[hehe]《知音人》: 八十三：生日

Oscar和Roy看完電影後，時間也差不多傍晚六時。兩人晚上各有約會，在地鐵站解散。
 
當Oscar乘地鐵到達目的地時，就已經看見Wilson早已到達，那時才六時十五分。
 
Oscar走過去，拍了Wilson的膊頭一下：「喂，咁早既。」
Wilson：「Hello，你都係啫。」臉上露出燦爛的笑容。
 
Oscar看著今天穿得很文質彬彬的Wilson突然燦爛地笑，心頭一震，未能給予回應。
 
Wilson此時從他背包拿出一個小盒子，並遞給他說：「生日快樂呀，送比你架。」




Oscar伸手接過並說：「多謝你呀。」
Wilson：「咁我地行啦。」
Oscar：「去邊度食呀？」
Wilson：「到左你咪知囉。」
 
兩人並肩走著，到達了一間不起眼但看似很高級的日本餐廳。
 
Wilson推門進去，和職員友善地打了聲招呼。Oscar見狀即時在Wilson耳邊小聲問：「你成日黎架？」
 
職員引領兩人到某角落的位置坐下，並送上熱茶和餐牌。




 
Wilson：「係呀，間唔中都黎。」
 
Oscar打開餐牌，看到那些價錢即時瞪大雙眼，不知如何反應。
 
Wilson看到了Oscar的反應，笑了說：「唔使咁驚，你生日飯我請啦。」
 
但這沒有減低Osacr心中的震驚和不安，弱弱地說：「唔係幾好意思既。」
 
Wilson：「放心啦，呢間餐廳我呀爸既朋友開，會有折架。」




 
Oscar心裡沒有很相信，但覺得再說下去也沒意思，唯有說：「我好少黎呢D餐廳，食咩野你話事啦。」
 
Wilson看著表情十分不好意思的Oscar，也不好意思為難這位壽星公，就聽從他的話自己「發辦」點菜。
 
Wilson點完菜後，Oscar便小聲說：「其實呢，下次去普通餐廳食得啦，我唔係好慣係呢D餐廳食。」
Wilson：「哦，好啦，諗住見係你生日，帶你食好少少啫，無諗過反而令你唔舒服。」
Oscar：「我明呀，多謝你呀，只係我真係有少少唔慣。」
Wilson：「好啦。」
 
雖然餐廳的環境非常舒服，但兩人之間的氣氛卻異常冷卻，兩人都默不作聲互相對望，直至侍應送上前菜，兩人才慢慢從尷尬的氣氛中慢慢恢復對話。
 
之後的一個多小時，他們一邊吃著高級日本料理，一邊談著不同的話題，由NBA到大學籃球隊、由名校到村校生活、由語言系課堂到港島大校園傳說，話沒怎樣停過，仿佛返回兩人初相識不久的時光。
 
吃過晚飯後，兩人在餐廳附近散步著。此時心情不錯的Oscar在中途把手放上Wilson的肩膀，說了一句：「多謝你呀。」




 
Wilson沒有迴避，答了一句：「傻啦，你生日嘛，係咪好兄弟先。」
Oscar：「唔止呢樣啦。」
Wilson：「你指？」
Oscar：「單係你仲肯同我做好朋友而無抗拒我…」
Wilson：「楊俊朗呀..」
Oscar：「嗯。」
Wilson：「其實，由始至終我都無抗拒過你架。首先你唔好成日覺得大家會懷疑你或者抗拒你，比多D信心自己，我成日都覺得，你只要信自己、接納自己，你就會變左另一個人，會charm好多。」
Oscar：「好啦，真係多謝你呀。」
 
此時，Oscar的電話響起，來電的是Darren。