「人咩啊人！」那多重聲音又出現了！

「吓？！」我驚嚇地叫了出來

「你已經脫離左人嘅軀體啦，你唔再係人類，你係半神」

他…竟然能讀我的心！





「唔係讀心，係對話。」

「由呢一刻開始，你就係黑狼。」

「但點解要咁做呢…我只係想做一個普通人…」

「對唔住，係我揀你，唔到你選擇，你係人類中嘅三次等，佢對你冇興趣，亦唔會覺得你有能力對付到佢。」

「對付…佢…？」





「就係你地人類口中嘅『神』。」

「你要我對付神？我只係一個普通人咋！」

「你係黑狼。」

「ok... 咁你…又係邊個？」

「三次等領悟能力低，不意外，我係人類口中嘅『魔』，亦姐係撒旦、地獄、魔鬼、罪惡。」





不是吧…我竟然成了地獄使者…Oh my God！

「地獄使者唔係你做架，你係黑狼，係半神」

「但…你唔係魔咩？」

「『神』、『魔』只係人類創造出黎嘅字詞，佢同我本來都係創世者，當初並冇你我之分，只有一，一亦是全，全即是一，但我地喺創造世界時，意外遺留左智慧嘅產物喺地球，即是人類，但人類只擁有智慧，沒有神性，因此先會有善惡之分、皮肉六感。起初我認為要賜神性予人類，但佢都反對，佢認為人類只係智慧產物，於是開始以神嘅身份教育人類，亦即是宗教，結果導致人類不斷循環歷史嘅錯誤：分歧、矛盾、對峙、自相殘殺，後來為左自圓其說，甚至將我抹黑，以劃分善惡，更將我打入結界之中。」

「你意思係，善惡本來就係一體？」

「並唔係，世界本來並沒有善惡之分，只係人類用以管制人類嘅最佳手段」

「我明白啦…咁但係點解你會唔夠佢打，俾佢打入結界？」

「你知道嗎？如果我同佢打，呢個世界嘅所有一切，都會一瞬間崩壞，但你唔同，你只係一個弱小嘅3次等人類，我賜與你神力，使你可以替人類社會撥亂反正，重新整理世界。」





「但咁樣做，『佢』唔會知？」

「佢知，我同佢都係全知全能。但佢冇辦法阻止你，正如當初我冇辦法阻止佢一樣。」

「我明白了，咁我究竟要做啲咩？」